covid warrior volunteers : ఏపీలో కరోనా వాలంటీర్లు కావలెను.. ఓకే చెబితే ఓ ఆఫర్ ఉంది – ap govt starts recruitment of covid warrior volunteers and request to medical trained to come forward


ఏపీలో కరోనా కట్టడికి ప్రభుత్వ పటిష్టమైన చర్యలు తీసుకుంటోంది. ముందు జాగ్రత్తగా రాష్ట్రవ్యాప్తంగా కోవిడ్ వారియర్ వాలంటీర్లను నియమించాలని నిర్ణయించింది. ఈ మేరకు దరఖాస్తులు ఆహ్వానించింది. రాష్ట్రవ్యాప్తంగా ఉన్న 271 మెడికల్ కాలేజీలు, డెంటల్ కాలేజీలు, యునాని, ఆయుర్వేద నర్సింగ్ కాలేజీలు, ఇతర వైద్య అనుబంధ కోర్సులు చదివే విద్యార్థులు కోవిడ్ వారియర్లుగా నమోదు చేసుకోవచ్చని అధికారులు తెలిపారు. అంతేకాదు ప్రభుత్వంతో కలసి పనిచేయడానికి ఆసక్తి కలిగిన డాక్టర్లు, వైద్య నిపుణులు, నైపుణ్యం కలిగిన నర్సులు, పారా మెడికల్ సిబ్బంది వారియర్స్‌గా నమోదు చేసుకోవచ్చు. వీరి సేవల్ని ఆస్పత్రుల్లో, క్వారంటైన్ సెంటర్లలో వాలంటీర్లుగా ఉపయోగించుకుంటామని ప్రభుత్వం చెబుతోంది.


Read Also:
ఏపీలో టికెట్ రిజర్వేషన్లు ఆపేసిన ఆర్టీసీ.. ఆ డబ్బు రీఫండ్!

ఇలా వాలంటీర్లగా పనిచేసేందుకు ముందుకు వచ్చిన వారికి ప్రభుత్వం మరో శుభవార్త చెప్పింది. ప్రభుత్వం భవిష్యత్తులో చేపట్టే రిక్రూట్‌మెంట్లలో వాలంటీర్లుగా పనిచేసిన వారికి ప్రాధాన్యం ఇస్తామంటోంది. ఆసక్తి ఉన్న వారు.. వాలంటీర్లుగా నమోదు చేసుకునేందుకు ఓ వెబ్‌సైట్‌ను ప్రభుత్వం ప్రారంభించింది. https://health.ap.gov.in/CVPASSAPP/Covid/VolunteerJobs అనే వెబ్‌సైట్‌లో నమోదు చేసుకోవచ్చు.

Also Read: జగన్ సర్కార్ కీలక నిర్ణయం.. వారికి రూ.5వేలు సాయం


ప్రభుత్వ పిలుపుతో కొంతమంది వాలంటీర్లుగా పనిచేసేందుకు ముందుకు వస్తున్నారు. ఒక్కరోజులో 2000 మంది వాలంటీర్లుగా నమోదు చేసుకున్నారు. నమోదు చేసుకున్న వాలంటీర్లకు అవసరమైన శిక్షణను కూడా ప్రభుత్వం ఆన్‌లైన్‌లో ఇవ్వనుంది. 9, 10న శిక్షణ అందిస్తారు.. అంతేకాదు వాలంటీర్ల సేవల్ని ఎంపిక చేసుకున్న జిల్లాల్లోనే వినియోగించుకుంటారు.





Source link

Leave a Reply

Your email address will not be published. Required fields are marked *