coronavirus affects: డేంజర్.. లాక్‌డౌన్ టైమ్‌లో పెరుగుతున్న వివాహేతర సంబంధాలు.. – during coronavirus online extra marital affairs are increasing


లాక్ డౌన్ ప్రకటించినప్పట్నించీ వివాహేతర సంబంధాలు ఊపందుకున్నాయని ఇటీవలి గణాంకాల ప్రకారం తెలుస్తోంది. వివాహమైన వారు వారి మార్పు లేని జీవితంలో కొంచెం సరదా కోసం డేటింగ్ వెబ్ సైట్స్ ని చాలా ఎక్కువగా వాడుతున్నారని ఈ వెబ్ సైట్స్ విడుదల చేసిన డేటా ప్రకారం తెలుస్తోంది. గుర్గావ్ లోని ఆర్టెమిస్ హాస్పిటల్ లో హోలిస్టిక్ మెడిసిన్ ఎండ్ సైకాలజీ శాఖాధిపతిగా ఉన్న డాక్టర్ రచనా ఖన్నా సింగ్ ఎంటర్టైన్మెంట్ టైంస్ లైఫ్ స్టైల్ తో ఇన్స్టాగ్రాం లైవ్ లో ఈ వివాహేతర సంబంధాల గురించి చర్చించారు.

Also Read : సమ్మర్‌లో ఈ స్మూతీస్‌ కచ్చితంగా చేసుకోవాల్సిందే..

అసలు ఏ రకమైన సంబంధం వివాహేతర సంబంధమౌతుంది? “ప్రస్తుతం అందరూ అందరికీ అందుబాటులో ఉంటున్నప్పుడు, గతంలో ఉన్న ప్రేమికులతో కూడా స్నేహ సంబంధాలు కొనసాగిస్తున్నప్పుడు, వారితో అన్ని విధాలుగా టచ్‌లో ఉంటూ శారీరకంగా, మానసింకంగా సరసాలు ఆడుతూ ఉండడాన్ని కూడా వివాహేతర సంబంధం అనే చెబుతారు. మీ భాగస్వామికి తెలియకుండా అపోజిట్ జెండర్ తో మీరు ఏం చేసినా అది మీ భాగస్వామిని మోసం చెయ్యడమే” , అని అంటున్నారు డాక్టర్ రచనా.

ఒక విషయం ఒప్పుకోవాల్సిందే. వివాహబంధంలో ఉన్న ఇద్దరూ ఇంత దగ్గరగా ఇన్ని రోజులు గడపడమన్నది ఈ మధ్యకాలంలో ఎప్పుడూ జరగలేదు. దాంతో మనసు మళ్ళించుకోవడం కోసం చేసే ప్రయత్నాల్లో కొందరు ప్రమాదకరమైన దారుల్లో వెళ్లడానికి కూడా సందేహించట్లేదు. అందుకనే, వివాహేతర సంబంధాల కోసమే ప్రత్యేకించబడిన గ్లీడెన్ అనే యాప్ కి భారతదేశం నుంచి చందాదారులు వెల్లువెత్తుతున్నారు. “రోజువారీ విసుగు నుంచి తప్పించుకోడానికి కొంతమంది ఫేక్ ప్రొఫైల్స్ తో డేటింగ్ సైట్స్ లో చేరడం నాకు తెలుసు. దీని వల్ల మీరు మీ భాగస్వామిని మోసం చేస్తూ మీ బంధాన్ని నిర్లక్ష్యం చేస్తున్నారు. మీ భాగస్వామీ, మీరూ ఒకే చోట చాలాసేపు గడుపుతున్నప్పుడు వారికి ఈ విషయం తెలియడానికి చాలా సమయం పట్టదు”, అంటారు డాక్టర్ రచనా. కేవలం విసుగుదల నుంచి తప్పించుకునే ప్రయత్నంలో మీరు చేస్తున్నపని మీ బంధాన్ని ఒడిదుడుకులలోకి నెడుతుందని గుర్తుంచుకోండి.

Also Read : రోజులో ఎక్కువసార్లు శృంగారంలో పాల్గొంటే పిల్లలు పుట్టరా..

డేటింగ్ వెబ్ సైట్స్ పక్కన పెడితే, చాలా మంది దంపతులకి రహస్య సంబంధాలు ఉండడం మామూలైపోయింది. ఇప్పుడు వారి భాగస్వాములతోనే వారు గడపవలసిన స్థితి వచ్చిన తరువాత, వీరు మళ్ళీ వారి బంధానికి విలువనివ్వడం మొదలుపెడతారా.. అన్న ఆలోచన రాక మానదు. “వారి వారి జీవితాల్లో ఉన్న శూన్యాన్ని పూడ్చుకోడానికి వివాహేతర సంబంధాల వైపు అడుగులు వేస్తారు. ఒక సారి అడుగు పెట్టాక అందులో నుంచి బయటపడడం ఎలానో తెలీదు వారికి. అది వారి వివాహబంధానికి హాని చేస్తోందని తెలిసినా సరే, ఆ వ్యక్తిని వదిలి రాలేరు. అలాంటివారందరికీ నేనొక సూచన చేస్తున్నాను – ఈ ఆకర్షణ మీ వివాహాన్ని కూలదోసుకునేటంత గొప్పదా, అంత మంచిదా, అని ఒక్కసారి ఆలోచించండి. ఒకసారి పొరపాటు జరిగినంత మాత్రాన, మళ్ళీ మీ భాగస్వామితో కలిసి మీ వివాహానికి విలువనివ్వడం తప్పు కాదు కదా”.

Also Read : ఈజీగా ఇంట్లోనే చేసే ఈ వర్కవుట్స్‌తో త్వరగా బరువు తగ్గొచ్చు..

ఈ రహస్య సంబంధాల లోంచి బయటికొచ్చిన వారు ఈ వివరాలన్ని వారి భాగస్వామికి చెప్పి క్షమించమని కోరడం తప్పవుతుందా? “ఈ వివరాలన్నీ చెప్పాలా వద్దా అన్నది ఎవరికి వారు నిర్ణయించుకోవాలి. మోసం చేయబడ్డ వారు చాలా బాధకి గురవుతారు. కొంతమంది ఆ బాధలోంచి జీవితాంతం బయటపడలేరు”, అంటారు డాక్టర్ రచనా. మరో ప్రశ్న ఏంటంటే, ఇలాంటి పరిస్థితులలో భాగస్వామిని క్షమించడం ఎవరికి తేలిక – భర్తకా, భార్యకా? “మోసం చేయడమనేది భర్తో, భార్యో మాత్రమే చేసేది కాదు. రహస్య సంబంధాలెంత మామూలైనప్పటికీ, అందరూ దాన్ని ఒక పీడకలగా మర్చిపోలేరు”

వారి బంధంలోని లోపాలనే కాకుండా బలాలని కూడా గుర్తించేందుకు దంపతులు ఈ లాక్ డౌన్ సమయాన్ని వినియోగించుకోవచ్చు. “ఇంతకు ముందు విసుగు కలిగినప్పుడల్లా ఇంట్లో నుంచి బయటికి వెళ్ళి మనకిష్టమైన పని చేసుకునే అవకాశముండేది. ఇప్పుడు ఆ పని చేయలేం కాబట్టి, తీరిగ్గా కూర్చుని ఆలోచించుకోండి. మీ భాగస్వామినీ, మీ బంధాన్ని అర్ధం చేసుకోడానికి ప్రయత్నించండి. బలమైన బంధానికి నమ్మకం, భావ ప్రకటన చాలా ముఖ్యమైనవి. కాబట్తి, ఈ సమయాన్ని భగవంతుడిచ్చిన అవకాశంగా భావించి మీ బంధాన్ని బలపరుచుకోండి. ఏయే అభిప్రాయ భేదాలతో మీ బంధం తేలికపడిందో, వాటిని సరి చేసుకునే సమయం వచ్చిందని గుర్తుంచుకోండి. ముందు మీరు స్వస్థత పొంది, తరువాత మీ బంధాన్ని బాగుచేసుకోండి.”.



Source link

Leave a Reply

Your email address will not be published. Required fields are marked *