dead body on cycle : వెనక సీటుపై శవంతో సైకిల్‌ నెట్టుకుంటూ.. కామారెడ్డిలో కన్నీటి ఘటన – sanitation worker carries dead body on cycle in kamareddy


లాక్ డౌన్ పటిష్ఠంగా అమలవుతున్న వేళ కామారెడ్డి జిల్లా కేంద్రంలో కన్నీరు పెట్టించే హృదయ విదారకమైన ఘటన చోటు చేసుకుంది. మార్కెట్‌లో చనిపోయిన ఓ వ్యక్తిని ప్రభుత్వ ఆస్పత్రి మార్చురీకి తరలించేందుకు ఏ వాహనమూ అందుబాటులో లేకపోవడంతో ఓ వ్యక్తి ఆ శవాన్ని సైకిల్‌పై ఉంచి నెట్టుకుంటూ తీసుకెళ్లాడు. శవానికి మొత్తం వస్త్రం చుట్టేసి వెనక సీటుపై ఉంచి తీసుకెళ్లడం సంచలనం రేపుతోంది.


Also Read: హైదరాబాద్‌లో ‘టిమ్స్’ మల్టీస్పెషాలిటీ ఆస్పత్రి, ఇక నగరం నలువైపులా..: కేసీఆర్

కామారెడ్డిలోని గాంధీ గంజ్ ప్రాంతంలో నివాసం ఉండే ఓ వ్యక్తి నగరంలోని మార్కెట్‌లో కూలీ పని చేస్తున్నాడు. అతనికి ఉన్న దీర్ఘకాలిక ఆరోగ్య సమస్యల వల్ల ఆదివారం ఉన్నట్టుండి చనిపోయాడు. దీంతో ఆ శవాన్ని అతని ఇంటికి చేర్చాల్సి వచ్చింది. ముందుగా స్థానికులు పోలీసులకు ఫిర్యాదు చేయగా, ఇది అనుమానాస్పద మృతి కాబట్టి ప్రభుత్వ ఆస్పత్రికి తరలించాలని సూచించారు. అక్కడ పోస్ట్ మార్టం నిర్వహించాలని భావించారు. ఆ శవాన్ని ఆస్పత్రి మార్చురీకి తరలించే బాధ్యతను ఓ పారిశుద్ధ్య కార్మికుడికి అప్పగించారు.

Also Read:
పోలీసులకు కేసీఆర్ గుడ్ న్యూస్.. ఆ ఉద్యోగులకూ ‘సీఎం గిఫ్ట్’

అతను ఆ మృతి దేహాన్ని తరలించేందుకు ఎన్నో ప్రయత్నాలు చేశాడు. అంబులెన్స్‌కు ఫోన్ చేయగా అవి అందుబాటులో లేకపోవడంతో, చుట్టుపక్కల వారిని సాయం కోరాడు. అసలే లాక్ డౌన్ కారణంగా రాకపోకలు ఏమీ లేకపోవడంతో చేసేది లేక అతను తన సైకిల్‌పై శవాన్ని తీసుకెళ్లాలని నిర్ణయించాడు. మృత దేహానికి బట్ట కట్టి, తన సైకిల్‌ వెనక సీటుపై ఉంచి నెట్టుకుంటూ వెళ్లాడు. సైకిల్‌పై నుంచి శవం పడిపోకుండా అటు ఇటూ బ్యాలెన్స్ చేసుకుంటూ ఆస్పత్రి మార్చురీని చేరాడు.

Also Read: స్విగ్గీ, జొమాటోలు బంద్.. నిబంధనలు అతిక్రమిస్తే కఠిన చర్యలు: కేసీఆర్





Source link

Leave a Reply

Your email address will not be published. Required fields are marked *