coronavirus vaccine: వ్యాక్సిన్‌ తయారీకి మోకాలడ్డుతోన్న చైనా.. అమెరికా సంచలన ఆరోపణలు – covid-19: us-china virus row flares with repubilican senator’s comments


ప్రపంచ దేశాలకు కంటిమీద కునుకులేకుండా చేస్తున్న కరోనా వైరస్ మహమ్మారికి ఇప్పటి వరకూ ఎలాంటి చికిత్స, వ్యాక్సిన్ అందుబాటులోకి రాలేదు. వైరస్‌ను ఎదుర్కొనేందుకు చికిత్స, వ్యాక్సిన్‌ అభివృద్ధికి పలు దేశాలు తీవ్రంగా ప్రయత్నిస్తున్నాయి. అయితే, కరోనా కారణంగా మొదలైన అమెరికా-చైనాల మధ్య మాటల యుద్దం కొనసాగుతూనే ఉంది. తాజాగా, చైనాపై అమెరికా రిపబ్లిక్ సెనెటర్ సంచలన వ్యాఖ్యలు చేశారు. బీబీసీకి ఇచ్చిన ఇంటర్వ్యూలో సెనెటర్ రిక్ స్కాట్ మాట్లాడుతూ.. పాశ్చాత్య దేశాలు చేస్తున్న వ్యాక్సిన్‌ అభివృద్ధిని అడ్డుకోవడం లేదా నెమ్మది పరిచేందుకు చైనా ప్రయత్నిస్తోందని ఆరోపించారు.

‘వ్యాక్సిన్‌ అభివృద్ధిలో కీలక దశకు చేరుకున్నాం. దురదృష్టవశాత్తు ఈ సమయంలో కమ్యూనిస్టు చైనా దీన్ని అడ్డుకునేందుకు ప్రయత్నాలు చేస్తున్నట్లు తమ దగ్గర ఆధారాలు ఉన్నాయి’ అని రిక్‌ స్కాట్‌ వెల్లడించారు. అయితే మీ దగ్గర ఎలాంటి రుజువులు ఉన్నాయని అడిగిన ప్రశ్నకు మాత్రం సమాధానం ఇవ్వడానికి నిరాకరించారు. ఇది తమ నిఘావర్గాలు, ఆర్మ్‌డ్ సర్వీసెస్ నుంచి తమకు సమాచారం అందినట్టు మాత్రం ఆయన వ్యాఖ్యానించారు.

‘అమెరికాతో చైనా సత్సంబంధాలను కోరుకోవడం లేదు. దీనిలో భాగంగానే అమెరికన్లతో పాటు ప్రపంచవ్యాప్తంగా ఉన్న ప్రజాస్వామ్యదేశాలకు విరోధిగా ఉండాలని డ్రాగన్ నిర్ణయించుకుంది’ అని రిక్‌ స్కాట్‌ దుయ్యబట్టారు. ఆర్థిక వ్యవస్థలు తిరిగి అభివృద్ధిపథంలో పయనించేందుకు మనందరికీ వ్యాక్సిన్‌ ఎంతో ముఖ్యమని వ్యాఖ్యానించిన స్కాట్… తొలుత ఇంగ్లాండ్‌ అభివృద్ధి చేసినా లేదా అమెరికా చేసినా, మేము అందరితో పంచుకోవడానికి సిద్ధంగా ఉన్నాం. కానీ, చైనా మాత్రం అందుకు సిద్ధంగా లేదని విమర్శించారు.

కాగా, కరోనా వైరస్ విషయంలో ప్రపంచ దేశాల నుంచి విమర్శలు వెల్లువెత్తడంతో చైనా తనకు తానుగా శ్వేతపత్రం విడుదలచేయడం గమనార్హం. డిసెంబరు 27న తొలిసారి వైరస్‌ను గుర్తించామని, జనవరి 19 తర్వాత అంటువ్యాధిగా ధ్రువీకరించినట్టు అందులో పేర్కొంది. కానీ, అమెరికా మాత్రం జనవరి 4కు ముందే చైనాకు ఈ విషయం తెలుసని అంటోంది.



Source link

Leave a Reply

Your email address will not be published. Required fields are marked *