CSK vs SRH: ధోనీ వ్యూహం హిట్.. ఫలించని వార్నర్ ప్లాన్.. సన్‌రైజర్స్ తప్పిదాలివే!



వరుసగా రెండు మ్యాచ్‌ల్లో ఓడిన .. పాయింట్ల పట్టికలో టాప్-4లో నిలిచే అద్భుత అవకాశాన్ని చేజార్చుకుంది. రాజస్థాన్‌తో జరిగిన మ్యాచ్‌లో చివరి మూడు ఓవర్లలో మ్యాచ్‌ను చేజార్చుకున్న హైదరాబాద్.. చెన్నైతో మ్యాచ్‌లో ఛేజింగ్‌లో ఓడింది. సూపర్ కింగ్స్‌ను సన్‌రైజర్స్ బౌలర్లు 167 పరుగులకే కట్టడి చేసినప్పటికీ.. బ్యాటింగ్‌లో కేన్ విలియమ్సన్ మినహా మిగతా బ్యాట్స్‌‌మెన్ ఆకట్టుకోలేకపోయారు. దీంతో విజయానికి 20 పరుగుల దూరంలో ఆరెంజ్ ఆర్మీ ఆగిపోయింది.

ఈ పరాజయంతో సన్‌రైజర్స్ హైదరాబాద్ ప్లేఆఫ్స్‌కు చేరే అవకాశాలు సంక్లిష్టం అయ్యాయి. ఇకపై ఆడే ప్రతి మ్యాచ్‌లోనూ హైదరాబాద్ గెలవాల్సి ఉంటుంది. మరో ఆరు మ్యాచ్‌ల్లో సన్‌రైజర్స్ ఐదు విజయాలు సాధిస్తేనే ప్లేఆఫ్‌ చేరడానికి ఎలాంటి సమీకరణలు అవసరం ఉండవు. చెన్నైతో జరిగిన మ్యాచ్‌లో సన్‌రైజర్స్ చేసిన తప్పిదాలేంటో చూద్దాం..

మరో బ్యాట్స్‌మెన్ ఉండుంటే..?
దుబాయ్ పిచ్ స్పిన్నర్లకు అనుకూలిస్తుందని, పరుగులు చేయడం కష్టం అవుతుందని తెలిసిందే. ఇలాంటి పరిస్థితుల్లో సన్‌రైజర్స్ అదననపు బ్యాట్స్‌మెన్‌ను తీసుకోవాల్సింది. కానీ షాబాజ్ నదీమ్‌ను తుది జట్టులోకి తీసుకుంది. నదీమ్ బాగానే బౌలింగ్ చేసి ఉండొచ్చు. కానీ అభిషేక్ శర్మను తీసుకొని ఉండి ఉంటే.. ఈ ఎడమ చేతి వాటం బ్యాట్స్‌‌మెన్.. చెన్నై లెగ్ స్పిన్నర్లను తేలిగ్గా ఎదుర్కొనేవాడు. మ్యాచ్ అనంతరం వార్నర్ మాట్లాడుతూ.. తమకు ఛేజింగ్‌లో మరో బ్యాట్స్‌మెన్ తక్కువయ్యాడని ఒప్పుకొన్నాడు.

యార్కర్లు సంధించడంలో విఫలం..
భువనేశ్వర్ కుమార్ ఐపీఎల్‌ సీజన్‌కు దూరం కావడంతో.. డెత్ ఓవర్లు వేసే బాధ్యత నటరాజన్, ఖలీల్ అహ్మద్‌పై పడింది. గత మ్యాచ్‌ల్లో సరైన ప్రాంతాల్లో బంతులు విసిరిన వీరు.. చెన్నైతో జరిగిన మ్యాచ్‌లో.. డెత్ ఓవర్లలో సరిగా యార్కర్లు సంధించలేకపోయారు. దీంతో చివరి 2 ఓవర్లలో చెన్నై 29 రన్స్ చేసింది. ఈ పరుగులే ధోనీ సేన విజయానికి, సన్‌రైజర్స్‌కు ఓటమికి మధ్య అంతరంగా నిలిచాయి.

స్లో పిచ్.. స్లో స్టార్ట్..
టాస్ గెలిచిన చెన్నై సూపర్ కింగ్స్ ముందుగా బ్యాటింగ్ చేయడం ప్లస్ అయ్యింది. సెకండ్ ఇన్నింగ్స్‌లో బ్యాటింగ్ స్లో అవుతుందని తెలిసినా.. సన్‌రైజర్స్ బ్యాట్స్‌మెన్ చాలా స్లోగా బ్యాటింగ్ చేశారు. బంతికి ఒక పరుగు చొప్పున మాత్రమే చేశారు. కానీ పవర్ ప్లే‌ను సద్వినియోగం చేసుకొని దూకుడుగా ఆడి ఉండుంటే.. మిడిల్ ఆర్డర్‌పై ఒత్తిడి పెరిగేది కాదు.

ధోనికి కలిసొచ్చిన కరన్
చెన్నై సూపర్ కింగ్స్ ఈ మ్యాచ్‌‌లో సామ్ కరన్‌ను ఓపెనర్‌గా బరిలో దింపి ఆశ్చర్యపరిచింది. అతణ్ని ఓపెనింగ్ బౌలర్‌గానూ వాడుకుంది. బ్యాటింగ్‌లో 21 బంతుల్లో 31 రన్స్ చేసిన ఈ ఇంగ్లాండ్ ఆల్‌రౌండర్.. 3 ఓవర్లు బౌలింగ్ చేసి 18 రన్స్ ఇచ్చి వార్నర్ వికెట్ పడగొట్టాడు.



Source link

Leave a Reply

Your email address will not be published. Required fields are marked *