coronavirus cases in telangana: తెలంగాణలో కరోనా ఫ్రీ జిల్లాలివే.. ఇక్కడ ఒక్క కేసూ లేదు – minister etala rajender conducts high level meeting over covid cases increase


గత కొద్దిరోజులుగా కేసులు తగ్గుతున్న వేళ గురువారం ఒక్కసారిగా పాజిటివ్ కేసుల సంఖ్య పెరగడంతో వైద్య ఆరోగ్య శాఖను ముఖ్యమంత్రి కేసీఆర్ అప్రమత్తం చేశారు. ఈ మేరకు ఓ ఉన్నత స్థాయి సమావేశం ఏర్పాటు చేసి గ్రేటర్ హైదరాబాద్ పరిదిలో కేసులు పెరుగకుండా, వ్యాప్తి చెందకుండా చూడాలని ఆదేశించారు. సీఎం ఆదేశాలమేరకు చీఫ్ సెక్రెటరీ సోమేష్ కుమార్, సీఎం ముఖ్యకార్యదర్శి నర్సింగా రావు, స్పెషల్ చీఫ్ సెక్రెటరీ శాంత కుమారి, మున్సిపల్, వ్యవసాయ శాఖ ముఖ్య కార్యదర్శులతో వైద్య ఆరోగ్య శాఖ మంత్రి ఈటల రాజేందర్ భేటీ అయ్యారు.

సీఎం సూచనల మేరకు కంటైన్మెంట్ ప్రాంతాల్లో పకడ్బందీగా చర్యలు తీసుకోవాలని నిర్ణయించారు. వైద్య ఆరోగ్య శాఖ, మున్సిపల్ శాఖల సమన్వయంతో పని చేస్తున్నాయని సీఎంకు నివేదించినట్లు మంత్రి తెలియజేశారు. వారు తెలిపిన వివరాల ప్రకారం.. గురువారం 22 పాజిటివ్ కేసులు నమోదయ్యాయి. మొత్తం కేసులు 1038 కి చేరుకున్నాయి. ఒకరోజులో కరోనా వల్ల ముగ్గురు చనిపోయారు.

మరణించివారి వివరాలివీ..
రామంతాపూర్‌కు చెందిన 41 ఏళ్ల వ్యక్తి గాంధీ ఆసుపత్రిలో చేరిన 12 గంటల్లోనే చనిపోయారు. ఇతనికి షుగర్, బీపీ, స్థూలకాయం, న్యుమోనియాతో బాధపడుతూ చనిపోయారు. వనస్థలిపురానికి చెందిన 76 సంవత్సరాల వ్యక్తి , గుండె, కిడ్నీ, న్యూమోనియాతో బాధపడుతూ గాంధీలో చేరిన 24 గంటల్లోనే చనిపోయారు. దుర్గానగర్, జియగూడ కి చెందిన 44 ఏళ్ల మహిళ బుధవారం గాంధీ ఆసుపత్రికి వెంటిలేటర్ మీదనే వచ్చారు. వచ్చిన 6 గంటల్లోనే మరణించారు. ఈమెకు కూడా బీపీ, షుగర్, న్యుమోనియా ఉన్నాయి.

తెలంగాణలో 13 కరోనా ఫ్రీ జిల్లాలు
గత 4 రోజులుగా హైదరాబాద్ మినహా ఇతర జిల్లాల్లో కొత్త కేసులు నమోదు లేదు. ఇప్పటికే తక్కువ కేసులు నమోదైన జిల్లాల్లో కరోనా రోగులందరూ కోలుకొని డిశ్చార్జి అయ్యారు. ఈ నేపథ్యంలో ఆయా జిల్లాల్లో ప్రస్తుతం సున్నా కరోనా యాక్టివ్ కేసులు ఉన్నాయి. ప్రస్తుతం కరోనా కేసులు లేని జిల్లాలు రాష్ట్రంలో 13 ఉన్నాయని వైద్య ఆరోగ్యశాఖ ప్రకటించింది. వీటిలో 3 జిల్లాల్లో ఇప్పటి వరకు ఒక్క కరోనా కేసూ నమోదు కాలేదు. కరీంనగర్, కామారెడ్డి, మహబూబ్‌నగర్, మెదక్, భూపాలపల్లి జిల్లాల్లో గత 14 రోజుల్లో కొత్త కేసుల సంఖ్య పూర్తిగా లేదు.

ఒక్క కేసూ నమోదు కాని జిల్లాలు
వరంగల్ (రూరల్), యాదాద్రి భువనగిరి, వనపర్తి

యాక్టివ్ కరోనా కేసులు లేని జిల్లాలు
నాగర్ కర్నూల్, భద్రాద్రి కొత్తగూడెం, సిద్దిపేట, నారాయణపేట, మహబూబాబాద్, మంచిర్యాల, పెద్దపల్లి, ములుగు, సంగారెడ్డి, జగిత్యాల



Source link

Leave a Reply

Your email address will not be published. Required fields are marked *