Cycling Federation of India: శెభాష్ జ్యోతి.. 1200 కిమీ సైకిల్ తొక్కిన బాలిక‌కు సైక్లింగ్ స‌మాఖ్య ఆహ్వానం – cycling federation of india will invite 15-year-old jyoti kumari to appear for a trial next month


క‌రోనా వైర‌స్ కార‌ణంగా దాదాపుగా దేశంమొత్తం లాక్‌డౌన్‌లో ఉన్న సంగ‌తి తెలిసిందే. అయితే లాక్‌డౌన్ వేళ తండ్రిని ఇంటిని తీసుకొచ్చేందుకు 1200 కిమీపాటు సైకిల్ తొక్కి, ఓ బాలిక చేసిన సాహసానికి గుర్తింపు ల‌భించింది. ఆ బాలిక‌ను జాతీయ అకాడ‌మీలో చేర్చుకునేందుకు సిద్ధంగా ఉన్నామ‌ని జాతీయ సైక్లింగ్ స‌మాఖ్య (సీఎఫ్ఐ) తెలిపింది. త్వ‌ర‌లోనే ఢిల్లీలో ఆమెకు ఎంపిక ప‌రీక్ష నిర్వ‌హించ‌నున్నామ‌ని స‌మాఖ్య చీఫ్ ఒంకార్ సింగ్ తెలిపారు. ఆమెను బిహార్ నుంచి ఢిల్లీకి ర‌ప్పించేందుకు ఏర్పాట్లు చేస్తున్న‌ట్లు తెలిపారు.


బిహార్‌కు చెందిన 15 ఏళ్ల జ్యోతి కుమారి తండ్రి గురుగ్రామ్‌లో ఆటో రిక్షా న‌డుపుతుంటాడు. అయితే లాక్‌డౌన్ వేళ దేశం అంతా బంద్ పాటిస్తుండ‌టంతో ఆమె తండ్రి ఉపాధి కోల్పోయాడు. అలాగే అత‌ను అనారోగ్యం బారిన ప‌డ‌టంతో, స్వ‌గ్రామ‌నికి తీసుకొచ్చేందుకు బాలిక గురుగ్రామ్ వెళ్లింది. సైకిల్ వెనుక సీట్‌పై తండ్రిని కూర్చొబెట్టి వారం రోజుల‌పాటు ప్రయాణం చేసి,ఇంటికి చేరింది.


తాజాగా ఈ క‌థ‌నం వెలుగులోకి రావ‌డంతో సీఎఫ్ఐ ఆమెను అకాడ‌మీలోకి చేర్చుకోవాల‌ని భావించింది. లాక్‌డౌన్ ఎత్తివేశాక ట్ర‌య‌ల్స్ నిర్వ‌హిస్తామ‌ని తెలిపింది. బిహార్ నుంచి ఆమెను ఢిల్లీకి తీసుకువ‌చ్చి, వ‌స‌తి క‌ల్పించ‌నున్న‌ట్లు పేర్కొంది. ఇందుకు సంబంధించిన ఖ‌ర్చుల‌ను తామె భ‌రించ‌నున్న‌ట్లు తెలిపింది. ఆ బాలిక‌లో అసాధార‌ణ‌మైన నైపుణ్యాలున్నాయ‌ని, 1200 కిమీ వ‌ర‌కు సైకిల్ తొక్కడం మాములు విష‌యం కాద‌ని స‌మాఖ్య పెద్ద‌లు వ్యాఖ్యానించారు. నాలుగో విడ‌త లాక్‌డౌన్ ఈనెల 31 వ‌ర‌కు అమల్లో ఉండనున్న సంగతి తెలిసిందే.



Source link

Leave a Reply

Your email address will not be published. Required fields are marked *