Credit card charges: Credit Cardకు అప్లై చేస్తున్నారా? ఈ చార్జీల గురించి తెలిస్తే కార్డ్ వద్దనుకుంటారు! – getting a credit card here are 5 types of credit card charges you should know


ప్రధానాంశాలు:

  • క్రెడిట్ కార్డు తీసుకుంటున్నారా?
  • అయితే కొన్ని విషయాలు తెలుసుకోవాలి
  • కచ్చితంగా చార్జీలు గమనించాలి

క్రెడిట్ కార్డులకు డిమాండ్ పెరుగుతోందని చెప్పుకోవచ్చు. వీటిని ఉపయోగించే వారు కూడా రోజురోజుకు పెరిగిపోతున్నారు. క్రెడిట్ కార్డు వల్ల పలు రకాల ప్రయోజనాలు ఉండటం ఇందుకు ప్రధాన కారణంగా చెప్పుకోవచ్చు. కార్డు వాడే వారికి రివార్డు పాయింట్లు, క్యాష్‌బ్యాక్, డిస్కౌంట్, నో కాస్ట్ ఈఎంఐ, లోన్ ఫెసిలిటీ ఇలా పలు రకాల బెనిఫిట్ ఉంటాయి.

అందుకే చాలా మంది క్రెడిట్ కార్డు తీసుకోవాలని భావిస్తారు. అయితే ఇదంతా ఒకవైపు మాత్రమే అని చెప్పుకోవాలి. క్రెడిట్ కార్డులు వాడే వారు మరో విషయాన్ని గుర్తి పెట్టుకోవాలి. అదే చార్జీలు. క్రెడిట్ కార్డ్ వాడే వారు ఏ కొంచెం అజాగ్రత్తగా ఉన్నా కూడా అధిక చార్జీలు చెల్లించుకోవలసి వస్తుంది.

Also Read: ఈ క్రెడిట్ కార్డ్‌కు ఫుల్ డిమాండ్.. తెగ తీసేసుకుంటున్న జనాలు.. లాభాలివే!

క్రెడిట్ కార్డు జారీ కంపెనీలు ఏ ఏ రకాల చార్జీలు వసూలు చేస్తున్నాయో ఒకసారి తెలుసుకుందాం. ఫైనాన్స్ చార్జీలు రూపంలో క్రెడిట్ కార్డు జారీ సంస్థలు మీ వద్ద నుంచి డబ్బులు వసూలు చేస్తాయి. అంటే వడ్డీ వేస్తాయి. వడ్డీ రేటు అనేది బ్యాంక్ ప్రాతిపదికన మారుతూ ఉంటుంది. మీరు డ్యూ డేట్‌లోపు చెల్లించకపోతేనే ఈ చార్జీలు పడతాయి. 49 శాతం వరకు వడ్డీ కట్టాల్సి వస్తుంది.

Also Read: SBI డెబిట్ కార్డ్ ఉందా? ఏటీఎం నుంచి రోజుకు ఎంత డబ్బు తీసుకోవచ్చంటే?

అంతేకాకుండా క్రెడిట్ కార్డుకు వార్షిక మెయింటెనెన్స్ ఫీజు కూడా ఉంటుంది. ప్రతి సంవత్సరం ఈ చార్జీ చెల్లించాలి. కొన్ని బ్యాంకులు తొలి ఏడాది మాత్రమే మెయింటెనెన్స్ చార్జీల నుంచి కస్టమర్లకు మినహాయింపు ఇస్తుంటాయి. తర్వాతి సంవత్సరం నుంచి మళ్లీ ఈ చార్జీలు పడతాయి.

కొన్ని బ్యాంకులు జాయింట్ ఫీజును కూడా వసూలు చేస్తాయి. అలాగే ఏటీఎం ద్వారా క్రెడిట్ కార్డు ద్వారా డబ్బులు తీసుకుంటే అప్పుడు కూడా చార్జీలు పడతాయి. మీరు విత్‌డ్రా చేసే డబ్బులో 2.5 శాతం వరకు చార్జీ పడుతుంది. అంతేకాకుండా ఈ డబ్బుపై మళ్లీ వడ్డీ కూడా కట్టాలి. అయితే కొన్ని కార్డులపై వడ్డీ చెల్లించాల్సిన పని ఉండదు.

ఇవేకాకుండా ఓవర్ లిమిట్ చార్జీలు కూడా ఉంటాయి. అంటే మీరు మీ క్రెడిట్ కార్డుపై లిమిట్‌ను దాటేసి ఉపయోగిస్తే అప్పుడు ఈ చార్జీలు పడతాయి. కనీసం రూ.500 చెల్లించాలి. ఇంకా ఫారిన్ మార్క్‌ అప్ ఫీజు కూడా ఉంటుంది. విదేశాల్లో మీరు క్రెడిట్ కార్డు ద్వారా లావాదేవీలు జరిపితే ఈ చార్జీలు పడతాయి.



Source link

Leave a Reply

Your email address will not be published. Required fields are marked *