david warner sword celebration : జడేజా చూశావా..? డేవిడ్ వార్నర్ బ్యాట్‌సాము – australian opener david warner replicates ravindra jadeja’s sword-celebration


టీమిండియా సీనియర్ ఆల్‌రౌండర్ రవీంద్ర జడేజా మ్యాచ్‌ల్లో హాఫ్ సెంచరీ లేదా సెంచరీ చేసిన సమయంలో బ్యాట్‌ని కత్తిలా తిప్పుతూ మైదానంలో సంబరాలు చేసుకోవడం పరిపాటి. రాజ్‌పుత్ కుటుంబానికి చెందిన అతనికి గుర్రపు స్వారి, కత్తి సాములోనూ మంచి ప్రావీణ్యం ఉంది. దీంతో.. బ్యాట్‌ని సైతం కత్తిలా మార్చుకుని లాఘవంగా అతను తరచూ తిప్పుతుంటాడు. అయితే.. జడేజాని ఆస్ట్రేలియా ఓపెనర్ డేవిడ్ వార్నర్ అనుకరించే ప్రయత్నం చేశాడు.

ఐపీఎల్‌లో సన్‌రైజర్స్ హైదరాబాద్‌ టీమ్‌ ప్రచారం కోసం ఓ యాడ్‌ని రూపొందించగా.. అందులో వార్నర్ బ్యాట్‌ని కత్తిలా తిప్పాడు. అయితే.. ఈ యాడ్ షూటింగ్ గత ఏడాది జరగగా తాజాగా సోషల్ మీడియా ద్వారా అభిమానులతో పంచుకున్న డేవిడ్ వార్నర్.. జడేజా తరహాలో నేనూ కత్తిలా బ్యాట్‌ని తిప్పానా..? అంటూ ప్రశ్నించాడు.

ఐపీఎల్ 2020 సీజన్‌‌కి సన్‌రైజర్స్ హైదరాబాద్ టీమ్‌ కెప్టెన్‌గా డేవిడ్ వార్నర్ మళ్లీ ఎంపికవగా.. చెన్నై సూపర్ కింగ్స్ తరఫున రవీంద్ర జడేజా ఆడుతున్నాడు. అయితే.. కరోనా వైరస్ వ్యాప్తి కారణంగా మార్చి 29 నుంచి ప్రారంభంకావాల్సిన ఐపీఎల్ 2020 సీజన్ ఏప్రిల్ 15కి వాయిదా పడింది. కానీ.. దేశంలో పరిస్థితులు ఇంకా అదుపులోకి రాకపోవడంతో ఇప్పుడు టోర్నీ జరగడంపై పూర్తి సందిగ్ధత నెలకొంది.





Source link

Leave a Reply

Your email address will not be published. Required fields are marked *