coronavirus update news : ఒకసారి కరోనా వచ్చిన వ్యక్తికి రెండోసారి వైరస్ సోకుతుందా.. – can coronavirus catch twice know here all details


ప్రపంచ వ్యాప్తంగా కొన్ని మిలియన్ల మంది కరోనా వైరస్ కారణంగా ఇబ్బందులు పడుతున్నారు. దీని వల్ల రోజురోజుకి బాధితుల సంఖ్య పెరిగిపోతుంది. ఇప్పటికే చాలా మంది జీవితాలతో ఆడుకున్న ఈ మాయదారి కరోనా.. ఇంకా తన విజృంభణని కొనసాగిస్తూనే ఉంది. చైనాలో పుట్టిన ఈ వైరస్ కారణంగా ఇప్పటికే 70 వేల 319 మందికి పైగా మరణించారు.


Also Read : పెళ్లిలో పసుపు రాసి మంగళస్నానం ఎందుకు చేయిస్తారంటే..

ఇక భారతదేశంలో ఈ వైరస్ బారిన పడినవారు 4 వేలకు పైగానే.. ఇంకా రోజుకి ఆ వ్యాధిగ్రస్థులు పెరుగుతూనే ఉన్నారు. ఇప్పటివరకూ ఈ వైరస్ కారణంగా భారత్‌లో వందకు పై మరణాలు సంభవించాయి. వ్యాధి సోకిందని తేలినా, లక్షణాలు ఉన్నా కచ్చితంగా జాగ్రత్తలు తీసుకోవాల్సిందే. ఆ వ్యక్తులు ఇంటి గృహ నిర్బంధంలో ఉండాల్సిందే. ఇక వ్యాధి సోకి కొన్ని రోజుల చికిత్స తర్వాత కొంతమంది ఈ వ్యాధి నుంచి బాధపడుతున్నారు. అయితే ఆ తర్వాత కూడా జాగ్రత్త ఉండాలని సూచిస్తున్నారు. చికిత్స అనంతరం ఇంటికి తిరిగి వచ్చిన కరోనా బాధితులకి కరోనా మళ్ళీ వచ్చే అవకాశం ఉంటుందా.. అంటే దీనిపై కచ్చితమైన ఆధారాలు తమ దగ్గరలేవని చెబుతున్నారు.

Also Read : ఈ 6 ఆసనాలు చాలు.. ఎంత బరువున్నా ఈజీగా తగ్గిపోతారు..

అయితే ప్రపంచ ఆరోగ్య సంస్థ మాత్రం దీనిపై స్పందించింది. కరోనా వైరస్ సోకి కోలుకున్న వారికి ఈ వ్యాధి వ్యాపించవచ్చని ప్రపంచ ఆరోగ్య సంస్థ గుర్తించి.. సంక్రమణ తక్కువగా ఉన్న తర్వాత 2 వారాలకు ఐసోలేషన్ అవసరమని సూచిస్తోంది. ప్రస్తుతం కరోనా వైరస్ పరీక్ష రెండు రెట్లు ప్రతికూల ఫలితాలను ఇస్తే వచ్చే 24 గంటల్లో కరోనా వైరస్ రోగులు ఇంటికి రావడానికి అనుమతిస్తారు.

Also Read : కాళ్ళకి నల్లం దారం కడితే ఆ సమస్యలు దూరం అవుతాయా..

ఢిల్లీలోని సఫ్దర్‌జంగ్ ఆస్పత్రిలో పనిచేస్తున్న ఓ వైద్యుడి సూచనల ప్రకారం వైరస్ సోకి తిరిగి మమూలు స్థితికి వచ్చాక కనీసం 2 వారాల పాటు ప్రజలు ఒంటరిగా ఉండాలని సూచిస్తున్నారు. అంతే కాదు.. ఈ రోగులు వారి ఆహారం, తీసుకునే ఆహార పానీయాల విషయంలోనూ జాగ్రత్త వహించాలని చెబుతున్నారు.

కరోనాకి ఇప్పటివరకూ టీకా కనుక్కోలేదు.. ఇజ్రాయెల్, యూఎస్ ఇలా ప్రపంచవ్యాప్తంగా ఉన్న శాస్త్రవేత్తలంతా కలిసి ఈ వైరస్‌కి టీకాని కనుక్కునే ప్రయత్నం చేస్తున్నారు. మార్చి 17న మానవ శరీర వ్యాక్సిన్ యొక్క మొదటి దశ వాషింగ్టన్‌లో ప్రారంభించారు.. ఈ టీకాతో మనుషుల ప్రాణాలు కాపాడుకోవచ్చా అనే పరిశోధనలు ఇంకా కొనసాగుతున్నాయి. అమెరికా కూడా ఈ వ్యాధికి వ్యాక్సిన్‌ని కనుక్కునే పనిలో పడింది. తక్కువ వ్యవధిలో టీకా క్లినికల్ ట్రయల్స్‌కి చేరుకోవడం ఇదే మొదటిసారి.

తీసుకోవాల్సిన జాగ్రత్తలు..

  • కరోనా వైరస్ రాకుండా ప్రజలు కచ్చితమైన జాగ్రత్తలు తీసుకోవాలి. ఎప్పటికప్పుడు చేతులని శానిటైజర్‌తో శుభ్రంగా కడుక్కోవాలి.
  • తినడానికి ముందు తర్వాత కచ్చితంగా చేతులు కడుక్కోవాలి.
  • తుమ్ము, దగ్గు వచ్చినప్పుడు చేతి రుమాలు, టిష్యూ పేపర్ వాడాలి.. ఆ తర్వాత దానిని పారేయాలి.
  • కరోనా సోకిన వ్యక్తులకు దూరంగా ఉండడం మంచిది
  • ఒక వేళ వారిని ఏ సందర్భంలో అయినా కలిసినట్లైతే మీకు కూడా కరోనల్ పరీక్ష చేయాల్సి ఉంటుంది.
  • మీ ఇల్లు, ఆఫీస్, మొబైల్ ఫోన్స్, కంప్యూటర్స్‌ని శుభ్రంగా ఉంచుకోండి. మీరు ఆస్పత్రికి వెళ్లాల్సి వస్తే ఏ ప్రదేశాన్ని తాకొద్దు.
  • ఎవరైనా దగ్గుతున్నా లేదంటే తుమ్మతున్న వారి నుండి కనీసం 1 మీటర్ (3 అడుగుల) దూరంలో ఉండండి. ఎందుకంటే, ఎవరైనా దగ్గినప్పుడు లేదంటే తుమ్మినప్పుడు వారు ఈ వైరస్ ఉన్న తుంపర్లను వెదజల్లుతారు. మీరు దగ్గరగా ఉంటే, ఆ తుంపర్లను పీల్చడం ద్వారా ఈ వైరస్ మీలో ప్రవేశిస్తుంది.
  • మీ కళ్ళను, ముక్కును మరియు నోటిని తాకొద్దు. ఎందుకంటే, చేతులతో చాలా వస్తువులను తాకడం ద్వారా వైరస్ మీ చేతులపై ఉంటుంది. అలా కలుషితమైన మీ చేతులతో ముక్కును, కళ్ళను లేదా నోటిని తాకడం ద్వారా ఈ వైరస్ మీలో ప్రవేశిస్తుంది.
  • మీరు మరియు మీ చుట్టూ ఉన్నవారు పరిశుభ్రత పాటించేటట్లు చూసుకోండి. దీనర్ధం, దగ్గినప్పుడు లేదా తుమ్మినప్పుడు మోచేతిని లేదా టిష్యూ పేపర్‌ను అడ్డుపెట్టుకోవడం. తరువాత టిష్యూ పేపర్‌ను క్లోజ్ చేసే వీలున్న డస్ట్‌బిన్‌లో వెయ్యండి. ఎందుకంటే తుంపర్లు, వైరస్‌ను వ్యాప్తి చేస్తాయి. ఇలాంటి పరిశుభ్రమైన అలవాట్లను పాటించడం ద్వారా జలుబు, ఫ్లూ మరియు కోవిడ్-19 వంటి వ్యాధులు వ్యాప్తి చెందకుండా చెయ్యవచ్చు.
  • మీకు ఆరోగ్యం బాగోలేకపొతే ఇంటిలోనే ఉండండి. మీకు జ్వరం, దగ్గు మరియు శ్వాస తీసుకోవడంలో ఇబ్బందులు ఉంటే కాల్ చేసి డాక్టర్‌ను వెంటనే సంప్రదించండి. హెల్త్ అథారిటీ చెప్పిన సూచనలు పాటించండి. ఎందుకంటే, జాతీయ మరియు స్థానిక అథారిటీల వద్ద మీరున్న ప్రాంతానికి సంబంధించిన పూర్తి సమాచారం ఉంటుంది. ముందుగా కాల్ చెయ్యడం వలన మీ హెల్త్ కేర్ ప్రొవైడర్ మిమ్మల్ని వెంటనే సంబంధిత ఆరోగ్య కేంద్రానికి తీసుకువెళ్తారు. దీని వలన వైరస్ మరియు ఇతర ఇన్ఫెక్షన్లు వ్యాప్తి చెందకుండా ఉంటాయి.
  • కోవిడ్-19 యొక్క తాజా సమాచారం గురించి (కోవిడ్-19 ఎక్కువగా ఉన్న నగరాలు మరియు ప్రదేశాలు గురించి) తెలుసుకుంటూ ఉండండి. వీలైతే, ఈ ప్రదేశాలకు వెళ్ళకండి – ముఖ్యంగా మీరు వృద్దులు లేదా మధుమేహం, గుండె లేదా ఊపిరితిత్తుల వ్యాధులతో బాధపడుతుంటే అస్సలు వెళ్ళద్దు. ఎందుకంటే, ఈ ప్రదేశాల ద్వారా కోవిడ్-19 వ్యాప్తి చెందే అవకాశాలు చాలా ఎక్కువ.





Source link

Leave a Reply

Your email address will not be published. Required fields are marked *