cyclone amphan deaths: అంఫన్ తుఫాన్ పెను విధ్వంసం.. 84 మంది మృతి – bengal cm mamata banerjee says 72 killed in cyclone amphan, announces rs 2.5 lakh each family


సూపర్ సైక్లోన్ అంఫన్ బెంగాల్, ఒడిశా రాష్ట్రాల్లో పెను బీభత్సం సృష్టించింది. ఈ భయంకర తుఫాన్ కారణంగా బెంగాల్‌లో 72 మంది మరణించారని ఆ రాష్ట్ర ముఖ్యమంత్రి మమతా బెనర్జీ తెలిపారు. ఇలాంటి విపత్తును ఎప్పుడూ చూడలేదని ఆమె అన్నారు. ప్రధాని మంత్రి నరేంద్ర మోదీని తుఫాన్ ప్రభావిత ప్రాంతాల్లో పర్యటించాల్సిందిగా కోరుతానని చెప్పారు. తుఫాన్ కారణంగా ప్రాణాలు కోల్పోయిన కుటుంబాలకు రూ.2.5 లక్షల చొప్పున నష్టపరిహారం అందిస్తామని ప్రకటించారు. తుఫాన్ కారణంగా చాలా మంది నిరాశ్రయులయ్యారని, వందలాది మంది గాయపడ్డారని ఆమె తెలిపారు.

బుధవారం (మే 20) మధ్యాహ్నం కోల్‌కతా సమీపంలో తీరం దాటిన అంఫన్ తుఫాన్ బెంగాల్‌లో పెను విధ్వంసం సృష్టించింది. తుఫాన్ తీరం దాటిన సమయంలో గంటకు 185 కి.మీ. వేగంతో భీకర గాలులు వీశాయి. దీంతో వేలాది ఇళ్లు నేలమట్టమయ్యాయి. భారీ వృక్షాలు కూకటి వేర్లు సహా పెకిలించుకొని కుప్పకూలిపోయాయి. విద్యుత్, టెలిఫోన్ స్తంభాలు నేలకూలాయి. కోల్‌కతాలోని డమ్ డమ్ విమానాశ్రయం నీటితో నిండిపోయింది.

అంఫన్ తుఫాన్.. పశ్చిమ బెంగాల్‌, ఒడిశా, బంగ్లాదేశ్‌‌ను కుదిపేసింది. బెంగాల్‌లోనే ప్రభావం ఎక్కువగా ఉంది. ఈ రాష్ట్రంలో ప్రాణ నష్టంతో పాటు భారీ ఆస్తి నష్టం సంభవించింది. ప్రచండ గాలులు, భారీ వర్షాలకు మొత్తం 84 మంది మృతి చెందారు. అనేక మంది గాయపడ్డారు.

బెంగాల్‌పై కరోనా కంటే అంఫన్ ప్రభావమే దారుణంగా ఉందని ముఖ్యమంత్రి మమతా బెనర్జీ వ్యాఖ్యానించారు. అంఫన్‌ తీవ్రతకు సుందర్బన్ తీర ప్రాంత గ్రామాలతో పాటు కోల్‌కతా, ఇతర నగరాల్లోనూ పెను విధ్వంసం సృష్టించింది. వేల సంఖ్యలో ఇళ్లు ధ్వంసమయ్యాయి. అటు ఒడిశాలోనూ పంటలు దెబ్బతిన్నాయి. తుఫాన్ క్రమంగా బలహీనపడుతోందని వాతావరణ శాఖ తెలిపింది. తుఫాన్ ప్రభావిత ప్రాంతాల్లో ప్రధాని మోదీ శుక్రవారం పర్యటించనున్నారు.

Also Read:రైల్వే కౌంటర్లలోనూ టికెట్ల విక్రయం.. కేంద్రం మరో గుడ్ న్యూస్



Source link

Leave a Reply

Your email address will not be published. Required fields are marked *