David Warner: IPLలో అరుదైన రికార్డ్ ముంగిట డేవిడ్ వార్నర్.. మరో 10 రన్స్ చేస్తే రెండు రికార్డులు.. – srh captain david warner 10 runs away to become first overseas player to score 5000 runs ipl


సన్‌రైజర్స్ హైదరాబాద్ కెప్టెన్ డేవిడ్ వార్నర్ ఐపీఎల్‌లో అరుదైన రికార్డు ముంగిట నిలిచాడు. వార్నర్ మరో 10 పరుగులు చేస్తే.. ఇండియన్ ప్రీమియర్ లీగ్‌లో 5 వేల పరుగుల మైలురాయిని అందుకున్న తొలి విదేశీ క్రికెటర్‌గా రికార్డ్ క్రియేట్ చేస్తాడు. కోల్‌కతా నైట్‌రైడర్స్‌తో జరిగే మ్యాచ్‌లో వార్నర్ ఈ ఫీట్ సాధించే అవకాశం ఉంది. ఐపీఎల్‌లో ఇప్పటి వరకూ రైనా, కోహ్లి, రోహిత్ మాత్రమే 5000 కంటే ఎక్కువ రన్స్ చేశారు.

గత సీజన్లో సురేశ్ రైనా 5000 పరుగుల క్లబ్‌లో చేరిన తొలి ఆటగాడిగా నిలవగా.. తర్వాత విరాట్ కోహ్లి సైతం ఈ క్లబ్‌లో చేరాడు. 178 ఇన్నింగ్స్‌ల్లో 5759 రన్స్‌ చేసిన కోహ్లి.. ఐపీఎల్‌లో అత్యధిక పరుగులు చేసిన ఆటగాడిగా నిలిచాడు. వ్యక్తిగత కారణాలతో ఈ సీజన్‌కు దూరమైన రైనా.. 189 ఇన్నింగ్స్‌ల్లో 5149 రన్స్ చేశాడు.

ముంబై ఇండియన్స్ కెప్టెన్ రోహిత్ శర్మ ఈ సీజన్లోనే 5 వేల పరుగుల క్లబ్‌లో చేరాడు. ఐపీఎల్‌లో 191 ఇన్నింగ్స్ ఆడిన హిట్ మ్యాన్ 5149 రన్స్ చేశాడు.

సన్‌రైజర్స్ కెప్టెన్ డేవిడ్ వార్నర్ 134 ఇన్నింగ్స్‌ల్లో 4990 రన్స్ చేశాడు. మరో పది పరుగులు చేస్తే.. ఐపీఎల్‌లో వేగంగా 5 వేల రన్స్ చేసిన ఆటగాడిగా కోహ్లి (157) రికార్డును వార్నర్ తిరగరాస్తాడు.

ఈ సీజన్లో శిఖర్ ధావన్ కూడా 5 వేల పరుగుల క్లబ్‌లో చేరతాడు. శనివారం చెన్నైతో జరిగిన మ్యాచ్‌లో శతకం బాదిన ధావన్.. 167 ఇన్నింగ్స్‌ల్లో 4938 రన్స్ చేశాడు. డివిలియర్స్ (4680) కూడా త్వరలోనే 5000 రన్స్ క్లబ్‌లో చేరతాడు.



Source link

Leave a Reply

Your email address will not be published. Required fields are marked *