Danish Kaneria Vs Shahid Afridi: ఆఫ్రిది నా వన్డే కెరర్‌ను నాశ‌నం చేశాడు: క‌నేరియా – pakistan former cricketer danish kaneria fires on shahid afridi for ruining his odi career


పాకిస్థాన్ మాజీ ఆట‌గాళ్లు డానిష్ క‌నేరియా, షాహిద్ ఆఫ్రిదిల మ‌ధ్య విమ‌ర్శ‌లు యుద్ధం కొన‌సాగుతోంది. తన వ‌న్డే కెరీర్ గురించి ఆఫ్రిదిపై క‌నేరియా తాజాగా సంచ‌ల‌న ఆరోప‌ణ‌లు చేశాడు. త‌న వ‌న్డే కెరీర్‌ను నాశ‌నం కావ‌డానికి కార‌ణం ఆఫ్రిదినేన‌ని విమ‌ర్శించాడు. త‌న‌పై ఎల్ల‌ప్పుడు వివ‌క్ష‌ను ప్ర‌దర్శించేవాడ‌ని క‌నేరియా గుర్తు చేసుకున్నాడు. దేశ‌వాళీల్లో ఆడుతున్న‌ప్ప‌టి నుంచే ఈ ప‌ర్వం కొన‌సాగిందని పేర్కొన్నాడు. ఇందుకు త‌ను హిందువు కార‌ణం కావ‌డ‌మే కార‌ణ‌మేమోన‌ని అనుమానం వ్య‌క్తం చేశాడు.


మ‌రోవైపు పాక్ త‌ర‌పున టెస్టు జ‌ట్టులో రెగ్యుల‌ర్ స‌భ్యుడైన క‌నేరియా.. త‌న కెరీర్‌లో కేవలం 18 వ‌న్డేల‌ను మాత్ర‌మే ఆడాడు. త‌ను రెగ్యుల‌ర్‌గా పాక్ వ‌న్డే జ‌ట్టుల్లోకి ఎంపికైన‌ప్ప‌టికీ, ప్లేయింగ్ లెవ‌న్‌లో మాత్రం చోటు ద‌క్కేది కాద‌ని వ్యాఖ్యానించాడు. ఆఫ్రిదితోపాటు తాను లెగ్ స్పిన్న‌ర్ కావ‌డమే ఎక్కువ‌గా వ‌న్డేలు ఆడ‌క‌పోవ‌డానికి కార‌ణ‌మేమోన‌ని వ్యాఖ్యానించాడు.


మ‌రోవైపు త‌న‌ను ప్లేయింగ్ లెవ‌న్‌లో ఆడించ‌క‌పోవ‌డానికి టీమ్ మేనేజ్‌మెంట్ సిల్లీ కార‌ణాలు చెప్పేద‌ని క‌నేరియా గుర్తు చేసుకున్నాడు. త‌ను పూర్ ఫీల్డ‌ర్ కాబ‌ట్టే, జ‌ట్టులో చోటు ద‌క్క‌లేద‌ని అన్నార‌ని, అప్ప‌టి జ‌ట్టులో ఒక‌రిద్ద‌రూ మిన‌హా మిగ‌తా వారి ఫీల్డింగ్ సోసోగా‌నే ఉండేద‌ని వ్యాఖ్యానించాడు. పాక్ టీమ్ అప్ప‌టికీ ఫీల్డింగ్‌కు ప్ర‌సిద్ధి కాద‌ని అభిప్రాయ‌ప‌డ్డాడు. ఇక స్పాట్ ఫిక్సింగ్‌కు పాల్ప‌డి నిషేధానికి గురైన ఆట‌గాళ్ల‌లో చాలామందికి అవ‌కాశాలిస్తున్నార‌ని, త‌నపై మాత్రం వివ‌క్ష ప్ర‌దర్శిస్తున్నార‌ని ఆరోపించాడు. ఇంజ‌మాముల్ హ‌క్‌, యూనిస్ ఖాన్‌, ర‌షీద్ ల‌తీఫ్‌, మొయిన్ ఖాన్ కెప్టెన్సీలో ఆడిన‌ప్ప‌టికీ త‌న‌కు ఇబ్బందులు ఎదురు కాలేద‌ని కనేరియా వ్యాఖ్యానించాడు.



Source link

Leave a Reply

Your email address will not be published. Required fields are marked *