David Warner: డ్యాన్స్‌తో ఎన్టీఆర్‌కి డేవిడ్ వార్నర్ బర్త్‌డే విషెస్ – australian opener david warner wishes jr ntr on his birthday by dancing to his song


టాలీవుడ్ హీరో జూనియర్ ఎన్టీఆర్‌కి ఊహించని వ్యక్తి నుంచి బర్త్‌డే విషెస్ వచ్చాయి. ఇటీవల తెలుగు సినిమా పాటలతో వరుస టిక్‌టాక్ వీడియోలు చేస్తున్న ఆస్ట్రేలియా విధ్వంసక ఓపెనర్ డేవిడ్ వార్నర్.. బుధవారం పుట్టినరోజు జరుపుకుంటున్న ఎన్టీఆర్‌‌కి ‘పక్కా లోకల్’ సాంగ్‌కి డ్యాన్స్ చేసి మరీ వార్నర్ విషెస్ చెప్పాడు. ఈ క్రమంలో ఎన్టీఆర్‌ డ్యాన్స్ వేగాన్ని మెచ్చుకున్న వార్నర్.. తన భార్య క్యాండిస్‌తో కలిసి తాను ట్రై చేశానని చెప్పుకొచ్చాడు.

Read More: ధావన్ నువ్వు ఫాస్ట్ బౌలింగ్‌లో ఆడలేవా..?: ఇర్ఫాన్ పఠాన్

కరోనా వైరస్ కారణంగా ప్రస్తుతం ఇంటి వద్దే ఫ్యామిలీతో సమయం గడుపుతున్న డేవిడ్ వార్నర్.. వరుస టిక్‌టాక్ వీడియోలతో అభిమానుల్ని అలరిస్తున్నాడు. ఫస్ట్ అల్లు అర్జున్ నటించిన ‘అల వైకుంటపురములో’ సినిమా నుంచి బుట్ట బొమ్మ సాంగ్‌కి తన భార్య క్యాండీస్ కలిసి డ్యాన్స్ చేసిన డేవిడ్ వార్నర్.. అది బాగా ప్రాచుర్యం పొందడంతో ఆ సినిమా నుంచే ‘రాములో రాములా’ పాటకి కూడా భార్యతో కలిసి డ్యాన్స్ చేశాడు. ఆ తర్వాత పోకిరి, బాహుబలి నుంచి ఫేమస్ డైలాగ్‌లతో టిక్‌టాక్ వీడియోలను అభిమానులతో పంచుకున్నాడు.


ఐపీఎల్‌లో సుదీర్ఘకాలంగా సన్‌రైజర్స్ హైదరాబాద్‌ టీమ్‌కి ఆడుతూ తెలుగు వారికి దగ్గరైన డేవిడ్ వార్నర్.. తాజాగా వరుస టిక్‌టాక్ వీడియోలతో మరింత పాపులర్ అయిపోయాడు. మార్చి 29 నుంచి ప్రారంభంకావాల్సిన ఐపీఎల్ 2020 సీజన్.. కరోనా వైరస్ కారణంగా నిరవధికంగా వాయిదాపడిన విషయం తెలిసిందే.





Source link

Leave a Reply

Your email address will not be published. Required fields are marked *