Delhi earthquake: ఢిల్లీలో మళ్లీ భూకంపం – magnitude of 2.1 earthquake hits delhi, haryana


దేశ రాజధాని ఢిల్లీని భూకంపం వెంటాడుతోంది. సోమవారం (జూన్ 8) మధ్యాహ్నం ఒంటి గంటకు భూ ప్రకంపనలు చోటు చేసుకున్నాయి. రిక్టర్ స్కేలుపై భూకంప తీవ్రత 2.1గా నమోదైంది. గురుగ్రామ్‌కు దగ్గరగా భూకంప కేంద్రం ఉన్నట్లు అధికారులు చెబుతున్నారు. హర్యానాలోని పలు ప్రాంతాల్లోనూ భూప్రకంపనలు చోటు చేసుకున్నాయి.

గత కొన్ని రోజులుగా ఢిల్లీ-ఎన్‌సీఆర్ రీజియన్‌లో తరచూ భూకంపాలు చోటు చేసుకుంటున్నాయి. ఇప్పటికే కరోనా మహమ్మారితో వణికిపోతున్న ఢిల్లీ వాసులు భూకంపాలతో ఆందోళనకు గురవుతున్నారు. భారీ ముప్పు పొంచి ఉందేమోనని భయాందోళనలకు గురవుతున్నారు.

మే 29 రాత్రి 9 గంటల నుంచి 10 గంటల మధ్య ఢిల్లీలో రెండుసార్లు భూకంపం వచ్చింది. ఢిల్లీ సహా గుర్గావ్, నోయిడా, హర్యానాలోని పలు ప్రాంతాల్లో భూమి కంపించింది. తొలుత వచ్చిన భూకంపం తీవ్రత రిక్టర్ స్కేలుపై 4.6గా నమోదైంది. రాత్రి 10 గంటల సమయంలో రెండోసారి వచ్చిన భూకంప తీవ్రత రిక్టర్ స్కేలుపై 2.9గా నమోదైంది. గంట వ్యవధిలో రెండుసార్లు భూమి కంపించడంతో ఢిల్లీలోని పలు ప్రాంతాల్లో ప్రజలు ఆందోళనకు గురయ్యారు. భయంతో ఇళ్లలోంచి పరుగులు తీశారు.

ఢిల్లీలో మే 15న కూడా భూకంపం చోటు చేసుకుంది. రిక్టర్ స్కేలుపై తీవ్రత 2.2గా నమోదైంది. మే 10న సంభవించిన భూకంపం తీవ్రత 3.5గా నమోదైంది. ఏప్రిల్ 12, ఏప్రిల్ 13 తేదీల్లోనూ స్వల్ప స్థాయిలో భూమి కంపించడం గమనార్హం.

వరస భూ ప్రకంపనలతో ఢిల్లీ వాసులు ఆందోళనకు గురవుతున్నారు. మొత్తానికి ఏదో తేడా జరుగుతోందని.. ముప్పు ముంచుకొచ్చే ప్రమాదం ఉందని పలువురు నెటిజన్లు ట్వీట్ చేస్తున్నారు. కరోనా వైరస్‌తో బయటకు వెళ్లలేని పరిస్థితి ఉంటే.. భూకంపాలతో ఇంట్లో ఉండలేని పరిస్థితి తలెత్తిందని ఆందోళన వ్యక్తం చేస్తున్నారు.

Also Read:భరించలేని వాసన.. ముంబై ఉక్కిరిబిక్కిరి, గ్యాస్ లీకేమోనని భయం



Source link

Leave a Reply

Your email address will not be published. Required fields are marked *