coronavirus in china: చైనాలో మళ్లీ కరోనా వ్యాప్తి.. వుహాన్‌లో వేగంగా పెరుగుతున్న కేసులు – chinese health commission reports 25 new coronavirus cases, has highest asymptomatic infections


కరోనా వైరస్ మూలకేంద్రమైన చైనాలో మరోసారి మహమ్మారి భయపెడుతోంది. రెండు రోజులుగా పాజిటివ్ కేసులు పెరుగుతుండటం ఆందోళన వ్యక్తమవుతోంది. ఆదివారం కొత్తగా 25 పాజిటివ్ కేసులు నమోదయినట్టు చైనా ఆరోగ్య కమిషన్ తెలిపింది. తొలిసారి వైరస్ వెలుగుచూసిన వుహాన్ నగరంలో 11 మిలియన్ల మందికి కరోనా నిర్ధారన పరీక్షలు నిర్వహించనున్నారు. ప్రస్తుతం వుహాన్‌లో కరోనా బాధితుల సంఖ్య 337కి చేరింది. ఆదివారం నిర్ధారణ అయిన 25 కేసుల్లో 18 మందికి ఎలాంటి కరోనా అనుమానిత లక్షణాలు బయటపడలేదని చైనా జాతీయ ఆరోగ్య కమిషన్ పేర్కొంది.

కరోనా క్లస్టర్‌గా మారుతుందని భావించి, ఇటీవలే కఠినమైన ఆంక్షలు విధించిన జిలిన్ ప్రావిన్సుల్లోనే ఆదివారం రెండు కేసులు నమోదయ్యాయి. షాంఘై నగరంలో ఒక కేసు నిర్ధారణ అయ్యింది. దీంతో చైనాలో మొత్తం కరోనా వైరస్ కేసుల సంఖ్య 82,954కి చేరింది. వీరిలో 4,684 మంది ప్రాణాలు కోల్పోగా.. 78,238 మంది కోలుకున్నారు. మరో 84 మంది ఇంకా చికిత్స పొందుతున్నారు.

ఏలాంటి లక్షణాలు బయటపడని 18 మందికి కరోనా పాజిటివ్‌గా నిర్ధారణ కావడంతో మరో 448 మందిని వైద్య పర్యవేక్షణలో ఉంచినట్టు ఎన్‌హెచ్‌సీ తెలిపింది. ఎసింప్టమాటిక్ కేసుల వల్లే వైరస్ వ్యాప్తి ముప్పు ఎక్కువగా ఉంటుంది. అయితే, కరోనాను ఎదుర్కొనే రోగనిరోధక శక్తి చైనీయుల్లో లేని కారణంగా ఈ వైరస్‌ ముప్పు మరోసారి పొంచివుందని తాజాగా చైనా ప్రభుత్వ సీనియర్‌ ఆరోగ్య సలహాదారుడు హెచ్చరించారు.

తక్కువ రోగనిరోధక శక్తి కారణంగా చైనీయులు కొవిడ్‌-19 బారినపడే అవకాశాలు ఎక్కువ ఉన్నట్లు ప్రముఖ వైద్య నిపుణుడు డా.జోంగ్‌ నాన్‌షాన్‌ వెల్లడించారు. కరోనా వైరస్‌ విజృంభిస్తోన్న తొలి రోజుల్లో కూడా దీనికి సంబంధించిన సమాచారాన్ని అధికారులు బయటపెట్టలేదని ఆయన అన్నారు. వైరస్‌ విస్తృతి ఎక్కువగా ఉన్నప్పటికీ అధికారులు తీవ్రతను తక్కువగా చూపించారని ఆరోపించారు.



Source link

Leave a Reply

Your email address will not be published. Required fields are marked *