dates health benefits: ఉపవాసాల్లో ఖర్జూరాన్ని ఎందుకు తింటారంటే.. – health benefits of dates eating know here all details


ఎండు పళ్ళు శరీరానికి ఎంతో మేలు చేస్తాయి. ఇవి పోషకవిలువలతో సమృద్ధిగా ఉండడం వల్ల నిత్య జీవితంలో ఎంతో ఉపయోగపడతాయి. వీటిల్లో ఖర్జూరం కూడా ఒకటి. ప్రపంచవ్యాప్తంగా ఖర్జూరాన్ని చక్కెరకు బదులుగా వాడుతూంటారు. అనేక వంటకాల్లో కూడా వాడుతూంటారు. ఖర్జూర పండు ఆరోగ్యప్రయోజనాలు కూడా అందరికీ తెలిసినవే. ఎన్నో పోషకాలే కాకుండా ఇందులో కాల్షియం, ఐరన్, ఫాస్ఫరస్, పొటాషియం, మెగ్నీషియం, జింక్ ఉన్నాయి.

రుచిగా, ఆరోగ్యాన్నిచ్చే స్నాక్ కావాలి అంటే ఖర్జూరాల్ని మీ ఆహారంలో భాగం చేసుకోండి. అవి మనకి ఎంతో మేలు చేస్తాయి. ఖర్జూరాలు ఆరోగ్యానికి ఎలా ఉపయోగపడతాయో చూద్దాం..

Also Read : బొప్పాయి పండు గింజలు తింటే బరువు తగ్గుతారా..

కొలెస్ట్రాల్ తక్కువ

ఖర్జూరాల్లో కొలెస్ట్రాల్ అసలు లేకపోవడమే కాదు, కొవ్వు కూడా చాలా తక్కువగా ఉంటుంది. కాబట్టి స్నాక్స్ గా ఖర్జూరాలు తీసుకోడం అలవాటు చేసుకోండి.

samayam telugu

dates istock 1

చక్కెరకి బదులుగా..

అదే విధంగా చక్కెర ఎన్నో సమస్యలకు దారి తీస్తుంది. అందుకే చక్కెర వాడకాన్ని తగ్గించాలి. దానికి బదులుగా మీరు ఖర్జూరాలని వాడుకోవచ్చు. ఖర్జూరాలని నానబెట్టి ఆ నీటిని కలుపుకోవడం వల్ల వంటకాలకి చక్కెర ఇచ్చే రుచి వస్తుంది. ఇది ఎంతో మేలు చేస్తుంది. పాయసం, లడ్డూలు, జ్యూస్‌లు, స్మూతీస్ ఇలా ఏవైనా సరే చక్కెర వాడే ఆహార పదార్థాల్లో ఖర్జూరాలని వాడి చూడండి. వీటి వల్ల రుచి కూడా బావుంటుంది. మీకు తేడా తెలుస్తుంది.

విటమిన్స్ తో సమృద్ధమైనవి

బీ1, బీ2, బీ3, బీ5, ఏ1, సీ విటమిన్స్ ఖర్జూరాలలో సమృద్ధిగా ఉన్నాయి. కాబట్టి ఖర్జూరాల్ని మీ ఆహారంలో భాగం చేసుకుంటే ఎలాంటి విటమిన్ సప్లిమెంట్స్ తీసుకోవాల్సిన అవసరం ఉండదు. వీటి వల్ల మీ ఎనెర్జీ లెవెల్స్ కూడా బాగా పెరుగుతాయి. కాబట్టి చాలా మంది ఉపవాసం ఉన్నప్పుడు కూడా వీటిని తీసుకుంటారు. వీటిని తీసుకోవడం వల్ల నీరసం త్వరగా తగ్గుతుంది.

Also Read : డెంగ్యూ వస్తే ప్రాణాలు కూడా పోతాయా.. రాకుండా తీసుకోవాల్సిన జాగ్రత్తలు ఏంటి.

ఎముకలకి మంచిది

ఖర్జూరాలలో సెలీనియం, మాంగనీస్, కాపర్, మెగ్నీషియం పుష్కలంగా ఉన్నాయి. ఇవి ఎముకలకి బలాన్నివడమే కాకుండా ఆస్టియోపొరాసిస్ రాకుండా చేస్తాయి.

అరుగుదలకు మంచిది

అరుగుదల సమస్యలేమైనా ఉంటే ఖర్జూరాలని నీటిలో నానబెట్టి రోజూ తీసుకోవడం చాలా మంచిది. మలబద్ధకం సమస్యకు కూడా ఇది చక్కటి పరిష్కారం.

Also Read : గుండె సమస్యలు, టెన్షన్స్ దూరం కావాలా.. ఇలా చేసి చూడండి..

samayam telugu

beauty istock

చర్మానికి మేలు చేస్తుంది.

ఖర్జూరాలలో ఉండే సీ, డీ విటమిన్స్ చర్మాన్ని మృదువుగా ఉంచడమే కాకుండా చర్మం యొక్క సాగే గుణాన్ని కూడా పెంచుతాయి. ఇంకా, మెలనిన్ పేరుకోకుండా చేసి, వయసు కనిపించకుండా చేస్తాయి.

ఖర్జూరాలు తీసుకోవడం వల్ల మీ ఆరోగ్య సమస్యలు మాత్రమే కాదు.. అందానికి కూడా పనికొస్తాయి. చర్మం మెరుస్తుంది. జుట్టు సమస్యలు చాలా వరకూ దూరం అవుతాయి. కాబట్టి రెగ్యులర్‌గా వీటిని మీ ఆహారంలో భాగం చేసుకోండి..



Source link

Leave a Reply

Your email address will not be published. Required fields are marked *