cs neelam sahni: రూ. 20 లక్షల కోట్ల ప్యాకేజీపై కమిటీ.. జగన్ సర్కార్ జీవో – ap government appointed go for union government rs 20 lakh crore package


కేంద్ర ప్రభుత్వం ప్రకటించిన ఆత్మనిర్భర్ భారత్ అభియాన్ పథకం ఆర్థిక ప్యాకేజీని రాష్ట్రంలో అమలు చేసేందుకు వైసీపీ ప్రభుత్వం రాష్ట్ర స్థాయి కమిటీని ఏర్పాటు చేసింది. ఈ మేరకు రాష్ట్ర ప్రభుత్వం సోమవారం జీవో విడుదల చేసింది. దేశవ్యాప్తంగా లాక్ డౌన్ అమలు చేస్తున్న నేపథ్యంలో కేంద్ర ప్రభుత్వం రూ. 20 లక్షల కోట్ల ఆర్థిక ప్యాకేజీని ప్రకటించిన విషయం తెలిసిందే. దీన్ని సద్వినియోగం చేసుకునేందుకు ఏర్పాటు చేసిన రాష్ట్రస్థాయి కమిటీలో అనంతపురం ఎంపీ తలారి రంగయ్యకు ప్రత్యేక ఆహ్వానితులుగా ప్రభుత్వం చోటు కల్పించింది. ఈ మేరకు జీవో విడుదల [G.O.Rt.No.1384] చేసింది.

ఈ కమిటీలో రాష్ట్ర ప్రభుత్వ ప్రధాన కార్యదర్శి నీలం సాహ్ని చైర్మన్‌గా వ్యవహరిస్తారు. వైద్య, ఆరోగ్య, వ్యవసాయ శాఖ, మౌలిక వసతుల శాఖ స్పెషల్ సెక్రటరీలు, వివిధ శాఖల ప్రిన్సిపాల్ సెక్రటరీలు, సెక్రటరీలు తదితర ఉన్నతాధికారులతో ఏర్పాటు చేసిన రాష్ట్రస్థాయి కమిటీలో స్పెషల్ రిప్రజెంటేటివ్‌గా రాజ్యసభ ఎంపీ విజయసాయిరెడ్డి, లోక్‌సభ ఎంపీ మిథున్‌రెడ్డితో పాటు ఎంపీ తలారి రంగయ్యకు చోటు దక్కింది.

కేంద్ర ప్రభుత్వం ప్రకటించిన రూ. 20 లక్షల కోట్ల ఆర్థిక ప్యాకేజీని రాష్ట్రంలో అన్ని రంగాల్లో సాధ్యమైనంత మేరకు సమర్థవంతంగా వినియోగించేలా ప్రణాళిక, మార్గదర్శక సూత్రాలను రూపొందించేందుకు ప్రభుత్వం ఈ కమిటీని ఏర్పాటు చేసింది. కాగా, కేంద్ర ప్యాకేజీ అమలుపై సీఎస్‌ క్యాంపు కార్యాలయంలో సీఎస్ నీలం సాహ్ని ప్రాథమిక సమావేశం నిర్వహించారు. ఈ సందర్భంగా నీలం సాహ్ని మాట్లాడుతూ.. రాష్ట్ర ప్రభుత్వం అత్యంత ప్రాధాన్యతతో అమలు చేస్తున్న నవరత్నాల కార్యక్రమానికి ప్రాధాన్యతను ఇస్తూనే.. కేంద్రం ప్రకటించిన ప్యాకేజీని పటిష్టంగా అమలు చేయడం ద్వారా అందరికీ లబ్ది చేకూరేలా చర్యలు తీసుకోవాల్సిన ఆవశ్యకత ఉందన్నారు. ఆ దిశగా సంబంధిత శాఖలు కార్యాచరణ ప్రణాళికలు సిద్ధం చేసి అమలుకు చర్యలు తీసుకోవాలని సూచించారు.



Source link

Leave a Reply

Your email address will not be published. Required fields are marked *