coronavirus world updates : 17 లక్షలకు చేరిన కరోనా కేసులు.. మృతుల్లో ఇటలీకి చేరువైన అగ్రరాజ్యం – globally more than 1,699,000 are infected and over 102,400 have died due to coronavirus


ప్రస్తుతం ప్రపంచవ్యాప్తంగా అత్యంత వేగంగా వ్యాపిస్తున్న కరోనా వైరస్‌ను కట్టడి చేయకపోతే రాబోయే రోజుల్లో లక్షల సంఖ్యలో మరణాలు సంభవించే అవకాశం ఉందని రెండు వారాల కిందట ఐక్యరాజ్యసమితి సెక్రటరీ జనరల్‌ ఆంటోనియో గుటెరస్‌ ఆందోళన వ్యక్తం చేసిన విషయం తెలిసిందే. కార్చిచ్చులా వ్యాపిస్తున్న కొవిడ్‌-19ను అలాగే వదిలేస్తే పరిస్థితి చేయిదాటిన ప్రాంతాల్లో దాదాపు లక్షల సంఖ్యలో ప్రజలు మరణించే అవకాశం ఉందని ఆందోళన వ్యక్తం చేశారు. ఐరాస అంచనా వేసినట్టు పరిస్థితులు ఏమాత్రం భిన్నంగా లేవు. రోజు రోజుకూ పరిస్థితులు దిగజారుతున్నాయి. విజృంభిస్తోన్న ఈ మహమ్మారి బారినపడి ప్రాణాలు కోల్పోయినవారి సంఖ్య లక్ష దాటింది. వైరస్ కట్టడిలో భాగంగా సగానికి కంటే ఎక్కువ దేశాల్లో లాక్‌డౌన్‌లు కొనసాగుతున్నాయి. ప్రజలను ఇళ్ల నుంచి రాకుండా ఆంక్షలు జారీచేస్తున్నాయి.


మరోవైపు, మొత్తం 210 దేశాలకు విస్తరించిన ఈ మహమ్మారి వల్ల మరణాలు, బాధితుల సంఖ్య గంటల్లోనే పెరుగుతోంది. ఇప్పటి వరకు కరోనా వైరస్ వల్ల ప్రపంచవ్యాప్తంగా 102,734 మందికి పైగా ప్రాణాలు కోల్పోగా, బాధితుల సంఖ్య 17 లక్షలకు చేరువయ్యింది. గత 24 గంటల్లోనే ప్రపంచవ్యాప్తంగా 7,400 మంది మృతిచెందారు.. వైరస్ బారినపడ్డవారిలో 3.76 లక్షల మంది కోలుకోవడం కాస్త ఊరట కలిగించే అంశం. మరో 11.74 లక్షల మంది పరిస్థితి నిలకడగా, దాదాపు 50వేల మంది పరిస్థితి మాత్రం ఆందోళనకరంగా ఉంది. అగ్రరాజ్యం అమెరికాలో కరోనా వైరస్ తీవ్రత ఎక్కువగా ఉంది. మహమ్మారి బారినపడి రోజుకు సగటున 2వేల మంది ప్రాణాలు కోల్పోతున్నారు.

ప్రపంచవ్యాప్తంగా ఇప్పటి వరకూ ఇటలీలోనే అత్యధికంగా కరోనా మరణాలు చోటుచేసుకుంటున్నాయి. ప్రస్తుతం దీనిని అమెరికా అధిగమించే దిశగా సాగుతోంది. కరోనా వైరస్ కేసులు అత్యధికంగా అమెరికాలో 5లక్షలకుపైగా నమోదయ్యాయి. వీరిలో 18,748 మంది ప్రాణాలు కోల్పోయారు.

అటు ఐరోపాలోని ఇటలీ, స్పెయిన్, ఫ్రాన్స్‌లు కరోనాకు దెబ్బకు విలవిలలాడుతున్నాయి. అయితే, స్పెయిన్‌లో తాజా మరణాలు గత 17 రోజులతో పోలిస్తే తక్కువగా నమోదయ్యాయి. ప్రధానమంత్రి పెడ్రో శాంచెజ్‌ స్పందిస్తూ.. మహమ్మారి ప్రారంభించిన దావానలం క్రమంగా నియంత్రణలోకి వస్తోందని వ్యాఖ్యానించారు. ఫ్రాన్స్‌లోనూ ఐసీయూల్లో రోగుల సంఖ్య తగ్గింది. కరోనా విజృంభణ మొదలయ్యాక ఆ సంఖ్య తగ్గడం ఇదే తొలిసారని అధికార వర్గాలు చెబుతున్నాయి. ఇటలీలో మాత్రం మే 3 వరకు లాక్‌డౌన్‌ను పొడిగించే యోచనలో ఉంది.

కరోనా వైరస్ బారిన పడ్డ బ్రిటన్‌ ప్రధాని బోరిస్‌ జాన్సన్‌ క్రమంగా కోలుకుంటున్నారు. మూడు రోజులుగా ఐసీయూలో ఉన్న ఆయనను శుక్రవారం సాధారణ వార్డుకు మార్చారు. మరికొన్ని రోజులపాటు ఆయన ఆసుపత్రిలోనే ఉంటారని అధికార వర్గాలు పేర్కొన్నాయి. అమెరికాలో 18,747 మంది, ఇటలీలో 18,849 మంది, స్పెయిన్‌లో 16,081, మంది ఫ్రాన్స్‌లో 13,197 మంది, బ్రిటన్‌లో 8,958 మంది, ఇరాన్‌లో 4,232, చైనాలో 3,339, బెల్జియంలో 3019, జర్మనీలో 2,736 మంది, నెదర్లాండ్‌లో 2,511, బ్రెజిల్ 1,074, స్విట్జర్లాండ్ 1,002, కెనడాలో 569 మంది ప్రాణాలు కోల్పోయారు. అత్యధికంగా కరోనా కేసులు 5 లక్షలు నిర్ధారణ కాగా.. దీని తర్వాత స్థానాల్లో స్పెయిన్ 158,273, ఇటలీలో 147,577 మంది, ఫ్రాన్స్ 124,869 మంది, జర్మనీలో 122,171, చైనా 81,953, బ్రిటన్ 73,758, ఇరాన్ 68,192, టర్కీలో 47,029, బెల్జియం 26,667, స్విట్జర్లాండ్ 24,551 ఉన్నాయి.





Source link

Leave a Reply

Your email address will not be published. Required fields are marked *