covid 19 updates: కరోనా ఫైట్.. భారత మహిళా హాకీ జట్టు భారీగా నిధుల సేకరణ – coronavirus updates: indian women’s hockey team raises rs 20 lakh to help poor


ప్రపంచవ్యాప్తంగా ప్రమాదకర కరోనా వైరస్ విస్తరిస్తున్న సంగతి తెలిసిందే. భారత్‌లోనూ ఈ వైర‌స్ వేగంగా వ్యాపిస్తోంది. ఇప్ప‌టివ‌ర‌కు 42,800కుపైగా పాజిటివ్‌గా తేలారు. అలాగే 1390 మందికిపైగా మ‌ర‌ణించారు. అయితే క‌రోనా కార‌ణంగా దేశ‌వ్యాప్తంగా లాక్‌డౌన్ ప్ర‌క‌టించడంతో ఎంతోమంది ఉపాధిని కోల్పోయారు.ఈ నేప‌థ్యంలో వారిని ఆదుకునేందుకు భార‌త మ‌హిళా హాకీ జ‌ట్టు భారీగా నిధులు సేక‌రించింది. జ‌ట్టు స‌భ్యుల‌తో క‌లిసి 18 రోజులపాటు ఫిట్‌నెస్ చాలెంజ్‌ను ర‌న్ చేసి రూ.20 ల‌క్ష‌ల భారీ మొత్తాన్ని సేక‌రించింది.


గ‌త‌నెల నుంచి ఈనెల 3 వ‌ర‌కు 18 రోజుల‌పాటు ఈ చాలెంజ్‌ను టీమిండియా స‌భ్యులు చేపట్టారు. రోజుకో ప్లేయ‌ర్ ఆన్‌లైన్‌లోకి వ‌చ్చి, ప‌దిమంది నెటిజ‌న్ల‌కు వివిధ చాలెంజ్‌ల‌ను విధించి, రూ.100కు క‌రోనా నిధి కోసం జ‌మ‌చేయమని సూచించారు. అయితే గ‌త 18 రోజులుగా హాకీ అభిమానుల నుంచి అనూహ్య మద్ద‌తు ల‌భించింద‌ని భార‌త జ‌ట్టు కెప్టెన్ రాణి రాంపాల్ తెలిపింది.


ఈ కార్య‌క్ర‌మంలో భాగ‌మైన జ‌ట్టు స‌భ్యుల‌తోపాటు చీఫ్ కోచ్ జొయెర్డ్ మ‌రీన్‌తోపాటు స‌పోర్టింగ్ స్టాఫ్‌కు రాణి కృత‌జ్ఞ‌త‌లు తెలిపింది. ఈ కార్య‌క్ర‌మం ఇంత‌గా విజ‌య‌వంతం అవుతుంద‌ని అనుకోలేద‌ని పేర్కొంది. ప్ర‌పంచ‌వ్యాప్తంగా ఉన్న భార‌త అభిమానులు త‌మ‌కు అండ‌గా నిలిచార‌ని తెలిపింది. ఈ నిధుల‌తో వెయ్యికిపైగా కుటుంబాల‌కు సాయం చేయ‌వ‌చ్చ‌ని తెలుస్తోంది.



Source link

Leave a Reply

Your email address will not be published. Required fields are marked *