Coronavirus lockdown: కరోనా వైరస్‌తో దేశానికి రోజుకు ఎంత నష్టమో తెలుసా? – coronavirus updates: lockdown estimated to cost india rs 35,000 crore a day


ప్రధానాంశాలు:

  • దేశంలో కరోనా లాక్ డౌన్ పరిస్థితులు
  • రోజుకు రూ.40 వేల కోట్ల వరకు నష్టం
  • నెల రోజుల్లో రూ.12 లక్షల కోట్ల వరకు లాస్

కరోనా వైరస్ శరవేగంగానే విస్తరిస్తూ వస్తోంది. ఇప్పటికీ కూడా కోవిడ్ 19 జోరు తగ్గడం లేదు. కరోనా వల్ల ఇప్పటికే దేశ ఆర్థిక వ్యవస్థపై తీవ్ర ప్రతికూల ప్రభావం పడింది. దాదాపు అన్నీ రంగాలు చతికిలపడ్డాయి. మోదీ సర్కార్ కరోనా వైరస్ వ్యాప్తిని అరికట్టేందుకు తీసుకున్న లాక్ డౌన్ నిర్ణయం ఇందుకు ప్రధాన కారణం. మే 3 వరకు లాక్ డౌన్ ఉంటుంది. తర్వాత ఉంటుందా? ఉండదా? అనేది మరో 3 రోజుల్లో తెలిసిపోతుంది.

కరోనా లాక్ డౌన్ వల్ల దేశంలో ఆర్థిక కార్యకలాపాలు నిలిచిపోయాయి. లాక్ డౌన్ వల్ల దేశ ఆర్థిక వ్యవస్థపై తీవ్ర ప్రతికూల ప్రభావం పడింది. ఎంతలా అంటే రోజుకు రూ.35,000- 40,000 కోట్లు నష్టం వాటిల్లుతోంది. నెల రోజుల లాక్ డౌన్ వల్ల భారత్‌కి రూ.10 లక్షల కోట్ల నుంచి రూ.12 లక్షల కోట్ల వరకు నష్టం సంభవించి ఉండొచ్చనే అంచనాలు ఉన్నాయి.

Also Read: భారీగా తగ్గిన బంగారం ధర.. హైదరాబాద్‌లో రేట్లు ఇలా!

అంతేకాకుండా లాక్ డౌన్ వల్ల ఉపాధిపై కూడా ఎఫెక్ట్ పడింది. దీంతో చాలా మంది ఆదాయం కోల్పోయారు. అంచనాల ప్రకారం.. దాదాపు 37.3 కోట్ల మంది వర్కర్లు లాక్ డౌన్ కాలంలో రోజుకు దాదాపు రూ.10,000 కోట్లు కోల్పోయారు. స్వయం ఉపాధి పొందుతున్న వారు, రెగ్యులర్, క్యాజువల్ వర్కర్లను ఇక్కడ పరిగణలోకి తీసుకున్నాం. అంటే 40 రోజుల లాక్ డౌన్ కాలంలో మొత్తంగా వీరికి రూ.4.05 లక్షల కోట్ల నష్టం సంభవించిందని చెప్పుకోవచ్చు.

దేశ ఆర్థిక వృద్ధి రేటుపై తీవ్ర ప్రభావం పడొచ్చనే అంచనాలు ఉన్నాయి. అంతర్జాతీయ రేటింగ్ సంస్థలు ఇప్పటికే కోవిడ్ 19 వల్ల జీడీపీ రేటు ఏ స్థాయిలో నమోదు కావొచ్చని అంచనా వేశాయి. మూడీస్ ప్రస్తుత ఆర్థిక ఏడాది వృద్ధి రేటు 0.2 శాతంగా ఉండొచ్చని అంచనా వేసింది. ఐఎంఎఫ్ వృద్ధి రేటు అంచనాలు 1.9 శాతంగా ఉన్నాయి. ఫిచ్ భారత్ జీడీపీ వృద్ధి 0.8 శాతంగా ఉండొచ్చని తెలిపింది. నొమురా అయితే వృద్ధి రేటు మైనస్‌లోకి వెళ్లొచ్చని అంచనా వేసింది. బార్‌క్లేస్ అయితే వృద్ధి రేటు 0గా ఉండొచ్చని తెలిపింది.



Source link

Leave a Reply

Your email address will not be published. Required fields are marked *