Cricket Australia: టీ20 వరల్డ్‌కప్‌ వాయిదాపై ఆస్ట్రేలియా మెలిక.. ఐసీసీ మౌనం – ca wants to host 2021 t20 world cup


ఐపీఎల్ 2020 సీజన్ కోసం ఈ ఏడాది టీ20 వరల్డ్‌కప్ ఆతిథ్యాన్ని వదులుకోబోతున్న క్రికెట్ ఆస్ట్రేలియా (సీఏ) ఆఖరి నిమిషంలో చిన్న మెలిక పెట్టినట్లు తెలుస్తోంది. కరోనా వైరస్ కారణంగా సెప్టెంబరు వరకూ ఆస్ట్రేలియా‌లో లాక్‌డౌన్ అమల్లో ఉండనుండగా.. షెడ్యూల్ ప్రకారం అక్టోబరు 18 నుంచి నవంబరు 15 వరకూ టీ20 వరల్డ్‌కప్ జరగాల్సి ఉంది. దాంతో.. రెండు వారాల వ్యవధిలో టోర్నీ నిర్వహణ ఏర్పాట్లు చేయడం కష్టం.. దానికి తోడు ఖాళీ స్టేడియాల్లో వరల్డ్‌కప్‌ని నిర్వహిస్తే..? ఆర్థికంగానూ చాలా నష్టపోవాల్సి ఉంటుందని భావించిన ఐసీసీ, ఆస్ట్రేలియా టోర్నీ వాయిదాకి ప్రాథమికంగా ఒప్పుకున్నాయి.

Read More: ఐపీఎల్ కోసమే టీ20 వరల్డ్‌కప్ వాయిదా.. మేము ఒప్పుకోం: పాక్ బోర్డు
ఈ ఏడాది టీ20 వరల్డ్‌కప్ వాయిదాపై గురువారం సభ్య దేశాలతో సమావేశం నిర్వహించనున్న అంతర్జాతీయ క్రికెట్ కౌన్సిల్ (ఐసీసీ).. తుది నిర్ణయం ప్రకటించబోతోంది. కానీ.. ఆతిథ్య ఆస్ట్రేలియా తాజాగా ఓ మెలిక పెట్టినట్లు తెలుస్తోంది. ఈ ఏడాదికి బదులు వచ్చే ఏడాది టీ20 వరల్డ్‌కప్ ఆతిథ్య హక్కుల్ని తమకి ఇవ్వాలని ఐసీసీని క్రికెట్ ఆస్ట్రేలియా (సీఏ) ఛైర్మన్ ఎర్లీ ఎడ్డింగ్స్ లేఖ ద్వారా కోరినట్లు వెలుగులోకి వచ్చింది. వాస్తవానికి 2021 టీ20 వరల్డ్‌కప్ ఆతిథ్య హక్కులు భారత్ వద్ద ఉన్నాయి.

Read More: IND vs AUS టెస్టు సిరీస్ షెడ్యూల్ ఖరారు..!

ఐపీఎల్ 2020 సీజన్‌ కోసమే ఆస్ట్రేలియా, ఐసీసీ సంయుక్తంగా టీ20 వరల్డ్‌కప్‌ వాయిదాకి ఒప్పుకున్నట్లు ఇప్పటికే పాకిస్థాన్ క్రికెట్ బోర్డు (పీసీబీ) ఆరోపిస్తోంది. దాంతో.. ఇప్పుడు 2021 టీ20 వరల్డ్‌కప్ ఆతిథ్య హక్కుల్ని భారత్ నుంచి ఆస్ట్రేలియాకి మారిస్తే.. ఆ ఆరోపణలే నిజమై సభ్య దేశాల నుంచి వ్యతిరేకత వ్యక్తమయ్యే ప్రమాదం ఉందని ఐసీసీ భావిస్తోంది. అందుకే.. ఆస్ట్రేలియా ఛైర్మన్ రిక్వెస్ట్‌పై ఐసీసీ మౌనంగా ఉండిపోతున్నట్లు తెలుస్తోంది. ఈ ఏడాది నిర్వహించాల్సిన టీ20 వరల్డ్‌కప్‌ని 2022కి ఐసీసీ వాయిదా వేయబోతున్నట్లు సమాచారం.



Source link

Leave a Reply

Your email address will not be published. Required fields are marked *