coronavirus in mumbai : షాకింగ్.. ముంబైలో కరోనా విలయం.. 2 వేలు దాటిన పాజిటివ్ కేసులు – maharashtra’s capital mumbai becomes first city in the country to have more than 2,000 cases of coronavirus


కరోనా వైరస్ కారణంగా మహారాష్ట్ర వణికిపోతోంది. ఇప్ప‌టికే అక్క‌డ 3వేల‌కుపైగా క‌రోనా పాజిటివ్ కేసులు న‌మోద‌య్యాయి. 182 మంది ఈ మ‌హ‌మ్మారి కార‌ణంగా ప్రాణాలు విడిచారు. రాష్ట్ర రాజధాని ముంబై న‌గ‌రం క‌రోనా బారిన పడి విలవిలలాడుతోంది. మహారాష్ట్ర పాజిటివ్ రోగుల్లోని ముగ్గురిలో ఇద్ద‌రు ముంబైకి చెందిన‌వారే కావ‌డం గమానార్హం. తాజాగా ముంబైలో క‌రోనా పాజిటివ్ కేసుల సంఖ్య రెండువేల మార్కును దాటింది. గురువారం 107 కొత్త కేసులు న‌మోద‌య్యాయి. దీంతో దేశంలో ఈ మార్కును దాటిన తొలి నగరంగా నిలిచింది.


ఇక క‌రోనా భ‌యంతో న‌గ‌ర‌వ్యాప్తంగా కోవిడ్-19 ప‌రీక్ష‌లు నిర్వ‌హిస్తున్న‌ట్లు బృహ‌న్ ముంబై మున్సిప‌ల్ కార్పొరేష‌న్ తెలిపింది. ఇప్ప‌టికే 27 వేల‌మందికిపైగా క‌రోనా టెస్టుల‌ను నిర్వ‌హించినట్లు పేర్కొంది. దేశం మొత్తంగా నిర్వ‌హించిన ప‌రీక్ష‌ల్లో ఇది 12.59 శాతమ‌ని తెలిపింది. క్వారంటైన్‌లో ఏడు రోజులు పూర్తి చేసుకున్న‌వారికి క‌రోనా ప‌రీక్ష‌లు నిర్వ‌హిస్తున్న‌ట్లు తెలుస్తోంది.

ఇలాంటి టెస్టుల‌ను అసింప్టోమాటిక్‌గా వ్యవహరిస్తారని కార్పొరేష‌న్ అధికారులు తెలిపారు. క్వారంటైన్‌లో ఏడు రోజులు పూర్తి చేసుకోకుండా కరోనా పరీక్ష‌లు నిర్వ‌హిస్తే ఫ‌లితాలు తారుమార‌య్యే అవ‌కాశ‌ముంద‌ని పేర్కొన్నారు. మ‌రోవైపు న‌గ‌రంలోని కంటైన్‌మెంట్ జోన్స్‌కు ద‌గ్గ‌ర‌లో 97 ఫీవ‌ర్ క్లిన‌క్స్ ఏర్పాటు చేశామ‌ని, 3600మంద‌ల మందిని ఈ క్లినిక్స్‌లో ప‌రీక్షించామ‌ని తెలిపారు. కరోనాను అరికట్టేందుకు తగిన చర్యలు తీసుకుంటున్నట్లు వివరించారు.





Source link

Leave a Reply

Your email address will not be published. Required fields are marked *