delhi jal board: ఢిల్లీ వాటర్ బోర్డు అధికారికి కరోనా… క్వారంటైన్‌కు 10మంది – delhi jal board employee found covid-19 positive


ఢిల్లీలో కరోనా వైరస్ కేసులు పెరుగుతూ ఉన్నాయి. అక్కడ ఉన్న ప్రభుత్వ అధికారులు కరోనా బారిన పడుతున్నారు. తాజాగా ఢిల్లీలో జల్ బోర్డు ఉద్యోగికి కరోనా వైరస్ సోకింది. ఆయనకు జరిపిన టెస్టుల్లో పాజిటివ్ అని తేలింది. దీంతో ఆ శాఖ అధికారులు అప్రమత్తమయ్యారు. కొవిడ్ -19 సోకిన ఉద్యోగిని ఆసుపత్రి క్వారంటైన్ కు తరలించారు. కరోనా సోకిన ఉద్యోగితో కలిసి ఢిల్లీలోని ఠాగూర్ గార్డెన్ లో పనిచేసిన మరో పదిమంది ఉద్యోగులను కూడా ముందస్తు జాగ్రత్తగా 14 రోజుల పాటు హోం క్వారంటైన్ ‌లో ఉంచారు. జల్ బోర్డు జోనల్ ఇంజినీరుతోపాటు 10 మందిని హోం క్వారంటైన్ చేసి అవసరమైతే వైద్యచికిత్స పొందాలని సూచించామని ఢిల్లీ జల్ బోర్డు ఎగ్జిక్యూటివ్ ఇంజినీరు చెప్పారు.

కరోనా వచ్చిన ఉద్యోగి పనిచేసిన ఠాగూర్ గార్డెన్ జల్ బోర్డు యూనిట్ ను 14 రోజుల పాటు ముందు జాగ్రత్తగా మూసివేస్తున్నట్లు ఢిల్లీ జల్ బోర్డు ఎగ్జిక్యూటివ్ ఇంజినీర్ వివరించారు. దేశ రాజధాని ఢిల్లీలో ఇప్పటివరకు పదివేలకు పైగా కరోనా పాజటివ్ కేసులు నమోదు అయ్యాయి. అందులో 5409 కేసులు యాక్టివ్‌గా ఉన్నాయి. 4485మంది వైరస్ నుంచి కోలుకొని డిశ్చార్జ్ అయ్యారు. ఇప్పటివరకు 160 మంది వైరస్ బారిన పడి మృతి చెందారు.

మరోవైపు ఢిల్లీలోని ఎయిమ్స్ లో 92 మందికి కరోనా నిర్ధారణ అయింది. గత రెండు నెలలుగా ఎయిమ్స్ లో కరోనా చికిత్సలు చేస్తున్నారు. అనేకమంది కరోనా రోగులను ఎయిమ్స్ కు తరలిస్తున్నారు. దీంతో అక్కడ పనిచేస్తున్న వైద్య, ఆరోగ్య సిబ్బందికి, ఇతర సిబ్బందికి కరోనా సోకి ఉంటుందని భావిస్తున్నారు. కరోనా సోకిన వారిలో డాక్టర్లు, నర్సులు, ఇతర వైద్య సిబ్బంది, సెక్యూరిటీ గార్డులు, పారిశుద్ధ్య కార్మికులు ఉన్నారు. అంతేకాకుండా ఎయిమ్స్ బోధన విభాగంలో ఓ ప్రొఫెసర్ కు కరోనా రావడంతో పది మంది సిబ్బందిని క్వారంటైన్ లో ఉంచాల్సి వచ్చింది. కరోనా రోగులకు సేవల చేస్తున్న సిబ్బంది కూడా వైరస్‌కు గురికావడంతో సర్వత్రా ఆందోళన వ్యక్తమవుతోంది.

మొత్తం ఎయిమ్స్‌లో వైరస్ సోకిన 92మందిలో ఒకరు అధ్యాపకులు, ఇద్దరు రెసిడెంట్‌ వైద్యులు, 13మంది నర్సింగ్‌ సిబ్బంది, 45మంది సెక్యూరిటీ గార్డులతో పాటు మరో 12మంది పారిశుద్ధ్య కార్మికులకు వైరస్‌ సోకినట్లు అధికారులు ప్రకటించారు. ఇప్పటివరకు దేశవ్యాప్తంగా ఒక లక్ష పాజిటివ్ కేసులు నమోదయ్యాయి. వీటిలో 57,931 యాక్టీవ్ కేసులు ఉన్నాయి. 39,233 మంది కరోనా సోకిన ఆరు కోలుకొని డిశ్చార్జ్ అయ్యారు. ఈ వైరస్ బారిన పడి 3156 మంది మరణించారని కేంద్ర ఆరోగ్య మంత్రిత్వ శాఖ వెల్లడించింది



Source link

Leave a Reply

Your email address will not be published. Required fields are marked *