coronavirus in telangana: కరోనా కేసులు లక్షకు చేరినా.. ఎదుర్కోవడానికి సిద్ధం: తెలంగాణ చీఫ్ సెక్రటరీ – we prepared to tackle 1 lakh covid-19 cases says telangana cs somesh kumar


కరోనావైరస్ కేసుల సంఖ్య లక్ష వరకు చేరినా ఎదుర్కోవడానికి తాము సిద్ధంగా ఉన్నామని తెలంగాణ ప్రభుత్వం కేంద్రానికి స్పష్టం చేసింది. కేంద్ర కేబినెట్ కార్యదర్శి రాజీవ్ గౌబాతో వీడియో కాన్ఫరెన్స్‌లో పాల్గొన్న సందర్భంగా తెలంగాణ చీఫ్ సెక్రటరీ సోమేష్ కుమార్ మాట్లాడుతూ.. రాష్ట్రంలో పరిస్థితి అదుపులోనే ఉందన్నారు. సరిపడా పీపీఈ కిట్లు, మాస్కులు, టెస్టింగ్ కిట్లు, బెడ్లు, వెంటిలేటర్లు, హస్పిటళ్లు.. ఇలా అన్ని విధాలా సిద్ధంగా ఉన్నామని.. లక్ష కేసులు నమోదైనా రాష్ట్రం ఎదుర్కోగలదన్నారు.

దేశంలోని 13 నగరాలకు సంబంధించిన అధికారులతో గురువారం వీడియో కాన్ఫరెన్స్ నిర్వహించిన కేబినెట్ సెక్రటరీ కోవిడ్-19 పరిస్థితిని సమీక్షించారు. ఈ సమావేశంలో హైదరాబాద్ కలెక్టర్ శ్వేతా మహంతి, ల్యాండ్ అడ్మినిస్ట్రేషన్ డైరెక్టర్ రజత్ కుమార్ సైనీ తదితరులు ఈ భేటీలో పాల్గొన్నారు. కేంద్రం మార్గదర్శకాల ప్రకారం కరోనా కట్టడికి రాష్ట్రం ఎప్పటికప్పుడు చర్యలు తీసుకుంటోందని సోమేశ్ కుమార్ తెలిపారు. కంటైన్మెంట్ జోన్లలో కఠిన నిబంధనలు విధించామన్నారు.

తెలంగాణలో గురువారం 117 కరోనా పాజిటివ్ కేసులు నమోదయ్యాయి. విదేశాల నుంచి తిరిగొచ్చిన వారిలో 49 మందికి కొత్తగా పాజిటివ్ అని తేలింది. ఒక్క రోజులోనే రాష్ట్రంలో కోవిడ్ వల్ల నలుగురు చనిపోయారు. తెలంగాణలో మొత్తం కోవిడ్ బాధితుల సంఖ్య 2256గా ఉండగా.. 844 యాక్టివ్ కేసులు ఉన్నాయి.



Source link

Leave a Reply

Your email address will not be published. Required fields are marked *