david warner ipl runs: SRH vs KKR: ఐపీఎల్‌లో డేవిడ్ వార్నర్ సంచనం.. ఫాస్టెస్ట్ 5000 రన్స్, తొలి విదేశీ ఆటగాడు! – ipl 2020: david warner becomes first overseas player to score 5000 runs in ipl and fastest to reach the feat


సన్‌రైజర్స్ హైదరాబాద్ కెప్టెన్ డేవిడ్ వార్నర్ ఐపీఎల్‌లో అరుదైన రికార్డ్ క్రియేట్ చేశాడు. కోల్‌కతా నైట్ రైడర్స్‌‌తో జరుగుతోన్ మ్యాచ్‌లో పది పరుగులు చేయగానే.. ఇండియన్ ప్రీమియర్ లీగ్‌లో 5 వేల పరుగుల క్లబ్‌లో చేరాడు. ఐపీఎల్‌లో ఈ మైలురాయిని అందుకున్న తొలి విదేశీ క్రికెటర్‌ వార్నర్ కావడం విశేషం. ఐపీఎల్‌లో ఇప్పటి వరకూ రైనా, కోహ్లి, రోహిత్ మాత్రమే 5000 కంటే ఎక్కువ రన్స్ చేశారు. సన్‌రైజర్స్ కెప్టెన్ డేవిడ్ వార్నర్ 135 ఇన్నింగ్స్‌ల్లో 5000 రన్స్ చేయడం ద్వారా.. ఐపీఎల్‌లో వేగంగా 5 వేల రన్స్ చేసిన ఆటగాడిగా కోహ్లి (157) రికార్డును వార్నర్ తిరగరాశాడు.

గత సీజన్లో సురేశ్ రైనా 5000 పరుగుల క్లబ్‌లో చేరిన తొలి ఆటగాడిగా నిలవగా.. తర్వాత విరాట్ కోహ్లి సైతం ఈ క్లబ్‌లో చేరాడు. 178 ఇన్నింగ్స్‌ల్లో 5759 రన్స్‌ చేసిన కోహ్లి.. ఐపీఎల్‌లో అత్యధిక పరుగులు చేసిన ఆటగాడిగా నిలిచాడు. వ్యక్తిగత కారణాలతో ఈ సీజన్‌కు దూరమైన రైనా.. 189 ఇన్నింగ్స్‌ల్లో 5149 రన్స్ చేశాడు. ముంబై ఇండియన్స్ కెప్టెన్ రోహిత్ శర్మ ఈ సీజన్లోనే 5 వేల పరుగుల క్లబ్‌లో చేరాడు. ఐపీఎల్‌లో 191 ఇన్నింగ్స్ ఆడిన హిట్ మ్యాన్ 5149 రన్స్ చేశాడు.

ఈ సీజన్లో శిఖర్ ధావన్ కూడా 5 వేల పరుగుల క్లబ్‌లో చేరే అవకాశం ఉంది. శనివారం చెన్నైతో జరిగిన మ్యాచ్‌లో శతకం బాదిన ధావన్.. 167 ఇన్నింగ్స్‌ల్లో 4938 రన్స్ చేశాడు.

అబుదాబీ వేదికగా ఆదివారం మధ్యాహ్నం ప్రారంభమైన మ్యాచ్‌లో ముందు బ్యాటింగ్ చేసిన కోల్‌కతా 5 వికెట్ల నష్టానికి 163 పరుగులు చేసింది. ఈ మ్యాచ్‌లో కేన్ విలియమ్సన్, జానీ బెయిర్‌స్టో ఓపెనర్లు బరిలో దిగగా.. డేవిడ్ వార్నర్ నాలుగోస్థానంలో బ్యాటింగ్ చేశాడు.



Source link

Leave a Reply

Your email address will not be published. Required fields are marked *