coronavirus world updates : ప్రపంచవ్యాప్తంగా 15 లక్షలు దాటిన కరోనా కేసులు.. 88,500 మంది మృతి – globally more than 1,518,719 are infected and over 88,500 have died due to coronavirus


ప్రపంచవ్యాప్తంగా కరోనా వైరస్ విజృంభణ కొనసాగుతోంది. ఈ మహమ్మారి ప్రస్తుతం 208 దేశాలకు విస్తరించింది. చైనాలో పుట్టిన కరోనా వైరస్.. అన్ని ఖండాలను తన స్వాధీనంలోకి తెచ్చుకుంది. కోవిడ్-19‌ కట్టడికి పలు దేశాలు లాక్‌డౌన్ విధించాయి. మొత్తం 350 కోట్ల మంది ఇళ్లకే పరిమితయ్యారు. కోట్లాది మంది జీవనోపాధిని సైతం మహమ్మారి చిన్నాభిన్నం చేసింది. అన్ని రంగాలూ స్తంభించిపోవడంతో ఆర్ధిక వ్యవస్థలు కుప్పకూలతున్నాయి. వైరస్‌కు ఇప్పటి వరకు ఎలాంటి చికిత్సగానీ, వ్యాక్సిన్‌గానీ అందుబాటులో లేదు. ఐసోలేషన్, సామాజిక దూరంతోనే మహమ్మారిని అడ్డుకోగలమని నిపుణులు చెబుతున్నారు. ఇదిలా ఉండగా వైరస్ తీవ్రత రోజు రోజుకు అధికమవుతుంది.


ప్రపంచవ్యాప్తంగా ప్రస్తుతం కరోనా వైరస్ బాధితుల సంఖ్య 15 లక్షలు దాటింది. ఇప్పటి వరకు కరోనా వైరస్ వల్ల 88వేల మందికిపైగా ప్రాణాలు కోల్పోయారు. వీటిలో అధిక భాగం ఐరోపాలోని ఇటలీ, స్పెయిన్, ఫ్రాన్స్, అమెరికాల్లోనే ఉన్నాయి. గత 24 గంటల్లోనే ప్రపంచవ్యాప్తంగా 5వేల మంది మృతిచెందారంటే పరిస్థితి భయానకంగా ఉందో అర్ధం చేసుకోవచ్చు. కరోనా బారినపడ్డవారిలో దాదాపు 3.33 లక్షల మంది కోలుకోగా, మరో పదది లక్షల మంది పరిస్థితి నిలకడగా ఉంది. మరో 49,900 మంది పరిస్థితి ఆందోళనకరంగా ఉంది.

ఐరోపాలోని ఇటలీ, స్పెయిన్, ఫ్రాన్స్‌లు కరోనాకు దెబ్బకు చిగురుటాకులా వణుకుతున్నాయి. అటు అమెరికాలోనూ మహమ్మారి విశ్వరూపం ప్రదర్శిస్తోంది. అమెరికాలో బుధవారం ఏకంగా 1800 మంది ప్రాణాలు కోల్పోయారు. కొత్తగా 30వేల కేసులు నిర్ధారణ కావడంతో మొత్తం కరోనా బాధితుల సంఖ్య 435,128కి చేరింది. అమెరికాలో మొత్తం కరోనా బారినపడి ప్రాణాలు కోల్పోయినవారి సంఖ్య 17,795కి చేరుకుంది. ఇటలీలోనూ మరణాల సంఖ్య 17,669కి చేరింది. వైరస్ తీవ్రత కొంత తగ్గుముఖం పట్టింది. కొత్తగా వైరస్ నిర్ధారణ అయినవారి సంఖ్య తగ్గుతున్నట్టు అధికారులు వెల్లడించారు. కరోనా వైరస్ కేసుల్లో ఇటలీని స్పెయిన్ అధిగమించింది. స్పెయిన్‌లో 148,220 మంది, ఇటలీలో 139,422 మంది వైరస్ బారినడ్డారు. అలాగే స్పెయిన్‌లో 14,792 మంది చనిపోయారు.

వైరస్ తొలుత వెలుగుచూసి చైనాలో బుధవారం ఇద్దరు చనిపోగా, 63 కొత్త కేసులు నమోదయినట్టు జాతీయ హెల్త్ కమిషన్ ప్రకటించింది. ఇక, 76 రోజుల అనంతరం వుహాన్ నగరంలో లాక్‌డౌన్ పూర్తిగా ఎత్తివేశారు. దీంతో ప్రజలు ఇళ్ల నుంచి బయటకు వచ్చారు. ఫ్రాన్స్‌లోనూ కరోనా తీవ్రత ఎక్కువగా ఉంది. మరణాలు కూడా 10వేలు దాటాయి. బాధితుల సంఖ్య 112,950కు చేరుకుంది. ఇరాన్‌లో వైరస్ కొద్దిగా నెమ్మదించింది. కొత్త కేసులు తగ్గుముఖం పట్టగా.. మరణాలు కూడా స్వల్పంగా తగ్గాయి. దీంతో ఆ దేశంలో మరణాల సంఖ్య 3,993కు చేరింది. .

బ్రిటన్‌లో 7,097 మంది ప్రాణాలు కోల్పోగా, బాధితుల సంఖ్య 60,773కు చేరింది. బెల్జియంలో 2,240, నెదర్లాండ్ 2,248, స్విట్జర్లాండ్‌లో 895, టర్కీలో 812, బ్రెజిల్ 820, పోర్చుగల్ 380, దక్షిణ కొరియాలో 204, ఆస్ట్రియా 273, మెక్సికోలో 173 మంది ప్రాణాలు కోల్పోయారు. ఈ దేశాల్లో కేసుల సంఖ్య తక్కువగానే ఉన్నా మరణాలు మాత్రం ఎక్కువే చోటుచేసుకుంటున్నాయి.





Source link

Leave a Reply

Your email address will not be published. Required fields are marked *