coronavirus world updates: ప్రపంచవ్యాప్తంగా 2.17 లక్షలు దాటిన కరోనా మరణాలు.. కోలుకున్న 9.5 లక్షల మంది – globally more than 3,138,396 are infected and over 217,400 have died due to coronavirus


ప్రపంచం మొత్తం కరోనా వైరస్ కోరల్లో చిక్కుకుని విలవిలలాడుతోంది. మహమ్మారి దెబ్బకు అన్ని దేశాలూ చిగురుటాకులా వణుకుతున్నాయి. ఐరోపా, అమెరికాలో నిన్న మొన్నటి వరకూ స్వైరవిహారం చేసిన మహమ్మారి అక్కడ పూర్తిస్థాయిలో నియంత్రణలోకి రాకపోయినా.. గత వారంతో పోలిస్తే కొత్త కేసులు, మరణాల సంఖ్య తక్కువగా నమోదవుతోంది. అమెరికా, ఇటలీ, స్పెయిన్‌లో మరణాలు తగ్గుముఖం పట్టాయి. కొత్తగా వైరస్ సోకతున్నవారి సంఖ్య కూడా తగ్గింది. ప్రపంచవ్యాప్తంగా ప్రస్తుతం కరోనా వైరస్ పాజిటివ్ కేసుల సంఖ్య 31 లక్షలు దాటింది. కరోనా వైరస్ మృతుల సంఖ్య 2.17 లక్షలుగా నమోదయ్యింది. దాదాపు తొమ్మిదన్నర లక్షల మంది కోలుకోగా.. 19 లక్షల మందికిపైగా చికిత్స పొందుతున్నారు. వీరిలో 57వేల మంది పరిస్థితి విషమంగా ఉంది.

అమెరికాలో కరోనా వైరస్ బాధితుల సంఖ్య 10 లక్షలు దాటింది. ఇప్పటి వరకూ అక్కడ 59,266 మంది మృత్యువాతపడ్డారు. న్యూయార్క్‌, న్యూజెర్సీ రాష్ట్రాల్లో కొంతమేరకు ఉపశమన ఛాయలు కనిపిస్తున్నాయి. రెండు రాష్ట్రాల్లోనూ కొత్త మరణాల సంఖ్య గణనీయంగా తగ్గింది. న్యూయార్క్‌లో సోమవారం 337 మంది మృత్యువాతపడ్డారు. గత నెల రోజుల్లో ఆ రాష్ట్రంలో ఒక్కరోజులో చోటుచేసుకున్న అత్యల్ప మరణాలు ఇవే. న్యూజెర్సీలో తాజాగా 106 మంది కన్నుమూశారు. ఇటీవల ఈ రాష్ట్రాల్లో కొవిడ్‌ ఉద్ధృతి గరిష్ఠ స్థాయిలో ఉన్నప్పుడు ఒక్కోరోజు ఇంతకంటే రెట్టింపు స్థాయిలో మరణాలు నమోదయ్యాయి.

ఇటలీలోనూ కరోనా కేసులు రెండు లక్షలు దాటాయి. స్పెయిన్‌లోనూ బాధితుల సంఖ్య 2.32 లక్షలుగా నమోదయ్యింది. ఇటలీలో 27,359 మంది, స్పెయిన్‌లో 23,822 మంది, ఫ్రాన్స్‌లో 23,660 మంది, బ్రిటన్‌లో 21,678 మంది ప్రాణాలు కోల్పోయారు. బ్రిటన్‌లో కొవిడ్‌ బారిన పడి ఇప్పటివరకు 500 మంది భారత సంతతి వ్యక్తులు మరణించినట్లు ఆస్పత్రులు విడుదల చేసిన తాజా గణాంకాలు తెలియజేస్తున్నాయి.

చైనాలో తాజాగా 22 మందికి వైరస్ నిర్ధారణ అయ్యింది. కొవిడ్‌ లక్షణాలేవీ కనిపించనప్పటికీ పాజిటివ్‌గా తేలుతున్నవారి సంఖ్య రోజు రోజుకూ పెరుగుతోంది. బెల్జియంలో కరోనా మరణమృదంగం కొనసాగుతోంది. ఇప్పటి వరకూ 7,331 మంది వైరస్‌కు బలయ్యారు. జర్మనీలో కేసుల సంఖ్య లక్షా 60వేలు దాటినా మరణాలు మాత్రం తక్కువే. అక్కడ ఇప్పటి వరకూ 6,314 మంది మంది చనిపోయారు.

ఫ్రాన్స్‌ 165,911, బ్రిటన్ 161,145, టర్కీలో 114,653, బెల్జియం 47,334 మంది వైరస్ బారినపడ్డారు. ఇరాన్‌లో కరోనా బాధితుల సంఖ్య 92వేలు దాటగా.. 5,877 మంది చనిపోయారు. దక్షిణ అమెరికా దేశం బ్రెజిల్‌లో కోవిడ్ కేసులు 73వేలు దాటాయి. మరణాలు కూడా పెద్ద సంఖ్యలో నమోదవుతున్నాయి. పరిస్థితులు చేజారడంతో వైద్యులు సైతం చేతులెత్తేస్తున్నారు. ఇప్పటి వరకూ 5వేలకుపైగా మరణాలు చోటుచేసుకున్నాయి.

రష్యాలోనూ మమహ్మారి తీవ్రత రోజు రోజుకూ పెరుగుతోంది. అక్కడ 93వేలకుపైగా కేసులు నిర్ధారణ కాగా.. మరణాల సంఖ్య 867గా ఉంది. నెదర్లాండ్‌లో 38వేల మంది వైరస్ బారినపడగా.. 4,500 మంది ప్రాణాలు కోల్పోయారు. కెనడాలో 50వేల కేసులు.. 2,857 మరణాలు, స్విట్జర్లాండ్‌లో 1,699 మంది, స్వీడన్‌లో 2,355 మంది వైరస్ కారణంగా ప్రాణాలు కోల్పోయారు.



Source link

Leave a Reply

Your email address will not be published. Required fields are marked *