covid-19 vaccine: బిగ్ న్యూస్: కోతులపై కరోనా వ్యాక్సిన్ సక్సెస్.. – oxford university’s covid-19 vaccine test on monkeys shows positive results


రోనా మహమ్మారి విలయతాండవంతో ప్రపంచవ్యాప్తంగా ఆందోళన నెలకొన్న వేళ ఈ వైరస్‌ నివారణకు వ్యాక్సిన్‌పై ఆక్స్‌ఫర్డ్ యూనివర్సిటీ చేస్తోన్న పరిశోధన ఆశలు రేపుతోంది. బ్రిటన్‌కు చెందిన ఈ ప్రతిష్టాత్మక సంస్థ కోతులపై చేసిన చిన్న పరిశోధనలో ఆశాజనక ఫలితాలు వచ్చినట్లు యూనివర్సిటీ వర్గాలు వెల్లడించాయి. ChAdOx1 nCoV-19 వ్యాక్సిన్‌‌పై పరిశోధన చేస్తున్న ఆక్స్‌ఫర్డ్ విశ్వవిద్యాలయం.. ఈ వ్యాక్సిన్‌ను కోతుల్లో ప్రవేశపెట్టింది. దీంతో కోతుల్లోని రోగనిరోధక శక్తి కరోనా వైరస్‌ను అడ్డుకుందని పరిశోధకులు వెల్లడించారు. ఈ వ్యాక్సిన్ నుంచి ప్రతికూల ప్రభావాలేమీ కనిపించలేదని చెప్పడం మరో బిగ్ న్యూస్.

ఆక్స్‌ఫర్డ్ విశ్వవిద్యాలయం ఆరు కోతులపై పరిశోధన చేస్తోంది. కోతులపై ప్రయోగించిన ఒక వ్యాక్సిన్‌ డోసే ఊపిరితిత్తులు దెబ్బతినకుండా అడ్డుకుందని.. ఇతర అవయవాలపై వైరస్‌ తీవ్రత తగ్గించిందని పరిశోధకులు తెలిపారు. మిగతా కోతులతో పోలిస్తే వ్యాక్సిన్‌ ఇచ్చిన వానరాల్లో ఊపిరితిత్తుల్లో ద్రవం తగ్గడం, శ్వాసనాళంలోని కణజాలం వైరస్‌ను అడ్డుకోవడాన్ని గమనించినట్లు వారు వెల్లడించారు. కరోనా వైరస్‌‌కు సంబంధించిన న్యుమోనియా లక్షణాలు కూడా కనిపించలేదని వివరించారు.

Don’t Miss:న్యూయార్క్‌లో మాయ రోగం.. 100 మంది పిల్లలకు అస్వస్థత, ఐదుగురి మృతి

కోతులపై చేసిన పరిశోధన ఫలితాలు ఆశాజనకంగా తేలిన నేపథ్యంలో.. ఇక ఈ వ్యాక్సిన్ మనుషులపై ఏ మేరకు పని చేస్తుందనేది తేలాల్సి ఉంది. మనుషులపై కూడా క్లినికల్‌ ట్రయల్స్‌ జరుగుతున్నట్లు పరిశోధకులు తెలిపారు. సానుకూల ఫలితాలు వస్తాయని నిపుణులు ఆశాభావం వ్యక్తం చేస్తున్నారు. ఆ ఫలితాలు కూడా ఆశాజనకంగా వస్తే వ్యాక్సిన్ రూపకల్పనకు అడుగుపడినట్లే.

పరిశోధన సాగిందిలా..
జంతువులపై కరోనా వ్యాక్సిన్ ప్రయోగం మార్చిలోనే మొదలైంది. పరిశోధనలో భాగంగా తొలుత టీకా ఇవ్వని ఆసియా జాతి ఆరు కోతులను కరోనా వైరస్‌ బారినపడేలా చేశారు. దీంతో అవి తీవ్రమైన అనారోగ్యానికి గురయ్యాయి. మరో ఆరు కోతులకు ఈ వ్యాక్సిన్ ఇచ్చారు. ఆ తర్వాత వాటిని కూడా కరోనా వైరస్‌ బారినపడేలా చేశారు. రెండో బ్యాచ్‌ ఆరు కోతుల్లో 28 రోజుల తర్వాత కూడా ఎలాంటి అనారోగ్య లక్షణాలు కనిపించలేదు. ఈ కోతుల డీఎన్‌ఏ, మనుషుల డీఎన్‌ఏతో 93 శాతం పోలి ఉంటుందని నిపుణులు చెబుతున్నారు.

samayam telugu

కరోనా వ్యాక్సిన్ పరిశోధన

బ్రిటన్‌లో టీకా ట్రయల్స్‌ విజయవంతమైతే కెన్యాలో ట్రయల్స్‌ నిర్వహించేందుకు అనుమతి కోరాలని ఆక్స్‌ఫర్డ్‌ భావిస్తోంది. అభివృద్ధి చెందుతున్న దేశాలకు టీకా అవసరం ఎక్కువగా ఉందని పరిశోధకులు పేర్కొన్నారు. బ్రిటన్‌లో కరోనా వైరస్ కేసులు అంతకంతకూ పెరుగుతున్నాయి. శుక్రవారం (మే 15) నాటికి సుమారు 2.5 లక్షల మందికి వైరస్‌ సోకింది. కరోనా కారణంగా బ్రిటన్‌లో ఇప్పటికే 33 వేల మందికి పైగా మరణించారు. ఆక్స్‌ఫర్డ్ పరిశోధనలు చేస్తున్న ChAdOx1 nCoV-19 వ్యాక్సిన్‌ విజయవంతమైతే ఏడాది చివరికల్లా 100 మిలియన్‌ డోసులు ఉత్పత్తి చేసేందుకు సిద్ధంగా ఉన్నామని బ్రిటిష్ డ్రగ్‌ కంపెనీ అస్త్రాజెనికా ఇప్పటికే ప్రకటించింది.

Read This In English

Also Read:రూ.1.63 లక్షల కోట్ల వ్యవ‘సాయం’.. రైతులకు కేంద్రం బిగ్ న్యూస్



Source link

Leave a Reply

Your email address will not be published. Required fields are marked *