coronavirus vaccine: చైనా కరోనా వ్యాక్సిన్ ప్రయోగాలు.. జంతువులపై సక్సెస్ – experimental vaccine for coronavirus proves successful in animal models of monkeys, rats and mice


చైనాలోని వుహాన్‌లో మొదలైన కరోనా వైరస్.. ఇప్పుడు ప్రపంచం మొత్తాన్ని భయపెడుతోంది. ఈ మహమ్మారిని ఎదుర్కోవడం కోసం దేశాలకు దేశాలకు లాక్‌డౌన్ విధించాల్సి వచ్చింది. ఇప్పటికే లక్షలాది మంది కోవిడ్ బారిన ప్రాణాలు కోల్పోయారు. లాక్‌డౌన్, సోషల్ డిస్టెన్సింగ్ లాంటి చర్యలు వైరస్ వ్యాప్తిని కట్టడి చేయడానికి మాత్రమే ఉపయోగపడనున్నాయి. కరోనా నుంచి పూర్తిగా బయటపడటానికి వ్యాక్సిన్ ఒక్కటే మార్గంగా కనిపిస్తోంది. ఈ దిశగా ప్రపంచ దేశాల్లో ఇప్పటికే ప్రయోగాలు ఊపందుకున్నాయి. భారత్‌లోనూ కరోనా వ్యాక్సిన్ కోసం పరిశోధనలు కొనసాగుతున్నాయి.

ప్రపంచ ఆరోగ్య సంస్థ వెల్లడించిన వివరాల ప్రకారం ప్రపంచవ్యాప్తంగా ప్రస్తుతం 70 కరోనా వ్యాక్సిన్లు వివిధ దశల్లో ఉన్నాయి. 3 వ్యాక్సిన్లు మనుషులపై ప్రయోగాల దశలో ఉన్నాయి. కాగా తాము ఇప్పటికే కోతులు, ఎలుకలపై నిర్వహించిన తొలి దశ వ్యాక్సిన్ ప్రయోగాలు విజయవంతం అయ్యాయని చైనా శాస్త్రవేత్తలు తెలిపారు. ఈ ప్రయోగాల్లో జంతువుల శరీరాల్లో SARS-CoV-2 యాంటీ బాడీస్‌ను ఉత్పత్తి అయినట్లు గుర్తించారు.

కోతులకు 3 మైక్రో గ్రాములు, 6 మైక్రో గ్రాముల చొప్పున రెండు డోసుల వ్యాక్సిన్ ఇవ్వడం ద్వారా వాటికి కరోనా నుంచి పూర్తిగా లేదా పాక్షికంగా రక్షణ లభించింది. కరోనా కోసం రూపొందించిన ఈ వ్యాక్సిన్ మరో పది రకాల వైరస్‌లను నాశనం చేస్తుందని ఈ అధ్యయనంలో గుర్తించారు.



Source link

Leave a Reply

Your email address will not be published. Required fields are marked *