coronavirus for cnn anchor : కరోనా రోగులతో ప్రోగ్రామ్.. ప్రముఖ టీవీ యాంకర్‌కు సోకిన వైరస్ – cnn primetime anchor chris coumo tested positive for coronavirus


గ్రరాజ్యం అమెరికాలో కరోనా వైరస్ విలయ తాండవం చేస్తోంది. ప్రపంచ ప్రసిద్ధ ఛానెల్ సీఎన్‌ఎన్ ప్రైమ్ టైమ్ న్యూస్ యాంకర్ క్రిస్ క్యూమోకు కరోనా పాజిటివ్‌గా తేలింది. ఈ విషయాన్ని మంగళవారం (మార్చి 31) ఆయన ట్విటర్ అకౌంట్ ద్వారా వెల్లడించారు. న్యూయార్క్ గవర్నర్ ఆండ్రూ క్యూమోకు ఇతడు సోదరుడు కావడం గమనార్హం. మంగళవారం 9 pm ప్రోగ్రామ్‌లో క్రిస్ క్యూమో పాల్గొనాల్సి ఉండగా.. ఇంతలో ఈ విషయం బయటపడినట్లు వెల్లడించారు. గత కొద్ది రోజులుగా ఆయన కరోనా రోగులతో కార్యక్రమాలు చేశారు. ఈ క్రమంలో వైరస్ బారిన పడటం చర్చనీయాంశంగా మారింది.


‘ఈ కష్టకాలంలో నాకు మరింత కష్టంగా మారింది. గత కొన్ని రోజులుగా కరోనా వైరస్ బారిన పడిన వారిని, ఆ మహమ్మారిని జయించిన వారిని మీ ముందుకు తీసుకొచ్చా. ఆ తర్వాత నాకు జ్వరం అంటుకుంది. పరీక్షల్లో కరోనాగా తేలింది. దీన్ని నా పిల్లలు, భార్య క్రిస్టినాకు అంటనివ్వను. అదే జరిగితే.. దీని వల్ల నేను పడుతున్న బాధ కంటే అదే నన్ను ఎక్కువగా వేధిస్తుంది’ అని ఆయన ట్వీట్ చేశారు.

Don’t Miss:
షాక్! కోవిడ్‌19కు మందు తీసుకున్న డాక్టర్ మృతి.. భారత్‌లో కలకలం

ప్రముఖ సింగర్ కలీ షోర్‌ కూడా కరోనా వైరస్ బారినపడ్డారు. ఈ విషయాన్ని ఆమె తన ట్విట్టర్ అకౌంట్ ద్వారా తెలిపారు. 3 వారాల పాటు తాను స్వీయ నిర్బంధంలోకి వెళ్తున్నట్లు వెల్లడించారు. దేశంలో దిగ్బంధం ఉన్నప్పటికీ తాను కరోనా బారిన పడ్డానని ఆవేదన వ్యక్తం చేశారు. తన పరిస్థితి బాగానే ఉందని, అయితే ప్రజలు కరోనాపై కావాల్సినంత అప్రమత్తంగా లేరని ఆమె రాసుకొచ్చారు.

అమెరికాలో కరోనా వైరస్ కేసులు 2 లక్షలకు చేరువలో ఉన్నాయి. మంగళవారం నాటికి 1,76,518 పాజిటివ్ కేసులు నమోదయ్యాయి. 3431 మంది మరణించారు. 6241 మంది కరోనా నుంచి కోలుకున్నారు. న్యూయార్క్, న్యూజెర్సీ లాంటి జనసాంద్రత ఎక్కువగా ఉన్న రాష్ట్రాల్లో పరిస్థితి మరింత విషమంగా ఉంది. ఆస్పత్రులన్నీ కరోనా వైరస్ రోగులతో కిక్కిరిసిపోయాయి. న్యూయార్క్ వాసులు కాలు తీసి బయట పెట్టాలంటేనే వణుకుతున్నారు.

Must Read:
అగ్రరాజ్యాన్ని వణికిస్తున్న కరోనా.. అధిక కేసులు, మరణాలు; కారణాలివే..





Source link

Leave a Reply

Your email address will not be published. Required fields are marked *