coronavirus updates : ఫ్యాక్ట్‌చెక్‌: ఆ బ్ల‌డ్ గ్రూప్ వారికి క‌రోనా ముప్పు ఎక్కువా? – virologists says there is no link with coronavirus and blood group type


ప్ర‌మాద‌క‌ర క‌రోనా వైర‌స్ ప్ర‌పంచ‌వ్యాప్తంగా ఇప్ప‌టికి వేగంగా విస్త‌రిస్తున్న సంగ‌తి తెలిసిందే. ఈ వ్యాధి కార‌ణంగా ఇప్ప‌టివ‌ర‌కు 24 ల‌క్ష‌ల 15 వేలకుపైన పాజిటివ్ కేసులు న‌మోద‌య్యాయి. అలాగే 1,65,000 మందికిపైగా త‌మ ప్రాణాల‌ను కోల్పోయారు. అయితే క‌రోనా వైర‌స్ గురించి చాలా ప్ర‌చారం జ‌రుగుతోంది. బ్ల‌డ్‌గ్రూప్-ఏ ఉన్న‌వాళ్ల‌కు ఈ వైర‌స్ ముప్పు ఎక్కువ‌ని కొన్ని ప‌రిశోధ‌న‌ల్లో తేలిన‌ట్లు కొంద‌రు వాదిస్తున్నారు. అయితే దీనిపై వైరాల‌జిస్టులు స్ప‌ష్ట‌తనిస్తున్నారు.


Must Read: ముస్లింల‌కు నో ఎంట్రీ .. హిందు, జైనులపై వివాదస్పద వ్యాఖ్యలు.. ఆస్ప‌త్రిపై కేసు నమోదు


ప్ర‌ముఖ వైరాలజిస్టు వీర‌పు నాగ సురేశ్, శివ‌నాడ‌ర్ యూనివ‌ర్సిటీ ప్రొఫెస‌ర్ సుమిత్ భట్టాచార్య.. బ్ల‌డ్ గ్రూప్-ఏ ఉన్నవారికి క‌రోనా వైర‌స్ ముప్పు ఉంటుంద‌నే అంశాన్ని తోసిపుచ్చారు. ఇప్ప‌టివ‌ర‌కు క‌రోనా వైర‌స్‌కు బ్ల‌డ్ గ్రూప్‌ల‌కు సంబంధ‌మున్న‌ట్లు ప‌రిశోధ‌న‌లో తేల‌లేద‌ని తెలిపారు. క‌రోనా వైర‌స్‌తో బ్లడ్ గ్రూప్‌ను లింక్ చేస్తూ వ‌స్తున్న వార్తలు అసంబద్ధమైన‌వ‌ని, అలాగే వాటిలో క‌చ్చితత్వం లేద‌ని తెలిపారు.

Must Read: క‌రోనా వ్యాక్సిన్‌పై కేంద్రం ముందడుగు .. టాస్క్‌ఫోర్స్ ఏర్పాటు


మ‌రోవైపు క‌రోనా వైర‌స్ వాహకం నుంచి బయటకు వ‌చ్చిన త‌ర్వాత అది ఎంతకాలం జీవిస్తుందనేదానిపై అనేక అంశాలు కార‌ణ‌మ‌వుతాయ‌ని పేర్కొన్నారు. ప‌రిస‌రాలు, ఉష్ణోగ్ర‌త‌, హ్యుమిడిటీ కీల‌క‌పాత్ర పోషిస్తాయ‌ని తెలిపారు. ఇక‌, క‌రోనా వ్యాక్సిన్ త‌యారీకి దాదాపు ఏడాది స‌మ‌యం ప‌ట్ట‌వ‌చ్చ‌ని అంచ‌నా వేశారు. ప్ర‌పంచ దేశాల‌తో క‌లిసి వ‌ర‌ల్డ్ హెల్త్ ఆర్గ‌నైజేష‌న్ ఇప్పటికే క‌రోనా వ్యాక్సిన్‌పై ప‌రిశోధ‌న‌లు చేస్తున్న సంగ‌తి తెలిసిందే. మ‌రోవైపు ఇప్ప‌టివ‌ర‌కు మూడు ర‌కాల వ్యాక్సిన్లు రెండో ద‌శ‌లోకి చేరుకున్న‌ట్లు సంస్థ తెలిపింది.





Source link

Leave a Reply

Your email address will not be published. Required fields are marked *