coronavirus decode: ఆకారం మార్చుకుని, మరింత సామర్థ్యంతో జంతువుల నుంచి మనుషులకు కరోనా: స్టడీ – how coronavirus transmission from animals to humans decoded: us study


కోవిడ్-19 వ్యాప్తికి సంబంధించి ఖచ్చితమైన ఆధారాల కోసం ప్రపంచవ్యాప్తంగా పరిశోధనలు సాగుతున్నాయి. ఈ నేపథ్యంలో కొత్తరకం కరోనా వైరస్ తన ఆకారాన్ని మార్చుకుని, మరింత సామర్థ్యంతో జంతువుల నుంచి మానవులకు వ్యాప్తి చెందినట్టు తాజా అధ్యయనం పేర్కొంది. కొత్త రకం కరోనా వైరస్, జంతువులలో సారుప్యత, వైవిధ్యాలు, జన్యు విశ్లేషణ గురించి అమెరికాలోని యూనివర్సిటీ ఆఫ్ టెక్సాస్‌, డ్యూక్ యూనివర్సిటీకి చెందిన శాస్త్రవేత్తల బృందం అధ్యయనం చేపట్టింది.

గబ్బిలాల్లోని కరోనా వైరస్‌తో దీనికి దగ్గర పోలికలు ఉన్నట్టు నిర్ధారించారు. ఈ పరిశోధన ఫలితాలను జర్నల్ సైన్స్ అడ్వాన్సెస్‌లో ప్రచురించారు. సార్స్-కోవి 2 అనే వైరస్ మానవులకు సంక్రమించే సామర్థ్యాన్ని కరోనా వైరస్ నుంచి ఒక క్లిష్టమైన జన్యు భాగాన్ని మార్పిడి చేయడం ద్వారా పొందిందని, ఇది పాంగోలిన్ అనే ఒక క్షీరదానికి సోకుతుందని తెలిపారు. క్షీరదాల నుంచి క్షీరదాల్లోకి మారే క్రమంలో జన్యు మార్పు ద్వారా కణాలను తనలో ఉంచుకునే సామర్థ్యాన్ని పొందుతుందని పరిశోధకులు నివేదించారు.

సారూప్యత ద్వారా వైరస్ ఒక అతిథేయ కణాన్ని అన్‌లాక్ చేయడానికి వీలు కల్పించే కీని రీటూల్ చేసినట్లుగా ఉందని పేర్కొన్నారు. సార్స్-కోవ్-2లో వైరస్ ఉపరితలంపై స్పైక్ ప్రొటీన్‌లను గుర్తించామని, ఈ ‘కీ’నే వ్యాధి వ్యాపించడానికి వినియోగిస్తోందని పరిశోధకులు తెలియజేశారు.

గబ్బిలాల నుంచి పాంగోలిన్‌కు వ్యాపించిన సార్స్.. గబ్బిలాల నుండచి డ్రోమెడరీ ఒంటెలకు సోకిన మెర్స్… తరువాత మానవులకు చేరే క్రమంలో ఈ మహమ్మారి జన్యు పదార్ధం మార్పులకు గురయి.. చివరికి మానవులకు సోకడానికి వీలు కల్పించింది అని పరిశోధనలో పాల్గొన్న శాస్త్రవేత్త ఫెంగ్ గ్యో పేర్కొన్నారు. దాని జన్యు పరిణామ మార్పులు చివరికి మానవులకు సోకినట్టు వివరించారు.

ఇది వైరస్ పరిణామ క్రమాన్ని గుర్తించడానికి భవిష్యత్తులో వైరస్ నుచిడి ఉత్పన్నమయ్యే మహమ్మారిని అరికట్టడానికి సహాయపడుతుంది. వ్యాక్సిన్ పరిశోధనకు మార్గనిర్దేశం చేస్తుంది. ప్రస్తుత అధ్యయనంలో సాధారణ పాంగోలిన్ కరోనా వైరస్‌లు సార్స్-కోవ్-2కి చాలా భిన్నంగా ఉందని పరిశోధకులు కనుగొన్నారు. ఎందుకంటే అవి మానవులో వ్యాప్తికి నేరుగా కారణమయ్యాయి.



Source link

Leave a Reply

Your email address will not be published. Required fields are marked *