coronavirus live updates: కరోనా వైరస్ లైవ్ అప్‌డేట్స్: దేశంలో హైడ్రాక్సీక్లోరోక్విన్‌కు కొరతలేదు.. సరపడా నిల్వలు – coronavirus cases andhra and telangana across india state wise live updates in telugu


కరోనా వైరస్‌ బాధితులకు చికిత్సలో ప్రపంచవ్యాప్తంగా ఉపయోగిస్తున్న మలేరియా ఔషధం హైడ్రాక్సీక్లోరోక్విన్‌ నిల్వలకు దేశంలో కొరత లేదని గుజరాత్‌లోని ఇండియన్‌ డ్రగ్‌ మాన్యుఫాక్చరర్స్‌ అసోసియేషన్ (ఐడీఎంఏ) ప్రకటించింది. ప్రస్తుతం దేశంలో నెలకు 35 నుంచి 40 కోట్ల హైడ్రాక్సీక్లోరోక్విన్‌ మాత్రలు ఉత్పత్తి జరుగుతున్నట్లు సంస్థ చైర్మన్‌ విరంచి షా తెలిపారు. ఇది మన అవసరాల కంటే పదిరెట్లు అధికమని ఆయన వివరించారు.

ఆంధ్రప్రదేశ్‌లో కొత్తగా మరో 62 మందికి వైరస్ నిర్ధారణ అయ్యింది. గురువారం ఉదయం 9 గంటల నుంచి శుక్రవారం ఉదయం 9 గంటల వరకు రాష్ట్రవ్యాప్తంగా 62 కేసులు నమోదయినట్టు అధికారులు తెలిపారు. మరో ఇద్దరు కోవిడ్-19తో ప్రాణాలు కోల్పోయారు. దీంతో ఆంధ్రప్రదేశ్‌లో మొత్తం కరోనా వైరస్ కేసుల సంఖ్య 955కి చేరుకోగా.. మొత్తం కరోనా మరణాలు 29కి చేరాయి. అత్యధికంగా కర్నూలు, గుంటూరులోనే పాజిటివ్ కేసులు నమోదవుతున్నాయి. ఇప్పటి వరకూ 145 మంది కోలుకున్నట్టు అధికారులు తెలిపారు.

దేశంలో కరోనా వైరస్ కేసుల సంఖ్య 23 వేల దాటినట్టు కేంద్ర ఆరోగ్య మంత్రిత్వ శాఖ శుక్రవారం ఉదయం వెల్లడించింది.
గడిచిన 12 గంటల్లో 1,377 కేసులు నమోదు కాగా, 32 మంది మరణించారని తెలిపింది. దేశవ్యాప్తంగా 23,077 పాజిటివ్ కేసులు నమోదయినట్టు పేర్కొంది. దేశంలో ఇప్పటి వరకూ కరోనాతో 718మంది మృతిచెందారని, కరోనా నుంచి 4,749 మంది కోలుకున్నట్టు తెలిపింది. రాజస్థాన్‌లో కరోనా కేసుల సంఖ్య 2వేలు దాటింది.

ఆంధ్రప్రదేశ్‌లో కరోనా వైరస్ కేసులు రోజు రోజుకూ పెరుగుతున్నాయి. ఏపీలో ఇప్పటి వరకూ 893 మంది వైరస్ బారినపడగా.. 27 మంది ప్రాణాలు కోల్పోయారు. విశాఖపట్నం జిల్లాలో 22 మందికి వైరస్ సోకింది. అయితే, ఇద్దరు మహిళలకు క్వారంటైన్ పూర్తయిన 20 రోజుల తర్వాత వైరస్ పాజిటివ్‌గా నిర్ధారణ అయ్యింది. దీంతో, అధికారులు ఆందోళన చెందుతున్నారు. నాలుగు రోజుల వ్యవధిలో ఇద్దరు మహిళలకు వైరస్ పాజిటివ్‌గా తేలింది.

దేశంలో కరోనా వైరస్ కట్టడికి విధించిన లాక్‌డౌన్, ఎదురువుతున్న ఇబ్బందుల గురించి గ్రామస్థాయిలో తెలుసుకోడానికి ప్రధాని నరేంద్ర మోదీ నేడు సర్పంచ్‌లతో మాట్లాడనున్నారు. దూరదర్శన్ వీడియో కాన్ఫరెన్స్ ద్వారా ప్రధాని వారితో సమావేశం కానున్నారు. ఉదయం 11 గంటలకు దేశంలోని పలు ప్రాంతాల్లోని సర్పంచ్‌లతో మోదీ చర్చించనున్నారు. ఈ సందర్భంగా వారి అభిప్రాయాలను ప్రధాని అడిగి తెలుసుకోనున్నారు.

దేశంలో కరోనా వైరస్ మహమ్మారి విజృంభిస్తోంది. రోజు రోజుకూ కొత్త కేసుల సంఖ్య పెరుగుతోంది. గడచిన 24 గంటల్లో దేశవ్యాప్తంగా 1,755 మందికి కొత్తగా వైరస్ నిర్ధారణ అయ్యింది. ఇక మహారాష్ట్రలో పరిస్థితి మరీ దారుణంగా ఉంది. దేశంలోనే అత్యధికంగా కరోనా వైరస్ కేసులు ఆ రాష్ట్రంలోనే నమోదవుతున్నాయి. గురువారం ఒక్క రోజే మరో 778 మంది వైరస్ బారినపడ్డారు. పూర్తి కథనం..

డబ్ల్యూహెచ్ఓ ప్రకారం కరోనా వైరస్ ఒక వ్యక్తి శరీరంలో 14 నుంచి 28 రోజుల వరకూ ఉంటుంది. ఈ సమయంలోనే కోవిడ్-19 లక్షణాలు ఉంటే బయటపడతాయి. రోగనిరోధక శక్తి ఎక్కువగా ఉండి.. వైరస్ లక్షణాలు స్వల్పంగా ఉంటే వ్యాధిని తర్వగా కోలుకుంటారు. ఒకవేళ ఇతర అనారోగ్య కారణాలు ఉంటే వారిలో వైరస్ తగ్గడానికి కొంత సమయం పడుతుంది. అయితే, కేరళకు చెందిన ఓ మహిళకు మాత్రం కరోనా వైరస్ నిర్ధారణ అయిన 42 రోజుల వరకూ మహమ్మారి నుంచి ఊరట లభించలేదు. పూర్తి కథనం..

⍟ కరోనా వైరస్ కోరల్లో చిక్కుకుని ప్రపంచ దేశాలు విలవిలలాడుతున్నాయి. మహమ్మారి దెబ్బకు అగ్రరాజ్యాలు కూడా అల్లాడిపోతున్నాయి. గత కొద్ది రోజులుగా వైరస్ దెబ్బకు చిగురుటాకులా వణుకుతున్న అమెరికాలో మహమ్మారి కాస్త శాంతించిన ఛాయలు కనిపిస్తున్నాయి. వైరస్‌ వ్యాప్తి పూర్తిస్థాయిలో నియంత్రణలోకి రాకపోయినా.. గత వారంతో పోలిస్తే కొత్త కేసులు, మరణాల సంఖ్య తక్కువగా నమోదవుతోంది. పూర్తి కథనం..

గుంటూరు జిల్లాలో కరోనా పంజా విసురుతోంది. పాజిటివ్ కేసుల సంఖ్య రోజు రోజుకు పెరుగుతున్నాయి.. జిల్లాలో మొత్తం కేసుల సంఖ్య 195కు చేరింది. అయితే వైద్యులు, పారామెడికల్‌ సిబ్బందికి కరోనా సోకడం కలకలంరేపింది. పూర్తి కథనం..

సెక్స్ వల్ల కరోనా వైరస్ వ్యాప్తి చెందే అవకాశం లేదని తాజా పరిశోధనలో వెల్లడైంది. శృంగారం వల్ల కొవిడ్-19 వ్యాప్తి చెందకపోవచ్చని అమెరికా, చైనా శాస్త్రవేత్తలు తేల్చారు. వీర్యం, వృషణాల్లో కరోనా వైరస్ ఉన్నట్లుగా తాము జరిపిన పరిశోధనలో ఆధారాలు లభించలేదని వారు వెల్లడించారు. పూర్తి కథనం..
దేశంలో కరోనా వైరస్ కేసుల సంఖ్య వేగంగా పెరుగుతోంది. రోజుల వయసున్న పసికందుల నుంచి 80 ఏళ్లు పైబడిన వృద్ధుల వరకు ఈ మమహ్మారి బారిన పడుతున్నారు. కాగా ఉత్తరాఖండ్‌లో 9 నెలల వయసున్న ఓ శిశువు కరోనాను జయించాడు. ఆ బాబును ఏప్రిల్ 17న డూన్ హాస్పిటల్‌లో చేర్పించగా.. గురువారం డిశ్చార్జ్ చేశారు. పూర్తి కథనం..

క‌రోనా వైర‌స్ మందుకు సంబంధించి తొలి క్లినిక‌ల్ ట్ర‌య‌ల్ ఫెయిలైంది. గిలీడ్ సైన్సైస్ అనే సంస్థ యాంటివైర‌ల్ రెమ్‌డెసివిర్ డ్రగ్‌ను అభివృద్ధి చేసి తాజాగా ప‌రీక్షించింది. చైనాలో ప‌రీక్షించిన క్లినిక‌ల్ ట్ర‌య‌ల్‌లో రోగుల ఆరోగ్యం ఏమాత్రం మెరుగుప‌డ‌లేద‌ని తెలుస్తోంది. పూర్తి కథనం..

కరోనా వైరస్ బాధితుల మరణాలకు వాతావరణ కాలుష్యానికి సంబంధం ఉండవచ్చని పరిశోధకులు అంచనా వేస్తున్నారు. ఇటలీ, ఫ్రాన్స్‌, స్పెయిన్‌ తదితర దేశాల్లో ఎక్కువ మరణాలు సంభవించిన ప్రాంతాల వాతావరణంలో నైట్రోజన్‌ డయాక్సైడ్‌ స్థాయి అధికంగా ఉండడంతోపాటు అక్కడ గాలులు తక్కువ వేగంతో వీస్తుండటాన్ని పరిశోధకులు గుర్తించారు. ఉత్తర ఇటలీ, చైనాలోని హుబే ప్రావిన్స్‌ల చుట్టూ పర్వతాలు విస్తరించి ఉన్నాయి… దాంతో ఇక్కడ గాలి స్థిరంగా ఉండిపోతుంది. అలాగే వాతావరణంలోనూ నైట్రోజన్‌ డయాక్సైడ్‌ అధికంగా ఉంది’ అని పరిశోధకుడు యారాన్‌ ఓజెన్‌ తెలిపారు.

భారత దేశంలో కరోనా కట్టడికి ఇక్కడి ప్రభుత్వం తీసుకుంటున్న చర్యలపై అంతర్జాతీయ సమాజం నుంచి ప్రశంసలు వస్తున్న సంగతి తెలిసిందే. దేశీయంగా కూడా ప్రధాని నరేంద్ర మోదీ నేతృత్వంలోని ప్రభుత్వం కొవిడ్-19ను సమర్థంగానే ఎదుర్కొంటోందని ఎక్కువ మంది ప్రజలు అభిప్రాయపడుతున్నారు. ఓ సర్వే ప్రకారం ఇది వెల్లడైంది. పూర్తి కథనం..

చిత్తూరు జిల్లాను కరోనా వణికిస్తోంది.. జిల్లాలో 73 కేసులు నమోదయ్యాయి. వీటిలో ఎక్కువ శ్రీకాహస్తిలో ఉన్నాయి. గురువారం విడుదలైన బులిటెన్‌లో చిత్తూరు జిల్లాలో 14మంది కరోనా బారిన పడ్డారు. వీరిలో శ్రీకాళహస్తికి చెందిన బాంబ్‌ డిస్పోజబుల్‌ స్క్వాడ్‌ ఏఎస్‌ఐతో పాటు ఓ హెడ్‌ కానిస్టేబుల్‌, నలుగురు కానిస్టేబుళ్లకు పాజిటివ్‌ వచ్చినట్లు తెలుస్తోంది. పూర్తి కథనం..

భారత ఆర్మీలో పని చేస్తున్న జనగామకు చెందిన ఓ వ్యక్తికి కరోనా సోకింది. ఇతను గత కొంత కాలం క్రితమే ఢిల్లీ నుంచి స్వస్థలానికి చేరుకున్నాడు. నెల రోజుల క్రితం కరీంనగర్‌లో పర్యటించిన పది మంది ఇండోనేసియన్లకు కరోనా సోకిన సంగతి తెలిసిందే. వారు రామగుండానికి వచ్చిన సంపర్క్ క్రాంతి ఎక్స్‌ప్రెస్ రైలులోనే ఈ జవాను కూడా వచ్చినట్లుగా సమాచారం. పూర్తి కథనం..

తెలంగాణలో గత 24 గంటల్లో 27 కరోనా పాజిటివ్ కేసులు నమోదయ్యాయని ఆరోగ్య శాఖ మంత్రి ఈటల రాజేందర్ తెలిపారు. వీటిలో 13 కేసులు హైదరాబాద్‌లోనే నమోదు కాగా, 10 కేసులు జోగులాంబ జిల్లాల్లో నమోదయ్యాయన్నారు. మొత్తం కేసుల సంఖ్య 970కి చేరిందన్నారు. పూర్తి కథనం..

మహారాష్ట్ర మంత్రి ఒకరు కరోనా బారిన పడ్డారు. ఆయనను ముంబయిలోని ఆసుపత్రిలో చేర్పించారు. మరోవైపు- పర్యాటక వీసాలపై మన దేశానికి వచ్చి, నిబంధనలకు విరుద్ధంగా ఢిల్లీలో తబ్లీగీ సమ్మేళనానికి హాజరయ్యారంటూ 13 మంది బంగ్లాదేశీయుల్ని, ఎనిమిది మంది మలేసియా పౌరుల్ని థాణె నేర విభాగ పోలీసులు గురువారం అరెస్టు చేశారు. నిందితుల క్వారంటైన్‌ గడువు ముగిశాక ఈ పరిణామం చోటు చేసుకుంది. పూర్తి కథనం.



Source link

Leave a Reply

Your email address will not be published. Required fields are marked *