coronavirus vaccine human trial : తొలిసారిగా.. మనుషులపై కరోనా వ్యాక్సిన్ ప్రయోగాలు షురూ – first human trial of coronavirus vaccine begins in seattle, usa


కరోనా వైరస్ అనే కంటికి కనిపించని శత్రువుతో ప్రస్తుతం ప్రపంచమంతా పోరాడుతోంది. ఎంతో అభివృద్ధి దేశాలు సైతం కోవిడ్ దెబ్బకు విలవిల్లాడుతున్నాయి. ఈ మహమ్మారిని ఎదుర్కోవడానికి శాస్త్రవేత్తలు తీవ్రంగా శ్రమిస్తున్నారు. వ్యాక్సిన్ల రూపకల్పనలో నిమగ్నమయ్యారు. కాగా అమెరికాలోని సియాటెల్‌లో తొలిసారి కరోనా వైరస్‌ వ్యాక్సిన్‌ను మనుషులపై ప్రయోగిస్తున్నారు. 18 నుంచి 55 ఏళ్ల మధ్య వయసున్న 45 మంది ఆరోగ్యవంతులపై దాదాపు ఆరు వారాలపాటు ఈ ట్రయల్స్‌‌ను నిర్వహిస్తున్నట్టు యూఎస్ నేషనల్ ఇనిస్టిట్యూట్ ఆఫ్ హెల్త్ (ఎన్ఐహెచ్) తెలిపింది.


సోమవారం తొలిసారిగా ఓ వాలంటీర్‌కు కరోనా వ్యాక్సిన్‌ను ఇచ్చారు. ఈ వ్యాక్సిన్‌ సురక్షితమేనా కాదా అని తొలి దశలో తేలుస్తారు. ఇవి సేఫ్ అని తేలితే తర్వాతి దశలో అది ఎలా పని చేస్తుందో గుర్తిస్తారు. కరోనా వైరస్ వ్యాక్సిన్ హ్యుమన్ ట్రయల్స్‌ను రికార్డు సమయంలో ప్రారంభించామని ఎన్ఐహెచ్ డైరెక్టర్ డాక్టర్ ఆంథోనీ ఫౌసీ తెలిపారు.

ఒకవేళ ఈ వ్యాక్సిన్ సురక్షితమని తేలినప్పటికీ… వైరస్‌పై సమర్థవంతంగా పని చేస్తుందని నిరూపితమైనప్పటికీ.. కనీసం ఏడాది వరకు ఇది మార్కెట్లోకి అందుబాటులోకి రాదు. సియాటెల్‌లోని కైజర్ పర్మనెంటే వాషింగ్టన్ హెల్త్ రీసెర్చ్ ఇన్‌స్టిట్యూట్‌లో ట్రయల్స్ నిర్వహిస్తున్నారు. మోడెర్నా సంస్థ వ్యాక్సిన్ తయారీకి జెనెటిక్ మెటీరియల్ – మెసేంజర్ ఆర్ఎన్ఏను ఉపయోగించింది. వైరస్‌లను అరికట్టడం కోసం ఈ సంస్థ తయారు చేస్తున్న మరో తొమ్మిది రకాల వ్యాక్సిన్లు వివిధ దశల్లో ఉన్నాయి. కానీ ఈ టెక్నాలజీతో రూపొందించిన ఏ వ్యాక్సిన్ కూడా ఇప్పటి వరకూ మార్కెట్లోకి రాలేదు. ఆర్ఎన్ఏ అప్రోచ్‌తో వ్యాక్సిన్‌ను వేగంగా రూపొందించొచ్చనే ఉద్దేశంతో మోడెర్నాతో ఎన్ఐహెచ్ కలిసి పనిచేస్తోందని వ్యాక్సిన్ రీసెర్చ్ సెంటర్ డిప్యూటీ డైరెక్టర్ బెర్నీ గ్రాహం తెలిపారు.





Source link

Leave a Reply

Your email address will not be published. Required fields are marked *