delhi coronavirus: గవర్నర్ కార్యాలయంలో కరోనా అలజడి.. 13 మందికి పాజిటివ్ – 13 test positive for coronavirus at delhi lieutenant governor office


ఢిల్లీని కలవరపెడుతున్న కరోనా వైరస్.. లెఫ్టినెంట్‌ గవర్నర్‌ అనిల్‌ బైజాల్‌ కార్యాలయంలోనూ అలజడి సృష్టించింది. ఏకంగా 13 మంది సిబ్బందికి కరోనా పాజిటివ్‌గా తేలింది. వీరిలో జూనియర్‌ అసిస్టెంట్లు, డ్రైవర్లు, ప్యూన్లు ఉన్నారు. ఇటీవల డిల్లీ లెఫ్టినెంట్‌ గవర్నర్‌ కార్యాలయంలో పనిచేస్తున్న జూనియర్‌ అసిస్టెంట్‌కు కరోనా పాజిటివ్‌గా నిర్ధారణ అయింది. దీంతో కార్యాలయంలో పని చేస్తున్న అందరికీ కరోనా పరీక్షలు చేశారు. దీంతో 13 మందికి కరోనా సోకినట్లు తేలింది. పలువురు అధికారులను క్వారంటైన్‌లో ఉంచారు. ఈ 13 మందితో కాంటాక్ట్ అయిన వారి వివరాలను సేకరిస్తున్నారు.

ఢిల్లీ ప్రభుత్వానికి చెందిన ఆరుగురు అధికారులకు కూడా కరోనా పాజిటివ్‌‌గా తేలింది. ఢిల్లీలోని నీతి ఆయోగ్ భవనంలో కరోనా కలకలం సృష్టించిన మరుసటి రోజే అటు గవర్నర్ కార్యాలయంలో, ఇటు ప్రభుత్వ అధికారుల్లో పలువురికి వైరస్ సోకినట్లు నిర్ధారణ కావడం గమనార్హం.

ఢిల్లీలో కరోనా కేసులు ఇప్పటికే 20 వేలు దాటాయి. మంగళవారం (జూన్ 2) ఉదయం వరకు అందిన వివరాల ప్రకారం.. ఢిల్లీలో మొత్తం 20,834 కరోనా కేసులు నమోదయ్యాయి. గత 24 గంటల్లో 990 పాజిటివ్‌ కేసులు నమోదయ్యాయి. ఢిల్లీలో కరోనా కారణంగా మరణించిన వారి సంఖ్య 523 కు చేరుకుంది. కరోనా నుంచి కోలుకొని 8,746 మంది డిశ్చార్జ్ కాగా.. ప్రస్తుతం 11,565 యాక్టివ్ కేసులు ఉన్నట్లు అధికారులు తెలిపారు.

Also Read:క్వారంటైన్ కేంద్రాల్లో ఉచిత కండోమ్‌ల పంపిణీ



Source link

Leave a Reply

Your email address will not be published. Required fields are marked *