coronavirus in maharashtra : మహారాష్ట్రలో 1000 దాటిన కరోనా కేసులు.. కోవిడ్ హాట్‌స్పాట్‌గా ముంబై – maharashtra becomes the first state in india to cross 1000 covid-19 cases


మహారాష్ట్రలో కరోనా వైరస్ కేసుల సంఖ్య 1000 దాటింది. మంగళవారం 150 కేసులు నమోదు కావడంతో రాష్ట్రంలో కోవిడ్ బాధితుల సంఖ్య 1018కి చేరిందని మహారాష్ట్ర ఆరోగ్య శాఖ ప్రకటించింది. గత 24 గంటల్లో ఒక్క ముంబై నగరంలోనే కొత్తగా 100 కోవిడ్ కేసులను గుర్తించగా.. దేశ ఆర్థిక రాజధానిలో ఈ రోజు ఐదుగురు ప్రాణాలు కోల్పోయారు. ముంబై నగరంలో కరోనా కేసుల సంఖ్య 590కి చేరగా.. మరణాల సంఖ్య 40కి చేరింది. ముంబై నగరం కోవిడ్ హాట్‌స్పాట్‌గా మారింది.


కోవిడ్ కారణంగా దేశంలో 124 మంది ప్రాణాలు కోల్పోగా.. ఒక్క మహారాష్ట్రలోనే 48 మంది చనిపోయారు. దేశంలో 1000కిపైగా కరోనా కేసులు నమోదైన తొలి రాష్ట్రంగా మహారాష్ట్ర నిలిచింది. గుజరాత్, మధ్యప్రదేశ్‌లలో 13 మంది చొప్పున కరోనాకు బలి కాగా.. తెలంగాణలో 11 మంది చనిపోయారు.

మహారాష్ట్రలో తొలి కరోనా కేసును మార్చి 9న పుణేలో గుర్తించారు. దుబాయ్‌కు వెళ్లొచ్చిన జంటకు కరోనా సోకిందని తేల్చారు. రెండు రోజుల తర్వాత ముంబైలో మరో ఇద్దరికి కరోనా పాజిటివ్ అని తేలింది. మార్చి 17న ముంబైలోని కస్తూర్బా హాస్పిటల్‌లో 64 ఏళ్ల వ్యక్తి కోవిడ్ కారణంగా చనిపోయాడు. మహారాష్ట్రలో నమోదైన తొలి కరోనా మరణం ఇది. కాగా గత 15 రోజుల్లో మహారాష్ట్రలో కోవిడ్ కేసుల సంఖ్య వేగంగా పెరిగింది.





Source link

Leave a Reply

Your email address will not be published. Required fields are marked *