coronavirus positive cases in india latest : ఒకేరోజులో 505 కరోనా కొత్త కేసులు.. ఇప్పటిదాకా 83 మంది మృతి – coronavirus positive cases in india reaches to 3,577 says mha


దేశంలో కరోనా రోగుల సంఖ్య విపరీతంగా పెరుగుతూనే ఉంది. ఒక్క ఆదివారం రోజే 24 గంటల వ్యవధిలో దేశ వ్యాప్తంగా 505 కరోనా పాజిటివ్‌ కేసులు నమోదు కావడం విస్మయం కలిగిస్తోంది. శనివారం సాయంత్రం నుంచి ఆదివారం సాయంత్రం వరకు 24 గంటల్లో ఈ కేసులు నమోదైనట్లు కేంద్ర ఆరోగ్య శాఖ వెల్లడించింది. ఆదివారం ఉదయం 9 గంటల నుంచి సాయంత్రం 6 గంటల దాకా 203 కొత్త కేసులను గుర్తించినట్లుగా తెలిపింది. దీంతో దేశంలో మొత్తం కరోనా పాజిటివ్ కేసుల సంఖ్య 3,577కి చేరినట్లయింది. కాగా, దేశంలో ఇప్పటి వరకు 83 మంది చనిపోయారు.


ప్రస్తుతం వివిధ చోట్ల 3,217 మంది కరోనా రోగులకు మెరుగైన చికిత్స కొనసాగుతోందని, మరో 274 మంది కోలుకోగా, వారిని డిశ్చార్జ్‌ చేసినట్లు కేంద్రం వెల్లడించింది. తబ్లిఘీ జమాత్‌ సమ్మేళనం కారణంగానే కరోనా కేసుల సంఖ్య వేగంగా పెరిగిందని కేంద్రం వెల్లడించింది. ఇక తమిళనాడులో కొత్తగా 86 కేసులు నమోదయ్యాయి. దీంతో ఆ రాష్ట్రంలో పాజిటివ్‌ కేసుల సంఖ్య 571కి పెరిగింది. కేరళలో కొత్తగా 8 పాజిటివ్‌ కేసులు నమోదు కాగా, మొత్తం కేసుల సంఖ్య 256కి చేరింది. ఢిల్లీలో పాజిటివ్‌ కేసుల సంఖ్య 503కు, మహారాష్ట్రలో మొత్తం కేసుల సంఖ్య 747కి చేరుకున్నాయి.

ఇక తెలుగు రాష్ట్రాల్లోనూ కరోనా పాజిటివ్‌ కేసుల సంఖ్య వేగంగా పెరుగుతోంది. ఏపీలో కొత్తగా ఆదివారం ఉదయం 10 గంటల నుంచి సాయంత్రం 5 వరకూ 26 కేసులను గుర్తించారు. కొత్తగా నమోదైన కేసులతో కలిపి రాష్ట్రంలో మొత్తం పాజిటివ్‌ కేసుల సంఖ్య 252కు చేరింది. తెలంగాణలో మొత్తం కేసుల సంఖ్య 302కి చేరింది.





Source link

Leave a Reply

Your email address will not be published. Required fields are marked *