coronavirus treatment in home: కరోనా రోగులకు ఇక ఇంట్లోనే చికిత్స.. సర్కారు సంచలన నిర్ణయం – telangana govt takes sensational decision over corona patients says minister etala rajender


కరోనా పాజిటివ్‌ పేషెంట్లకు ఇకపై ఇంట్లోనే చికిత్స అందిస్తామని మంత్రి ఈటల రాజేందర్‌ ప్రకటించారు. ఇందుకోసం అందరూ సహకరించాలని కోరారు. ప్రస్తుతం ఆస్పత్రుల్లో కరోనా రోగుల సంఖ్య విపరీతంగా పెరుగుతుండడం వల్ల ఆస్పత్రులపై ఒత్తిడి పెరుగుతోందని వెల్లడించారు. అయితే, తక్కువ లక్షణాలు ఉన్న వారికి మాత్రమే ఇది వర్తిస్తుందని ఈటల స్పష్టం చేశారు. ఆదివారం ఈటల విలేకరులతో మాట్లాడారు.

కరోనా పేషంట్ల కోసం జిల్లాల్లోనే ఐసోలేషన్ ఏర్పాటు చేశామని గుర్తు చేశారు. హోంక్వారంటైన్‌లో ఉండేందుకు కేంద్రం నుంచి అనుమతి ఉన్నా.. భయం కారణంగా ఆస్పత్రికి వచ్చేందుకే ప్రజలు మొగ్గుచూపుతున్నారని అన్నారు. ఇంట్లో ప్రత్యేక గది లేనివారు ఆస్పత్రిలోనే ఉండాలని కోరుకుంటున్నారని, ఇలాంటి పరిస్థితుల్లో ఆస్పత్రుల మీద భారం పెరుగుతుందని మంత్రి వివరించారు. క్వారంటైన్‌లో ఉండేందుకు ఇంటిపక్కన ఉన్నవారు సహకరించాలని ఈటల కోరారు.

Also Read: తెలంగాణలో వణికిస్తున్న కరోనా.. ఒకేరోజు 14 మంది మృతి, మరో 154 కేసులు

మరోవైపు, లాక్ డౌన్ పరిస్థితులపై మాట్లాడుతూ.. జీవనోపాధి కోల్పోకూడదని మాత్రమే లాక్‌ డౌన్‌‌ను పూర్తిగా సడలించారని చెప్పారు. అనవసరంగా బయటికి వచ్చి ఎవ్వరూ ప్రాణాలమీదకి తెచ్చుకోవద్దని సూచించారు. ప్రజలు ఎక్కువగా బయటకు రావడంతో కరోనా వ్యాప్తి పెరిగిందని అన్నారు. వృద్ధులకు, ఆరోగ్య సమస్యలున్నవారికి కరోనా సోకితే మరణాల సంఖ్య పెరుగుతుందని అన్నారు. కరోనా సోకకుండా ప్రజలు ప్రభుత్వ సూచనలు ఎప్పటికప్పుడు పాటించాలని నిర్దేశించారు. కేసులు పెరుగుతున్న నేపథ్యంలో అందరికీ హైదరాబాద్‌లో చికిత్స అందించడం అసాధ్యం కాబట్టి జిల్లా కేంద్రాల్లోనే ఐసోలేషన్‌ కేంద్రాలు ఏర్పాటు చేశాం. ప్రాథమిక ఆరోగ్యకేంద్రం స్థాయిలోనే కరోనా చికిత్స అందిస్తామని’ మంత్రి పేర్కొన్నారు.

Must Read: కేసీఆర్ టాప్ సీక్రెట్ గుడ్‌న్యూస్ ఇదే! ఒకటి కాదు ఎనిమిది?

Must Read: ACB దెబ్బకు 3 పిట్టలు: ఆ 30 లక్షలు ఎక్కడివీ, 9 గంటల విచారణలో ఎమ్మార్వో



Source link

Leave a Reply

Your email address will not be published. Required fields are marked *