coronavirus in testicles: covid 19 in testicals: వృషణాల్లో కోవిడ్-19.. కరోనా మరణాలపై షాకింగ్ న్యూస్! – men’s testicles could make them more vulnerable to coronavirus, new study


పురుషులూ జాగ్రత్త! లాక్‌డౌన్‌లో పోలీసుల మాట వినకుండా రోడ్ల మీద తిరిగితే.. పాడెక్కాల్సిందే. ఎందుకంటే.. కరోనా వైరస్ వల్ల వృద్ధులకే ఎక్కువ ముప్పు అని భావిస్తే పప్పులో కాలేసినట్లే. కరోనా వైరస్ వల్ల అత్యధిక ముప్పు పురుషులకే ఉంది. ఇందుకు ప్రధాన కారణం పురుషులకు ఉండే వృషణాలే.

యూకేకు చెందిన ‘మెట్రో’ వార్తా సంస్థ కథనం ప్రకారం.. వృషణాల వల్ల పురుషులు కరోనా వైరస్ నుంచి వేగంగా కోలుకోవడం లేదని తాజా అధ్యయనంలో తేలింది. కరోనా వైరస్ పురుషుల శరీరంలో ఉండే ఊపిరితీత్తులు, ప్రేగులు, గుండెతోపాటు వృషణాల్లో కూడా తిష్ట వేస్తుంది. వైరస్ ఆయా అవయవాల్లో ఉండే ACE2 ప్రోటీనట్లతో బంధాన్ని ఏర్పరుచుకుంటాయి. ఈ ప్రోటీన్లు వృషణాల్లోని అండాశయ కణజాలంలో చాలా తక్కువగా. దీంతో వైరస్ అక్కడే తిష్ట వేస్తున్నట్లు స్టడీ వెల్లడించింది. అందువల్లే పురుషులు కరోనా వైరస్ నుంచి కోలుకోడానికి ఎక్కువ సమయం పడుతుందని పేర్కొంది.

త్వరగా కోలుకుంటున్న మహిళలు: ఈ స్టడీ కోసం పరిశోధకులు న్యూయార్క్, ముంబయి నుంచి కరోనా వైరస్‌కు గురైన 48 పురుషులు, 20 మంది మహిళలను పరిశీలించారు. మహిళలు కేవలం 4 రోజుల్లోనే వైరస్ నుంచి కోలుకోగా.. పురుషులకు మాత్రం ఆరు రోజులు కంటే ఎక్కువ సమయం పడుతోంది. అయితే, కొంతమంది వైద్య నిపుణులు ఈ స్టడీపై అనుమానాలు వ్యక్తం చేస్తున్నారు.

X క్రోమో‌జోమ్ వల్లే..: పురుషుల కంటే స్త్రీలలో రోగనిరోధక శక్తి ఎక్కువగా ఉంటుందని, దాని వల్లే వారు ప్రాణాలతో బయటపడుతున్నారని తెలుపుతున్నారు. వైరాలజీ ప్రొఫెషర్ ఇయాన్ జోన్స్ ‘డైలీ మెయిల్’ వార్తా సంస్థతో మాట్లాడుతూ.. ‘‘మహిళలతో పోల్చితే పురుషుల్లో రోగ నిరోధక శక్తి చాలా తక్కువ. ఎందుకంటే.. స్త్రీలలో XX క్రోమోజోములు ఉంటే పురుషుల్లో ఉండేది కేవలం XY క్రోమోజోములు ఉంటాయి. మహిళలకు X క్రోమోజోమ్ అదనంగా ఉండడం వల్ల రోగ నిరోధక శక్తి ఎక్కువ. Y క్రోమోజోమ్ వల్ల పురుషులు వైరస్‌ను ఎదుర్కోలేకపోతున్నారు’’ అని తెలిపారు.

Also Read: ఆ దేశంలో బయట కాలు పెడితే మరణమే.. 18 మందిని కాల్చి చంపేసిన పోలీసులు

వీర్యం మీద ప్రభావం చూపుతుందా?: అమెరికాలో ఇటీవల ఓ స్టడీ ప్రజల్లో భయాందోళనలు కలిగించింది. కరోనా వైరస్‌ పురుషుల వీర్యంపై చెడు ప్రభావాన్ని చూపుతుందని, వైరస్ సోకినవారికి స్పెర్మ్ కౌంట్ తగ్గి సంతాన సమస్యలు ఎదుర్కొంటారనే ప్రచారం జరిగింది. ఫలితంగా అమెరికాలో స్పెర్మ్ బ్యాంకులకు డిమాండ్ పెరిగింది. ఇక తమకు వారసులు ఉండరనే భయంతో స్పెర్మ్‌ను దాచుకుంటున్నారు. దీనిపై యూనివర్శిటీ ఆఫ్ నట్టింగ్హామ్‌‌కు చెందిన మాలిక్యులర్ వైరాలజీ ప్రొఫెసర్ జానాథన్ బాల్ స్పందిస్తూ.. అది కేవలం కల్పితమేనని స్పష్టం చేశారు. ఇప్పటివరకు అలాంటిది ఏదీ నిరూపణ కాలేదన్నారు. ఏది ఏమైనా పురుషులు కరోనా వైరస్ నుంచి జాగ్రత్తగా ఉండటం మంచిది. అలాగే మహిళలు కూడా తగిన జాగ్రత్తలు పాటించడం ద్వారా వైరస్ సోకకుండా జాగ్రత్తగా ఉండాలి. లేకుంటే అది మొత్తం కుటుంబాన్నే నాశనం చేస్తుంది.

Also Read: మిస్సైన ఆ విమానం 35 ఏళ్ల తర్వాత.. 92 అస్థిపంజరాలతో ల్యాండైంది!



Source link

Leave a Reply

Your email address will not be published. Required fields are marked *