coronavirus death toll in italy : ఇటలీలో కరోనా మరణ మృదంగం.. పదివేలు దాటిన మరణాలు, చైనాను దాటేసి… – italy coronavirus death toll crosses 10000


కరోనా వైరస్ ప్రభావంతో ఇటలీ విలవిల్లాడుతోంది. ఈ యూరోపియన్ దేశంలో ప్రాణ నష్టం ఊహకు అందని రీతిలో అంతకు అంతకూ పెరుగుతోంది. ఇటలీలో కోవిడ్ బారిన పడి మరణించిన వారి సంఖ్య పది వేలు దాటిందని న్యూస్ ఏజెన్సీ ఏఎఫ్‌పీ తెలిపింది. ఒక్కరోజులోనే ఇటలీలో దాదాపు 900 మంది ప్రాణాలు కోల్పోవడం పరిస్థితి తీవ్రతకు అద్దం పడుతోంది. కరోనా కారణంగా ప్రపంచంలోని మరే దేశంలోనూ ఈ స్థాయిలో ప్రాణ నష్టం జరగలేదు. ఇప్పటి వరకూ 92 వేల మందికిపైగా ఇటాలియన్లు ఈ వైరస్ బారిన పడ్డారు.


కరోనా కారణంగా శుక్రవారం ఇటలీలో 919 మంది చనిపోగా.. గురువారం 712 మంది ప్రాణాలు కోల్పోయారు. బుధవారం 683 మంది, మంగళవారం 743 మంది, సోమవారం 602 మంది ప్రాణాలు కోల్పోయారు. శుక్రవారం నాటికి ఇటలీలో మొత్తం 86,498 మందికి కరోనా సోకగా.. శనివారం నాటికి 92,472 మంది కరోనా కేసులు నమోదయ్యాయి. దీంతో కరోనా కేసుల్లో చైనాను ఇటలీ దాటేసింది. అమెరికాలో 1.10 లక్షల మందికి కోవిడ్ సోకగా.. 1937 మంది ప్రాణాలు కోల్పోయారు.

ప్రపంచవ్యాప్తంగా 6.14 లక్షల మందికి కరోనా సోకగా.. 28 వేల మందికిపైగా ఈ మహమ్మారి బారిన పడి ప్రాణాలు కోల్పోయారు. బ్రిటన్‌లో కోవిడ్ మరణాల సంఖ్య వెయ్యి దాటింది. స్పెయిన్‌లో కోవిడ్ కేసుల సంఖ్య 72 వేలు దాటగా.. 5800 మందికిపైగా ప్రాణాలు కోల్పోయారు.





Source link

Leave a Reply

Your email address will not be published. Required fields are marked *