cows died in rajasthan: రాజస్థాన్: గోశాలలో 24 గంటల్లో 80 ఆవులు అనుమానాస్పదంగా మృతి – rajasthan: 80 cows die of suspected food poisoning in govt-aided shelter


ప్రభుత్వ గోశాలలోని 80 గోవులు అనుమానాస్పదంగా మృతిచెందిన ఘటన రాజస్థాన్‌లో చోటుచేసుకుంది. చురు జిల్లా బిలియాబస్ రామ్‌పుర గ్రామం గో సంరక్షణ కేంద్రంలో 24 గంటల వ్యవధిలోనే 80 మూగజీవాలు మృత్యువాతపడ్డాయి. విషాహారం తినడంతోనే గోవులు కన్నుమూసినట్టు అనుమానిస్తున్నారు. శుక్రవారం రాత్రి నుంచి ఇప్పటి వరకు 80 గోవులు ప్రాణాలు కోల్పోగా.. మరికొన్ని తీవ్ర అస్వస్థతకు గురయ్యాయని రాష్ట్ర పశు సంవర్ధక విభాగం వెల్లడించింది. ఆహారం కలుషితం కావడంతోనే గోవులు చనిపోయినట్టు ప్రాథమికంగా నిర్ధారరించినట్టు పశు సంవర్ధక శాఖ జాయింట్ డైరెక్టర్ డాక్టర్ జగదీశ్ తెలిపారు.

సర్దార్‌షహర్ ప్రాంతంలోని బిలియాబస్ రామ్‌పుర గ్రామంలోని ప్రభుత్వ గో సంరక్షణ కేంద్రానికి అధికారుల బృందాన్ని పంపామని పేర్కొన్నారు. ఆవులకు వేసే దాణా, పశుగ్రాసం నమూనాలను సేకరించి, పరీక్షల కోసం ల్యాబ్‌కు పంపినట్టు తెలిపారు. శ్రీకృష్ణుడు, గోవులకు ప్రత్యేకంగా నిర్వహించే ‘గోపష్టమి’ ముందు రోజే పెద్ద సంఖ్యలో ఆవులు మృత్యువాత పడటం దురదృష్టకరం.

ఇటీవల హరియాణాలోని పంచకులలో మాతా మాన్సాదేవి గోశాలలో 70 ఆవులు మరణించిన ఘటన సంచలనం రేపిన విషయం తెలిసిందే. పంచకులలోని గోశాలలో ఏడు షెడ్లలో 1500 పశువులున్నాయి. ఈ షెడ్లలో 70 ఆవులు మరణించగా,మరో 30 తీవ్ర అనారోగ్యానికి గురయ్యాయి. ‘రెండు ఎద్దులు పోరాడుకుంటుండగా కార్మికులు చూశారు…కొన్ని ఆవులు నోటి నుంచి నురుగు వస్తూ మరణించడాన్ని కార్మికులు చూశారు’ అని పంచకుల గోశాల ట్రస్ట్ ప్రధాన కార్యదర్శి డాక్టర్ నరేష్ మిట్టల్ చెప్పారు.



Source link

Leave a Reply

Your email address will not be published. Required fields are marked *