David Warner couple Dance for buttabomma: బుట్ట‌బొమ్మ‌ పాటకు వార్నర్ దంపతుల డ్యాన్స్.. ఫ్యాన్స్ ఫిదా – australian cricketer david warner, his wife candice dance on telugu song butta bomma


క‌రోనా వైరస్ కార‌ణంగా అంద‌రూ ఇళ్ల‌కు ప‌రిమితమైన సంగ‌తి తెలిసిందే. అలాగే ప్ర‌పంచ‌వ్యాప్తంగా క్రీడా కార్య‌క‌లా‌పాలు వాయిదా ప‌డ‌టంతో సెల‌బ్రిటీలతో స‌హా ఎంతోమంది సోష‌ల్ మీడియాలో అభిమానుల‌తో ట‌చ్‌లో ఉంటున్నారు. ఆస్ట్రేలియాకు చెందిన డేవిడ్ వార్న‌ర్ చాలాకాలంగా టిక్‌టాక్‌తోపాటు ఇన్‌స్టాగ్రామ్‌లాంటి వాటిలో ఎప్ప‌టిక‌ప్పుడు త‌న వీడియోల‌ను అప్‌లోడ్ చేస్తున్నాడు. తాజాగా తెలుగు పాట‌కు త‌న భార్య క్యాండిస్‌తో క‌లిసి స్పెప్పులేసిన వీడియో వైర‌లైంది. ప్ర‌ముఖ తెలుగు సినిమా అలా వైకుంఠ‌పురంలోని సూప‌ర్‌హిట్ సాంగ్ బుట్ట‌బొమ్మ‌కు వార్న‌ర్ దంపతులు డ్యాన్స్ చేశారు.


ఈ వీడియోలో వార్న‌ర్‌.. క్యాండిస్‌తో హుషారుగా స్టెప్పులేశాడు. మ‌ధ్య‌లో వాళ్ల కూతురు కూడా క‌న్పించింది. దీనిపై అలా వైకుంఠ‌పురంలో హీరోగా న‌టించిన అల్లు అర్జున్ స్పందించారు. తమ సినిమాలోని పాట‌కు డ్యాన్స్ చేసినందుకుగాను కృత‌జ్ఞ‌త‌లు తెలిపారు. మ‌రోవైపు వార్న‌ర్ ఇప్ప‌టికే త‌న కూతురితో బాలీవుడ్ సాంగ్ షీలా కీ జ‌వానీ అనే పాట‌కు డ్యాన్స్ చేసిన సంగ‌తి తెలిసిందే.



నిజానికి క‌రోనా లేక‌పోతే ఈ పాటికి ఐపీఎల్లో స‌న్‌రైజ‌ర్స్ హైద‌రాబాద్ త‌ర‌పున ఆడుతుండేవాడు. గ‌త కొన్నాళ్లుగా తెలుగు టీమ్ స‌న్‌రైజ‌ర్స్‌కు ప్రాతినిథ్యం వ‌హిస్తున్న వార్న‌ర్‌.. తెలుగు జ‌నానికి ద‌గ్గ‌ర‌య్యాడు. మ‌రోవైపు నిషేధం కార‌ణంగా దూర‌మై.. గ‌తేడాది ఐపీఎల్లో పున‌రాగ‌మ‌నం చేసిన వార్న‌ర్ దుమ్మురేపాడు. ఈక్ర‌మంలోనే 2020 సీజ‌న్‌కు తమ జ‌ట్టు కెప్టెన్‌గా వార్న‌ర్‌ను స‌న్ నియ‌మించింది. వార్న‌ర్ సార‌థ్యంలోనే 2016లో స‌న్‌రైజ‌ర్స్ విజేత‌గా నిలిచిన సంగ‌తి తెలిసిందే.





Source link

Leave a Reply

Your email address will not be published. Required fields are marked *