covid-19 patient dead body: బస్టాండ్‌లో కొవిడ్-19 రోగి మృతదేహం – covid-19 patient’s dead body found at ahmedabad bus stand


రోనా వైరస్‌తో చనిపోయిన ఓ వ్యక్తి మృతదేహం బస్టాండ్‌లో కనిపించిన విషాదమిది. గుజరాత్‌లోని అహ్మదాబాద్‌లో కరోనా వైరస్ విజృంభిస్తున్న తీరుకు అద్దం పడుతున్న దృశ్యమిది. కరోనా వైరస్ సోకి ఆస్పత్రిలో చికిత్స పొందుతున్న వ్యక్తి బస్టాండ్‌లో విగతజీవిగా కనిపించాడు. ఆ వార్త విని కుటుంబసభ్యులు షాక్‌కు గురయ్యారు. అహ్మదాబాద్‌లో ఈ ఘటన కలకలం రేపింది. ప్రభుత్వ ఆస్పత్రుల్లో సిబ్బంది నిర్లక్ష్యంపై స్థానికులు ఆగ్రహం వ్యక్తం చేశారు.

అహ్మదాబాద్ నగరంలోని దనిలిమ్దా ప్రాంతానికి చెందిన గుణవంత్ మక్వానా (67) అనే వ్యక్తికి మే 10న కరోనా పాజిటివ్‌గా నిర్ధారణ అయింది. దీంతో ఆయణ్ని స్థానిక ప్రభుత్వ ఆస్పత్రిలో చేర్పించారు. అయితే.. మే 15న వేకువజామున ఆయన అనూహ్యంగా దనిలిమ్దా బీఆర్‌టీఎస్ బస్టాండ్‌లో విగతజీవిగా కనిపించారు.

samayam telugu

<p>బస్టాండ్‌లో మృతదేహం<br></p>

స్థానికుల సమాచారంతో ఘటనా స్థలికి వచ్చిన పోలీసులు మృతుడి జేబులో లభించిన లేఖ, మొబైల్‌ పోన్‌ ఆధారంగా ఆయన్ని గుణవంత్‌గా గుర్తించి కుటుంబసభ్యులకు సమాచారం ఇచ్చారు. వీఎస్ ఆస్పత్రి నుంచి మృతదేహాన్ని తీసుకెళ్లాలని అతడి కుమారుడు కీర్తి మక్వానాకు సూచించారు. ఆస్పత్రిలో చికిత్స పొందుతున్నాడని భావించిన గుణవంత్.. బస్టాండ్‌లో విగతజీవిగా కనిపించడంతో కుటుంబసభ్యులు దిగ్భ్రాంతికి గురయ్యారు.

Must Read:కేరళలో మళ్లీ 100 దాటిన యాక్టివ్ కేసులు

శ్వాస తీసుకోవడంలో ఇబ్బందులు ఎదురవడంతో గుణవంత్‌కు కరోనా పరీక్షలు నిర్వహించగా.. కరోనా పాజిటివ్‌గా నిర్ధారణ అయింది. దీంతో మే 10న ఆయణ్ని అహ్మదాబాద్ సివిల్‌ ఆస్పత్రికి తరలించి చికిత్స అందిస్తున్నారు. వైరస్ నుంచి కోలుకోగానే సమాచారం అందిస్తామని ఆస్పత్రి వైద్యులు తమకు తెలిపారని.. 10 రోజులుగా తాము హోం క్వారంటైన్‌లో ఉన్నామని కుటుంబసభ్యులు తెలిపారు. కరోనా నుంచి కోలుకోకుండానే ఆయణ్ని ఆస్పత్రి నుంచి ఎందుకు చేశారో తెలపాలని వాళ్లు డిమాండ్‌ చేశారు. ఈ ఘటనపై విమర్శలు వెల్లువెత్తుతున్న వేళ గుజరాత్‌ సీఎం విజయ్‌ రూపానీ విచారణకు ఆదేశించారు.

గుణవంత్‌లో కరోనా లక్షణాలు సాధారణ స్థాయిలోనే ఉండటంతో డిశ్చార్జ్ చేశామని సిటీ సివిల్ ఆస్పత్రి ఓఎస్‌డీ డాక్టర్ ప్రభాకర్ తెలిపారు. కోలుకునే వరకు అతణ్ని హోమ్ క్వారంటైన్‌లో ఉండాలని ఆదేశించినట్లు చెప్పారు. మారిన నిబంధనల ప్రకారం.. కొవిడ్-19 లక్షణాలు స్వల్పంగా ఉన్న వారిని డిశ్చార్జ్ చేసి ఇంటికి పంపిస్తున్నట్లు తెలిపారు. ఇంట్లో చికిత్స తీసుకునేలా ప్రభుత్వం ఏర్పాట్లు చేసిందని వెల్లడించారు. అయితే.. తమకు కనీసం సమాచారం ఇవ్వకుండా ఎలా డిశ్చార్జ్ చేస్తారని కుటుంబసభ్యులు ప్రశ్నిస్తున్నారు. సీఎం విజయ్ రూపానీ.. సీనియర్ ఐఏఎస్ అధికారిని నియమించి ఘటనపై పూర్తి స్థాయిలో దర్యాప్తు చేయాలని ఆదేశించారు.

Photo Credit: The Quint

Also Read:కరోనా నుంచి కోలుకొని ఇంటికొస్తే కాటేసిన పాము



Source link

Leave a Reply

Your email address will not be published. Required fields are marked *