cyber fraud in jagityal: పూరీ ఆర్డర్ ఇచ్చి రూ.25 వేలు కొట్టేశాడు.. – fraudster ordered puri through phone call and duped rs 25000


సైబర్ నేరాల పట్ల ప్రజల్లో అవగాహన పెరుగుతుండటంతో డబ్బులను కొట్టేయడానికి కేటుగాళ్లు కొత్త మార్గాలను అన్వేషిస్తున్నారు. 50 ప్లేట్ల పూరీ కావాలని ఆర్డర్ ఇచ్చిన ఓ కేటుగాడు రూ.25 వేలు కాజేసిన ఘటన కరీంనగర్ జిల్లా జమ్మికుంట పట్టణంలో చోటు చేసుకుంది. వివరాల ప్రకారం.. జమ్మికుంటలో చందన హోటల్‌‌ యజమానికి ఫోన్ చేసిన మోసగాడు.. తాను ఇండియన్ ఆర్మీలో పని చేస్తున్నానని పరిచయం చేసుకున్నాడు.

తాను హుజూర్ నగర్ నుంచి బయల్దేరుతున్నానని.. తనకు 50 ప్లేట్ల పూరీ కావాలని చెప్పాడు. నిజమే అనుకున్న హోటల్ యజమాని మొగిలి పూరీ పార్శిల్ చేసి ఆర్డర్ ఇచ్చిన వ్యక్తికి ఫోన్ చేశాడు. తాను బయల్దేరానని.. ఆన్‌లైన్ ద్వారా డబ్బులు పంపిస్తా.. ఏటీఎం కార్డు నంబర్ చెప్పాలని కోరాడు. తనకు ఏటీఎం కార్డు లేదని చెప్పడంతో వేరే వారిది చెప్పమనడంతో.. తెలిసిన వారి ఏటీఎం కార్డు నంబర్‌ చెప్పాడు. ఏటీఎం కార్డు నంబర్ ద్వారా ఆన్‌లైన్ ట్రాన్సాక్షన్ చేసిన వ్యక్తి మీ ఫోన్‌కు మెసేజ్ వస్తుంది చెప్పాలని సూచించాడు.

అలా రెండుసార్లు చెప్పగానే రూ.25 వేలు బ్యాంక్ అకౌంట్ నుంచి కట్ అయ్యాయి. మరోసారి కూడా ఓటీపీ చెప్పమని కోరినప్పటికీ చెప్పలేదు. డబ్బులు కట్ అవుతున్నాయని అతడికి చెప్పడానికి ఫోన్ చేయగా.. హిందీలో మాట్లాడాడు. ఓటీపీ చెబితే డబ్బులు వస్తాయని చెప్పి ఫోన్ పెట్టేశాడు. వెంటనే తేరుకున్న బాధితుడు జరిగిన మోసాన్ని పోలీసులకు ఫిర్యాదు చేశాడు.



Source link

Leave a Reply

Your email address will not be published. Required fields are marked *