Coronavirus cases in India: కరోనా కేసుల్లోభారత్ మరో రికార్డ్.. ఈసారి స్పెయిన్‌ను దాటేసి ఐదో స్థానానికి! – coronavirus cases, india overtakes spain, 5th highest in world


దేశంలో కరోనా వైరస్ మరింత ఉగ్రరూపం దాలుస్తోంది. పాజిటివ్ కేసులు రికార్డు స్థాయిలో నమోదవుతున్నాయి. గడచిన 24 గంటల్లో దేశవ్యాప్తంగా 9,851 మందికి కొత్తగా వైరస్ నిర్ధారణ అయ్యింది. దీంతో మొత్త కరోనా వైరస్ కేసుల సంఖ్య 2.26 లక్షలు దాటింది. పాజిటివ్ కేసుల్లో కొత్త రికార్డులు నమోదయ్యింది. దేశవ్యాప్తంగా కోవిడ్-19 బాధితుల సంఖ్య లక్ష దాటడానికి 109 రోజులు పడితే.. కేవలం 16 రోజుల్లోనే 2.26 లక్షలకు చేరడం గమనార్హం. దీంతో కరోనా బాధితులు లక్ష దాటిన దేశాల జాబితాలో భారత్ 7 స్థానంలో, రెండు లక్షలు దాటిన మరో దేశంగానూ నిలిచింది. గురవారం మరో 273 మంది కొవిడ్‌ దెబ్బకు మృత్యువాతపడటంతో, మొత్తం మరణాల సంఖ్య 6,363కి పెరిగింది.

మహారాష్ట్రలో మహమ్మారి ఉద్ధృతి కొనసాగుతోంది. దేశవ్యాప్తంగా నమోదైన మొత్తం కేసుల్లో 35 శాతం ఆ ఒక్క రాష్ట్రంలో ఉన్నాయి. ఆ రాష్ట్రంలో పాజిటివ్ కేసుల సంఖ్య 77,000 మార్క్ దాటగా.. ఒక్క ముంబయి మహానగరంలోనే 44,900 మందికి వైరస్ నిర్ధారణ అయ్యింది. ఇప్పటి వరకూ కరోనా నుంచి 108,450 మంది కోలుకోగా.. మరో 1,12,034 మంది హాస్పిటల్‌లో చికిత్స పొందుతున్నారు. కేంద్ర ఆరోగ్య శాఖ వెల్లడించిన గణాంకాల ప్రకారం.. దేశవ్యాప్తంగా మరణాల రేటు 3.2%కి తగ్గగా… కోలుకున్నవారి శాతం 48.27కి పెరగడం సానుకూల పరిణామం.

మరోవైపు, మరణాల సంఖ్య కూడా గణనీయంగా పెరుగుతోంది. గత కొన్నిరోజులుగా దేశంలో రోజూ 200పైగా ప్రాణాలు కోల్పోతున్నారు. ఢిల్లీలో మరణాల సంఖ్య పెరుగుతుండటం ఆందోళన కలిగిస్తోంది. మే నెల ప్రారంభం నుంచి దేశంలో కరోనా కేసుల ఉద్ధృతి పెరుగుతోంది. ఇది జూన్ నాటికి మరింత ఉగ్రరూపం దాల్చింది. గురువారం అత్యధికంగా పాజిటివ్ కేసులు నమోదయిన దేశాల జాబితాలో భారత్ మూడో స్థానంలో నిలించింది.

గురువారం తమిళనాడులో వరుసగా ఐదో రోజు వేయికిపైగా కరోనా పాజిటివ్‌ కేసులు నమోదయ్యాయి. గురువారం అత్యధికంగా 1,384 మందికి వ్యాధి నిర్ధారణ అయింది. రాష్ట్రంలో మొత్తం కేసుల సంఖ్య 27,256కు పెరిగింది. మరో 12 మంది ప్రాణాలు కోల్పోయారు. మృతుల సంఖ్య 220కు చేరింది. కర్ణాటకలో గురువారం మరో 257 మందికి కరోనా సోకింది. మొత్తం కేసుల సంఖ్య 4,320కి చేరింది. కొవిడ్‌తో మరో నలుగురు మృతి చెందారు. దీంతో మృతుల సంఖ్య 57కు చేరింది.

తెలంగాణ రాష్ట్రంలో కరోనా మహమ్మారి కారణంగా మరో ఆరుగురు మృతిచెందారు. మొత్తం మృతుల సంఖ్య 105కు పెరిగింది. గురువారం మరో 127 మందికి వైరస్‌ సోకినట్లు వైద్య ఆరోగ్యశాఖ వెల్లడించింది. దీంతో రాష్ట్రవాసుల్లో నమోదైన కేసుల సంఖ్య 2,699కు చేరుకుంది. ఆంధ్రప్రదేశ్‌లో బుధవారం ఉదయం 9 నుంచి గురువారం ఉదయం 9 గంటల మధ్య 9,986 మంది నమూనాలు పరీక్షించగా 141 మందికి వైరస్‌ నిర్ధారణ అయింది. ఇందులో రాష్ట్రంలోవి 98, పొరుగు రాష్ట్రాల కేసులు 43 ఉన్నాయి. గత శనివారం నుంచి రోజుకు వందకుపైగానే నమోదవుతున్నాయి. గురువారం నాటికి మొత్తం కేసుల సంఖ్య 4,112కు చేరింది.



Source link

Leave a Reply

Your email address will not be published. Required fields are marked *