covid 19 health insurance: అమెజాన్ గుడ్ న్యూస్.. వారందరికీ ఉచితంగానే.. – amazon india provides free covid-19 health insurance for its sellers


ప్రధానాంశాలు:

  • సెల్లర్లకు కోవిడ్ 19 పాలసీ
  • ఉచితంగానే అందిస్తున్న కంపెనీ
  • దీంతో వారికి ప్రయోజనం

ఈ-కామర్స్ దిగ్గజం అమెజాన్ తాజాగా కీలక నిర్ణయం తీసుకుంది. తన ప్లాట్‌ఫామ్‌పై విక్రేతలకు ఉచితంగానే కోవిడ్ 19 హెల్త్ ఇన్సూరెన్స్ పాలసీని అందిస్తోంది. దీనికి సెల్లర్లు ఎలాంటి డబ్బులు చెల్లించాల్సిన అవసరం లేదు. కోవిడ్ 19 వల్ల హాస్పిటల్‌లో చేరిన తర్వాత అయ్యే ఖర్చులు, అంబులెన్స్ వ్యయాలు, ఐసీయూ చార్జీలు వంటివి అన్నీ ఈ పాలసీలో కవర్ అవుతాయి.

అమెజాన్ సెల్లర్లకు కోవిడ్ 19 పాలసీ ఏడాది పాటు అందుబాటులో ఉంటుంది. అమెజాన్ తన విక్రేతలకు ఈ ప్రయోజనం అందించేందుకు అకో జనరల్ ఇన్సూరెన్స్ కంపెనీతో జతకట్టింది. పాలసీ క్లెయిమ్, రీయింబర్స్‌మెంట్ వంటివి అన్నీ ఈ ఇన్సూరెన్స్ సంస్థనే చూసుకుంటుంది.

Also Read: SBI బంపరాఫర్.. లోన్ తీసుకున్న వారికి అదిరిపోయే శుభవార్త!

అమెజాన్ తాజా నిర్ణయంతో లక్షల మంది విక్రేతలకు ప్రయోజనం కలుగనుంది. జనవరి 2019 నుంచి 2020 మే 26 వరకు యాక్టివ్ ప్రొడక్ట్ లిస్టింగ్ చేస్తున్నవారికి ఈ ప్రయోజనం లభిస్తుంది. అమెజాన్ ఇండియా వైస్ (సెల్లర్ సర్వీసెస్) గోపాల్ పిల్లై మాట్లాడుతూ.. సెల్లర్లకు ప్రయోజనం కలిగించే నిర్ణయం తీసుకున్నామని, వారు ఈ ఆప్షన్ ఉపయోగించుకుంటారని పేర్కొన్నారు.

ఇకపోతే కోవిడ్ 19 వల్ల దేశ ఆర్థిక వ్యవస్థపై తీవ్ర ప్రతికూల ప్రభావం పడిన విషయం తెలిసిందే. దాదాపు అన్ని రంగాలు చతికిలపడ్డాయి. ఈకామర్స్ కూడా ఇందుకు మినహాయింపేమీ కాదు. కరోనా వైరస్ ఇంకా శరవేగంగా విస్తరిస్తూనే వస్తోంది. కోవిడ్ 19 నేపథ్యంలో కేంద్ర రాష్ట్ర ప్రభుత్వాలు లాక్ డౌన్ రూల్స్‌ను సడలిస్తూ వస్తున్నాయి.



Source link

Leave a Reply

Your email address will not be published. Required fields are marked *