Corona Vaccine: కరోనా వ్యాక్సిన్‌ తయారీలో మంచి పురోగతి: ట్రంప్ – donald trump comments on coronavirus vaccine and china


రోనా వైరస్, చైనాపై అమెరికా అధ్యక్షుడు డొనాల్డ్ ట్రంప్ మరోసారి ఆసక్తికర వ్యాఖ్యలు చేశారు. వ్యాక్సిన్‌ అభివృద్ధిలో మంచి పురోగతి సాధిస్తున్నామని.. ఆశాజనకమైన ఫలితాలు వస్తున్నాయని ట్రంప్‌ తెలిపారు. భద్రతాపరమైన పరీక్షలు పూర్తయి, పరిస్థితులు అనుకూలిస్తే.. సుమారు 2 మిలియన్ వ్యాక్సిన్లను సరఫరా చేయగలమని ఆయన చెప్పారు. వ్యాక్సిన్‌ అభివృద్ధిపై కొనసాగుతున్న పరిశోధనలపై బుధవారం (జూన్ 3) సమీక్షా సమావేశం నిర్వహించినట్లు ట్రంప్ వెల్లడించారు.

కరోనా మహమ్మారిని ఎదుర్కోవడంలో తాము తీసుకున్న నిర్ణయాలు సరైనవేనని ట్రంప్ వ్యాఖ్యానించారు. అమెరికా సరైన నిర్ణయాలు తీసుకుందని.. గొప్పగా పని చేసిందని పేర్కొన్నారు. ప్రపంచ చరిత్రలోనే అమెరికాకు అత్యంత గొప్ప ఆర్థిక వ్యవస్థ ఉందని.. అదే కరోనా మహమ్మారిని సమర్థంగా ఎదుర్కొనేందుకు తోడ్పడిందని వివరించారు. కరోనా నియంత్రణకు విధించిన లాక్‌డౌన్‌ను అన్ని రాష్ట్రాలు ముగిస్తే.. ఆర్థిక వ్యవస్థ పుంజుకుంటుందని ట్రంప్ అన్నారు.

చైనా ఇచ్చిన పెద్ద చెడ్డ బహుమతి..
కరోనా వైరస్ వల్ల అమెరికా తీవ్రంగా ప్రభావితమైందని ట్రంప్‌ తెలిపారు. కరోనాను చైనా ఇచ్చిన పెద్ద చెడ్డ బహుమతిగా అభివర్ణించారు. కరోనా వైరస్ వ్యాప్తి విషయంలో చైనా తీరును మరోసారి తప్పుబట్టారు. అయినప్పటికీ.. ఆ దేశంతో కలిసి పని చేసేందుకు సిద్ధంగా ఉన్నామని ప్రకటించి మీడియా ప్రతినిధులను, ప్రపంచ దేశాలను ఆశ్చర్యంలో ముంచెత్తారు. ‘చైనా ఇచ్చిన పెద్ద బహుమతి కరోనా. ఇది చెడ్డది కూడా.. వారు దాన్ని ప్రారంభంలోనే నియంత్రించి ఉండాల్సింది’ అని ట్రంప్ వ్యాఖ్యానించారు.

వైరస్ కారణంగా వుహాన్‌ చాలా ఇబ్బందులు పడినా.. చైనాలో ఇతర ప్రాంతాలకు మాత్రం వైరస్‌ వ్యాపించలేదని ట్రంప్ గుర్తు చేశారు. డ్రాగన్ దేశంపై పలు అనుమానాలు వ్యక్తం చేశారు. అమెరికా నుంచి చైనా ఎన్నో లాభాలు పొందిందని ట్రంప్ చెప్పారు. చైనాను తిరిగి అభివృద్ధి చేసుకునేందుకు 500 బిలియన్‌ డాలర్ల ఆర్థిక సాయం అందించామని తెలిపారు. ‘మేం ప్రపంచంతో కలిసి పనిచేస్తాం.. అలానే చైనాతో కూడా కలిసి పనిచేస్తాం. అందరితో కలిసి పనిచేస్తాం. కానీ, ఇప్పుడు జరిగింది ఇంకెప్పుడూ జరగకూడదు’ అని ట్రంప్ అన్నారు.

Also Read:కొత్త పథకాల నిలుపుదల.. కేంద్రం షాకింగ్ నిర్ణయం, కరోనా ఎఫెక్ట్

Don’t Miss:డాక్టర్లు, నర్సులకు కొవిడ్.. దేశంలో కలవరపెడుతున్న అంశం



Source link

Leave a Reply

Your email address will not be published. Required fields are marked *