Coronavirus in Vijayawada : ఏపీ అలర్ట్.. 11కు పెరిగిన కరోనా పాజిటివ్ కేసులు – coronavirus positive cases increased in ap, total 11 covid 19 cases now


ఆంధ్రప్రదేశ్‌లో గురువారం మరో కరోనా వైరస్ (కోవిడ్ 19) పాజిటివ్ కేసు నమోదైంది. స్వీడన్ నుంచి విజయవాడకు వచ్చిన 28 ఏళ్ల యువకుడికి కరోనా పాజిటివ్ అని నిర్ధారణ అయింది. ఈ మేరకు రాష్ట్ర వైద్య, ఆరోగ్య శాఖ గురువారం రాత్రి బులిటెన్ విడుదల చేసింది. దీంతో రాష్ట్రంలో కరోనా పాజిటివ్ కేసుల సంఖ్య 11కు చేరుకుంది. ఈ నెల 18న స్వీడన్ నుండి డిల్లీ చేరుకున్న యువకుడు.. అదే రోజు మధ్యాహ్నం డిల్లీ మీదుగా విజయవాడకు చేరుకున్నాడు. బెజవాడ విమానాశ్రయం నుంచి క్యాబ్‌లో ఇంటికి చేరుకున్నాడు.


అయితే అప్పటి నుంచే సదరు యువకుడు వ్యక్తిగతంగా హోం క్వారంటైన్‌లో ఉండిపోయాడు. ఈ నేపథ్యంలో ఈ నెల 24న కరోనా లక్షణాలతో విజయవాడ ప్రభుత్వ ఆసుపత్రిలో చేరాడు. దీంతో యువకుడి శాంపిల్స్‌ను ల్యాబ్‌కు పంపగా, గురువారం కరోనా పాజిటివ్ అని తేలింది.

దీంతో ఇప్పటి వరకు ఏపీలో విజయవాడలో మూడు, విశాఖపట్నంలో మూడు, తూర్పు గోదావరి జిల్లాలో ఒకటి, ఒంగోలులో ఒకటి, తిరుపతిలో ఒకటి, నెల్లూరులో ఒకటి, గుంటూరులో ఒక్క కేసు చొప్పున నమోదయ్యాయి. దీంతో ఏపీలో మొత్తంగా కరోనా పాజిటివ్‌ల సంఖ్య 11కు చేరింది. కాగా, ఇప్పటివరకు 360 నమూనాలను టెస్టులకు పంపగా.. 317 నెగెటివ్ వచ్చాయి. మరో 32 శాంపిల్స్ రిజల్ట్స్ రావాల్సి ఉన్నాయి.





Source link

Leave a Reply

Your email address will not be published. Required fields are marked *