covid-19 vaccine: కుష్టు వ్యాధి డ్రగ్‌తో కరోనాకు చెక్.. ఎయిమ్స్ గుడ్ న్యూస్ – anti-leprosy drug on covid-19 patients yielding good results, claims aiims bhopal


కొవిడ్-19 వ్యాక్సిన్‌కు సంబంధించి భారత్ చేస్తున్న ప్రయోగాల దిశగా మరో కీలక అడుగు పడింది. ఎయిమ్స్ భోపాల్ గుడ్ న్యూస్ అందించింది. లెప్రసీ (కుష్టు) వ్యాధి నివారణకు ఉపయోగించే మైకోబ్యాక్టీరియమ్‌ (డబ్ల్యూ) డ్రగ్ ఫలితాలు ఆశాజనకంగా ఉన్నాయని వెల్లడించింది. కొవిడ్‌-19 క్లినికల్‌ ట్రయల్స్‌లో ఈ ఔషధం సమర్థంగా పనిచేసిందని ఎయిమ్స్‌ భోపాల్‌ వైద్యులు తెలిపారు. ఈ మేరకు ఎకనమిక్స్ టైమ్స్ ఓ కథనాన్ని ప్రచురించింది.

డ్రగ్ కంట్రోలర్ జనరల్ ఆఫ్ ఇండియా (డీసీజీఐ) అనుమతితో గత కొన్ని రోజులుగా భోపాల్ ఎయిమ్స్‌లో మైకోబ్యాక్టీరియమ్‌ (డబ్ల్యూ) డ్రగ్‌పై పరిశోధన చేస్తున్నారు. కరోనా బాధితులకు ఈ డ్రగ్ ఇచ్చి చికిత్స చేస్తున్నారు. ఇలా చికిత్స అందించిన వారిలో ముగ్గురు బాధితులు కరోనా నుంచి కోలుకున్నారని భోపాల్ ఎయిమ్స్ డైరెక్టర్‌ డాక్టర్‌ శర్మన్‌ సింగ్‌ శనివారం (మే 16) తెలిపారు. ఇక్కడ కొన్ని రోజులుగా నిర్వహిస్తున్న క్లినికల్స్ ట్రయల్స్‌ ఫలితాలు చాలా బాగున్నాయని ఆయన పేర్కొన్నారు.

Don’t Miss:కరోనాతో కోమాలోకి.. కోలుకునేసరికి భార్య మృతి, ఆ వార్త వినగానే..!

భోపాల్ ఎయిమ్స్‌లో క్లినికల్ ట్రయల్స్‌కు నలుగురు పేర్లు నమోదు చేసుకోగా.. ఈ చికిత్స అనంతరం ముగ్గురు బాధితులు కోలుకొని డిశ్చార్జ్ అయ్యారని శర్మన్ సింగ్ తెలిపారు. మైకోబ్యాక్టీరియమ్‌ డబ్ల్యూ డ్రగ్‌పై మరిన్ని క్లినికల్‌ ట్రయల్స్‌ నిర్వహించనున్నామని.. వాటిలోనూ సమర్థంగా పనిచేసినట్లు తేలితే కొవిడ్‌-19 చికిత్సకు ఉపయోగిస్తామని ఆయన వివరించారు.

మైకోబ్యాక్టీరియమ్‌ డబ్ల్యూ డ్రగ్‌తో కరోనా వైరస్ బాధితులు వేగంగా కోలుకునే రేటును విశ్లేషించడానికి కౌన్సిల్ ఫర్ సైంటిఫిక్ అండ్ ఇండస్ట్రియల్ రీసెర్చ్ (సీఎస్‌ఐఆర్) క్యాడిలా ఫార్మాతో ఒప్పందం కుదుర్చుకుంది. ఎయిమ్స్ ఢిల్లీ, ఎయిమ్స్ భోపాల్, పీజీఐ చంఢీగర్ ఆస్పత్రుల్లో మైకోబ్యాక్టీరియమ్‌ డబ్ల్యూ ఔషధంపై పరిశోధనలు నిర్వహించడానికి సీఎస్‌ఐఆర్‌కు డీసీజీఐ అనుమతి ఇచ్చింది.

కొవిడ్-19 వ్యాక్సిన్‌పై ప్రపంచవ్యాప్తంగా వివిధ దేశాల్లో 100కు పైగా పరిశోధనలు జరుగుతున్నాయి. ఆక్స్‌ఫర్డ్ యూనివర్సిటీ కోతులపై చేసిన ప్రయోగాలు ఆశాజనక ఫలితాలను ఇచ్చినట్లు ఇప్పటికే పరిశోధకులు వెల్లడించారు. మనుషులపై క్లినికల్ ట్రయల్స్ ప్రారంభించినట్లు తెలిపారు. హైదరాబాద్ కేంద్రంగా పనిచేస్తున్న ‘భారత్ బయోటిక్’ అతి త్వరలోనే కొవిడ్-19కు వ్యాక్సిన్ తీసుకొస్తామని ప్రకటించింది. భారత వైద్య పరిశోధన మండలితో కలిసి కరోనా వైరస్ వ్యాక్సిన్‌పై భారత్ బయోటిక్ పరిశోధనలు చేస్తోంది.

Also Read:దెయ్యాల గ్రామాల్లో క్వారంటైన్ సెంటర్లు.. ఉత్తరాఖండ్‌లో హాట్ టాపిక్!



Source link

Leave a Reply

Your email address will not be published. Required fields are marked *